Abhaebheeso 2:3 - Eriiraghano Eriihë

³ Hayo kare koru itu bhoose ntoore kinya ibho, ntumanyiri gho ghutambana amiigha gha simoka yiito e masari, na ghuköra amangʼana ghano ꞉ghaare gharachömëri omobhere na amiihëëbhö ghiito. ꞉Ntwibhwiru na atëëmö e masari kinya abhaato abhande, gho ghayo, Eryobha ndeere retukarariire na nturëngʼaaniire kuhaabhu anchagho.

Abhaebheeso 2:3 Iomraidhean Croise

Maariko 4:19

amare, ibho mbaghwituuri chwee ighoro e mangʼana gha riimanya rino. Wiiki mbaghwighomba kubha no obhwame bhwaru haghirohamu na ghutabhara ebheghiro ebhichömu ebhende. Ghayo ngahabhandereri angʼana, nayo ekindu ghuköra emeremo.

Yohana 1:13

Bhayo nibho abhaana bha Ryobha, bhano ꞉bhiibhwiru taanyi kwo masaahë, hamu amiigha gha mobhere, hamu amiigha gha mosubhe, amare n‑kwo Ryobha eryene.

Yohana 8:44

Inyu n‑abhaana bhi iso waanyu Erishambu, wiiki mokwënda ghuköra ghano taata waanyu aghwighomba. Erishambu n‑diiti korwera kare, wiiki retasiighiri kwimeerera mo‑bhuhëënë gho kubha, obhuhëënë bhotaanyi mo‑motema waache. Aribha Erishambu rekobhugha obhuröngö, iyo n‑atëëmö yaache gho kubha iryo n‑iröngö wiiki n‑taata o bharöngö bhoose.

Amaköri gha Bhatomu 14:16

Hayo ekeenyuma Eryobha ꞉ndeebhatighiri abhaato bha matöngö bhamanye kinya bhuure ꞉bhaare bharëënda.

Abharuumi 1:24

Gho ghiri iyo, Eryobha ndebhatighiri bhabhe bharatambana amiigha ghaabho amabhe, bharakörërana amangʼana gha chaasoni mo‑mebhere gheebho.

Abharuumi 11:30

Kare, inyu motaare moraresooka Eryobha, amare ibheere mosongʼaaniri ebheghongi bhe Ryobha, gho kubha Abhiisiraeri bhataresookiri.

Abharuumi 13:14

Amare ibheere, mo‑riimanya reenyu ryose, mubhe morakangatu no Omutëmi Yesu Kirisito. Motiishereri koru hasuuhu ghukangatu na simoka yaanyu e masari moratambana amiigha ghaanyu amabhe.

Abharuumi 2:14

Abhaato bha matöngö, ibho bhateeche emeghiro ghiyo. Koru hangʼu, bharaköra amachömu kurëngʼaana na amiihëëbhö ghaabho, na amangʼana ghayo n‑kinya bhuno ghekwërëkërëri emeghiro ghe Musa, hayo nekwërëki kubha mbeeche ghuköra ghano ghakwëndëru.

Abharuumi 5:10

Hano itu toore tokeere abhabhisa bhaache, Eryobha reghatutëmëërani itu naryo gho kohetera oroko ro Moona waache. Gho ghayo, gho kubha ntumariri ghutëmëëranibhu ne Eryobha gho kohetera oroko rooche, m‑mahëënë ntoghotooribhu koru mo‑nchagho e Ryobha kohetera obhuhöru bhooche.

Abharuumi 5:9

Ibheere, aribha tubhariiru kubha m‑bha hëënë, toonyi ambërë e Ryobha gho nchëra e masaahë gha Yesu Kirisito, hëënë ntoghotooribhu nawe koru mo‑nchagho e Ryobha.

Abharuumi 6:12

Gho ghayo, motiishereri amasari ghakangate emebhere gheenyu ghino ghehaaku. Motiishereri korutu na amiigha amabhe gha mebhere gheenyu.

Abharuumi 7:18

Nyeeche kubha, moose yaane, niko kobhugha, mo‑simoka yaane e masari, ghetaanyi‑mu egheghiro ghichömu ghyokyose. Nekwënda ghuköra amachömu, amare ntighöötë obhotoro bho ghoghaköra.

Abharuumi 9:22

Eryobha ryose hangʼu reenyi. ꞉Ndyëëndiri kwërëki abhaato obhororo bhooche na köbhëërëki changuru cheeche, amare ꞉ndeeghumeriiri chwee abhaato bhano ꞉bhaarëngʼaaniire ghosireekereru.

