Obhohunyurëru 1:2 - Eriiraghano Eriihë

² Yohana aghasiikëra amangʼana ghoose ghano ꞉arooche. Ghayo nigho Eryobha ꞉reesiikiire na Yesu Kirisito aghaghasiikërëra.

Obhohunyurëru 1:2 Iomraidhean Croise

Yohana 1:32

Niho Yohana akabhabhoorera ghano arooche arabhugha, “Neyerooche Akörö e Ryobha eriika kinya egheghuuti koru mwishaaro na ghwikara ighoro yaache.

Yohana 12:17

Abhaato bhano ꞉bhaare na Yesu eriibhagha rino ꞉amobherekiire Rasaaro koru mo‑mbeehera na komoryoki koru mo‑bhaku, ꞉mbaasanchiri amangʼana ghayo.

Yohana 19:35

Bhuno n‑obhwibhateri bho mooto uno agharooche gharaköru. Bhuyo n‑obhwibhateri bho hëënë, gho kubha iwe neeche ghano aghosiikëra n‑gha hëënë, kubha na niinyu motore ghokumi.

Yohana 21:24

Omoonamwegha uyo niwe uno aghoghaghambera ghano na ghoghaandëka. Itu ntweche kubha ghano akobhugha n‑gha hëënë.

Yohana 3:11

Mahëënë ˆneghakobhoorera, itu ntogheeche ghano toghughamba, wiiki ntogharooche ghano toghughambera. Amare inyu motaaghwishereri amangʼana ghiito.

Amaköri gha Bhatomu 22:15

Ghoose ghano orooche na ghano woghwire, nookubha orabhabhoorera abhaato bhoose, gho kubha nookubha omwibhateri waache.

Amaköri gha Bhatomu 26:16

Ibheere obhooke, wimeerere! Niyëërëkiri ghokoocho gho ghiri nekwahure ubhe omutamishi waane, obhabhoorere abhande amangʼana ghano orooche reero, na ghano ghoose neghokwërëki.

Amaköri gha Bhatomu 4:20

Itu totaaghotora ghotigha ghosiikëra ighoro e mangʼana ghano torooche na ghoghooghu!”

1 Abhakorinto 1:6

Ghano ngakwërëki kubha amangʼana ghano tobharaghaniiri ighoro e Kirisito n‑gha hëënë.

1 Abhakorinto 2:1

Bhahiiri bhaane, hano niichiri bhowaanyu kobharaghaneri ighoro e kebhisere ke Ryobha, ntesiikiire amangʼana kwo bhuchömu hamu kwo mangʼiini ghaane.

1 Yohana 1:1

Ntokobhaandëkëra angʼana ighoro e uno anyi Angʼana e bhuhöru, uno are‑ho korwera simoka. Itu ꞉ntoomooghwire na komorighi kwo miisho ghiito abheene, ꞉ntoomorooche na komoturi na amabhökö ghiito.

1 Yohana 4:14

Itu ntorooche na ntokobhabhoorera obhuhëënë kubha, Taata Waryobha ꞉naamotomiri Omoona waache mo‑se ino, kubha abhe Omotoori o bhaato bhoose.

3 Yohana 1:12

Abhaato bhoose mbaghotobhoorera kubha Temetiiriyo m‑mooto muchömu. Eriimanya reeche ndeghotegheri Eryobha, na nekwërëki kubha iwe m‑muhëënë. Koru na niitu, ntokobhugha kubha m‑mooto muchömu, na nweche kubha amangʼana ghiito n‑nga hëënë.

Obhohunyurëru 1:11

Eriiraka riyo rekabhugha, “Andëka mo‑ghitabhu amangʼana ghoose ghano okorighi. Oramara otome eghitabhu kiyo mo‑makanisa ghano ghaanyi mo‑meghya mohungate. Emeghya ghiyo nighyo ghino, Ebheeso, na Simurina, na Bherighamo, na Tiyatira, na Sariti, na Bhirateribhiya, na Rawotikiya.”

Obhohunyurëru 1:19

“Ibheere andëka amangʼana ghano orooche, ghano ghaghuköru ibheere, na ghano ghakuucha ghuköru eriibhagha rino re kuucha.

Obhohunyurëru 1:9

Eni Yohana n‑omokumi omughëndi waanyu neenyi. Nighöötiine na niinyu ghoghumereri kunyaaka gho ghiri e Yesu Kirisito no obhutëmi bhooche. Neere nihööchëriiru mo‑gheghinga ke mo‑nyancha kino ghekobherekeru Bhaatimo. ꞉Niihööchëriiru iyo gho ghiri e kuraghani angʼana e Ryobha, na koruusi obhwibhateri ighoro e Yesu.

Obhohunyurëru 12:11

Ibheere abhakumi bhaghëndi bhiito mbamohichiri kwo masaahë gha Moona o Ngʼöndu, na kwo ngʼana e bhwibhateri bhoobho, mbamohichiri. Bhatatereeriri eriimanya reebho, mbaare bhiisëëmiri ghoku gho ghiri e komokumi Omoona o Ngʼöndu.

Obhohunyurëru 12:17

Oghuchöka ghuyo ghokamukararera chwee omukari uyo, ghooghaye kurööna na abhaana bhaache abhande bhano bhasaaghiri mo‑se. Abhaana bhayo nibho bhano bhaghosooka emeghiro ghe Ryobha na koruusi obhwibhateri ighoro Yesu.

Obhohunyurëru 20:4

Niho nekarighi ebhetumbe bhe ghitëmi bhikariiru na bhano ꞉bhaare bhahaabhuru obhotoro bho ghotena ekiina. Bhayo, n‑chaakörö chiire che bhaato bhano ꞉bhaanunguru emitu gho koruusi obhwibhateri ighoro e Yesu na kuraghani amangʼana e Ryobha. Bhatasëngiire oghotyenyi ghuure koru asanaamu yaache. Bhatiisheriiri ghotooreru ekingʼöchö ghe ghotyenyi ghuyo mo‑masho ghaabho koru mo‑mabhökö ghaabho. Abhaato bhano ꞉bhaaryokiri, bhaghakangata haghirohamu na Kirisito emeeka egheku kimu.

Obhohunyurëru 22:21

Nëköbhëëndëra aghareeya e Mutëmi Yesu, ibhe haghirohamu na niinyu bhoose. Hawubhaabha.

Obhohunyurëru 6:9

Mbe, Omoona o Ngʼöndu akanaanura omohuuri o nyaghame o ghataano, nekarighi chaakörö che bhaato cheenyi mwirungu re haghiro ha koruuseri amaruusi. Bhayo n‑chaakörö chiire che bhaato bhano ꞉bhaanunguru emitu gho kuraghani angʼana e Ryobha na koruusi obhwibhateri ighoro e Yesu.