Obhohunyurëru 11:12 - Eriiraghano Eriihë

¹² Bhakamara, abhiibhateri bhayo bhabhere bhakooghu eriiraka ikoro koru Mwishaaro rerabhugha, “Muuche ino ighoro!” Bhoose bhaghituumuka ghuye Mwishaaro bhiinaariiru ne erishaaro, ino abhabhisa bhaabho bharabhamööhërëri.

Obhohunyurëru 11:12 Iomraidhean Croise

Ruuka 16:23

Hano omwame uyo are aranyaaka chwee iyo, aghaghëgha amiisho akarighi Abhurahamu gho kurë, na Rasaaro anyi haghuhe nawe.

Amaköri gha Bhatomu 1:9

Hano Yesu amariri kobhabhoorera abhatomu bhaache ghayo, bhoose bhaakabha bharamumööhërëri, hayo hayo aghaghëghu ghuye Mwishaaro. Erishaaro rekamobhisa, bhataamorooche wiiki.

1 Abhatesaronike 4:17

Niho itu bhano tookubha tusaaghiri toonyi abhahöru, ntoghusaru haghirohamu nabho mo‑mashaaro, kubha tomoturungʼanere Omutëmi mwighoro. Niho tookubha nawe haghirohamu emiishe ghyose.

Obhohunyurëru 12:5

Akamara omukari uyo akiibhora omoona o ghesiite. Omoona uyo nakuucha ghukangata amatöngö ghoose gha se kwo himbo e kyoma. Amare hano oghuchöka ghuyo ghoore ghokeere komure, omoona uyo aghasaru, akahiru kwo Waryobha na mo‑ghetumbe keeche ghe ghitëmi.

Obhohunyurëru 3:21

Omooto wowoose uno aghokinda amasaki, nekomwisherereri ghwikara na neeni mo‑ghetumbe keene ghe ghitëmi, kinya bhuure na neeni ꞉neekindiri, neghiikara na Taata mo‑ghetumbe keeche ghe ghitëmi.

Obhohunyurëru 4:1

Hano ghayo ghahetiri, nekarighi eriirighi erende. Mööhi! ꞉Neerooche orwighe rwighwiru Mwishaaro! Niho nekooghu eriiraka re ntaara renga rino nyoghwire ekimbërë, rekamboorera rerabhugha, “Nuuche, tiira ino ighoro, kubha nekwërëki amangʼana ghano ghakwëndëru gharwere, ghayo gharamara koheta.”