1 Abhakorinto 4:7

Ibheere, n‑niwe, uno aghuköriri kubha mokoro ghokera owonde? Taanyi Eryobha niryo rekoheere ebheghiro bhyose bhino onyi nabhyo? Aribha nuhaabhuru, ngwake okwihacha kinya bhuno tuhaabhuru?

2 Abhakorinto 7:1

Ibheere, abhasiighani bhaane, Eryobha ndeturaghiri amangʼana ghayo ghoose, gho ghayo twiyeri mo‑ghoose ghano ghaghotuköra kubha abhaghonchu mo‑mebhere na mo‑metema ghiito. Tubhe abhatööbhiyu kwo mangʼana ghoose gho nchëra e koresooka Eryobha.

Abhagharatiya 3:22

Amare taanyi hangʼu keenyi. Amandëkö Amatööbhiyu ngakobhugha, abhaato bhoose mbaanyi haase e bhukangati bho masari. Gho ghayo, Eryobha ꞉ndiiraghiri kobhaha kino reere riraghiire bhoose bhano bhakomokumi Yesu Kirisito.

Abhaebheeso 2:2

Eriibhagha riyo moore moratambana amiigha amabhe gha mo‑se ino, mookabha morasooka Erishambu, omutëmi o misambu ghino gheenyi na changuru mwighoro. Iryo niryo ibheere rekobhakangata abhaato bhano bhataakoresooka Eryobha.

Abhaebheeso 4:22

Mbe, motighe ghano moore moraköra ekimbërë, asughara e kare ino eghusarëka, gho ghutambana amiigha ghano ghakobhangʼiina,

Abhakorosaayi 1:21

Hayo ekeenyuma inyu bhoose moore kurë ne Eryobha wiiki moore abhabhisa bhaache, gho ghiri e miihëëbhö na chatëëmö cheenyu chambe. Amare ibheere Eryobha ndebhaghöötiini nawe

1 Abhatesaronike 4:13

Inyu bhahiiri bhiito, ntokwënda mumënyë ghano ghakorwera mo‑Bhakirisito bhano bhakuure, kubha motabha na amacheeche ke bhaato abhande bhano bhataanyi na amiitëngʼërö gha koryoka.

1 Abhatesaronike 5:6

Ibheere totamisi chandöörö ke bhaato abhande, amare tubhe miisho na kubha ne ekirëngërë.

1 Timotewo 6:9

Amare bhano bhaanyi na amiigha gha bhwame, mbaghoghwera mo‑masaki, na ghughöötu mo‑mihëtö, na mo‑miigha maaru gha ghighëëghë. Amiigha ghayo ngakobhasari mbagha bhasireekerere,

Tiito 3:3

Koru itu bheene eriibhagha riire toore tokeere komokumi Yesu, ntoore bharaghaanu, na abhiigharori, wiiki ntongʼiinuru chwee. Ntoore abhasësë bha miigha amabhe gha manga maaru gha se ino. Eriimanya riito ndeere re bhobhe ne eriihari. Abhaato mbaare bhaturëghiri, na niitu ntoore tobharëghiri.

1 Bheetero 1:14

Inyu n‑abhaana bha Ryobha moonyi. Ibheere moresooke, motiishereri ghutambana wiiki amiigha ghano moore nagho hayo ekeenyuma, eriibhagha riire moore mokeere korimënya Eryobha.

2 Bheetero 2:14

Amiisho ghaabho ngiichwire obhutaari no obhwighombi bhoobho bho ghuköra amasari bhotaanyi na antenero. Mbaghotebhitebhi abhaato bhano bhataamara bhaköngʼëri mo‑bhokumi kwo mangʼana bhaghöötë amaköri ghaabho amabhe. Emetema gheebho nginariri ghwighomba obhwame. Abhaato bhayo mbiihiimuru!

2 Bheetero 2:18

Mbaghosiikëra amangʼana gha bhwihachi na ghano ghataanyi ne ekebhune, na gho ghutambana amiigha ghaabho amabhe gha mobhere mbahaatëgha abhaato bhano bhakumiri kwo riibhagha ighuhe, na ghutaana na abhaato bhano bhikareriire obhobhiihi.

1 Yohana 2:16

Amabhe gha mo‑se ino nigho ghano, amiigha amabhe gha mobhere, ne eriihari re ghwighomba ghyokyose kino okorighi, na kwihachera obhwame. Chatëëmö chino chetaakoru o‑Taata Waryobha, amare nchekorwera mo‑se ino.

1 Yohana 2:8

Wiiki omoghiro uno nekobhaandëkëra m‑muhë. Obhuhëënë bhooche mboroochiibhu mo‑tëëmö e Yesu Kirisito, na mo‑chatëëmö cheenyu, gho kubha ekengʼuuri ngekoheta, no obhwero bho bhuhëënë mbumariri kurëngaari.