Abhaebheeso 2:2 - Eriiraghano Eriihë

² Eriibhagha riyo moore moratambana amiigha amabhe gha mo‑se ino, mookabha morasooka Erishambu, omutëmi o misambu ghino gheenyi na changuru mwighoro. Iryo niryo ibheere rekobhakangata abhaato bhano bhataakoresooka Eryobha.

Abhaebheeso 2:2 Iomraidhean Croise

Mataayo 11:19

Eriibhagha rino eni Omoona o Mooto ꞉niichiri, neraraaghëra ebhiinyakurë bhino tunariri na kunyo adivaayi, abhaato bhakabhugha, ‘Mööhi! Uno mohobhaaru wiiki murëëbhi, n‑omusaani o bhatöbhi bha righööti na bha masari!’ Amare amangʼiini gha Ryobha ngahaarighibhu kubha n‑gha hëënë gho nchëra e maköri ghaache.”

Mataayo 13:22

Chambusuro chino ꞉cheeghweriire mo‑maho, nchetuubhiine no omooto uno akooghu angʼana e bhutëmi bho Ryobha, amare naghwituuri chwee ighoro e mangʼana gha riimanya rino no obhwighombi bho bhwame. Ghayo ngahabhandereri angʼana, nayo ekindu ghuköra emeremo.

Mataayo 13:38

Omoghondo wuure notuubhiine na ase, chambusuro inchömu chiire nchetuubhiine na abhaato bha bhutëmi bho Ryobha. Amare eghetoki kiire ngetuubhiine na abhaato bha mobhisa wuure.

Maariko 4:19

amare, ibho mbaghwituuri chwee ighoro e mangʼana gha riimanya rino. Wiiki mbaghwighomba kubha no obhwame bhwaru haghirohamu na ghutabhara ebheghiro ebhichömu ebhende. Ghayo ngahabhandereri angʼana, nayo ekindu ghuköra emeremo.

Ruuka 16:8

“Achekumara, omwame akamoghongi omwimeereri uyo ataanyi omuhëënë kwo bhongʼiini bhooche. ˆNekabhabhoorera ghayo gho kubha, abhaato bha ase ino mbaanyi no obhongʼiini chwee, gho kobhihökëri ebheghiro bheebho abheene kwo bheene, ghokera abhaato bha bhwero.

Ruuka 22:31

Yesu akabhugha, “Oo Simiyooni, oo Simiyooni! Mööhi, Erishambu ndëköbhëënda, ribhönë kobhahonga inyu bhoose kinya bhahaahonga angano.

Yohana 12:31

Ibheere ˆrekahika eriibhagha re Ryobha ghotenera ekiina ase ino. Ibheere ˆrekahika eriibhagha re Eryobha kuhëëbha Erishambu mo‑bhukangati bho se ino.

Yohana 13:2

Yesu na abhaanabheegha bhaache bhaghiikara kurë ekiinyakurë ke mughörööbha. Eriibhagha riyo, Erishambu ndeere remotebhiritebhiri Yuuta, omoona o Simiyooni Isikariyoote, kubha amwigharurani Yesu.

Yohana 13:27

Yuuta hano amariri kwimoki egheteneka kiire ke mughaate, Erishambu rekamusöhërëra Yuuta. Yesu akamobhoorera akabhugha, “Ghano okwënda ghuköra, ghakörë bhwango!”

Yohana 14:30

Nteeghotora ghosiikëra na niinyu amangʼana maaru, gho kubha omokoro o se ino akaacha. Amare taanyi no obhotoro ighoro yaane.

Yohana 15:19

Aribha mongabheere abhaato bha mo‑se ino, bhayo mbangabheere bhabhasiighiri kinya bhuno ase esiighiri abhaato bhaache. Amare inyu motaanyi bha se ino, gho kubha nebhahwire koru mo‑se ino, nikyo gheghughëri abhaato bha mo‑se ino ˆbhakabharëgha.

Yohana 16:11

Naakubha arabhëërëki kubha Eryobha ndekuucha kobhatenera ekiina gho kubha, ndimariri ghotenera ekiina Erishambu omokoro o se ino.

Yohana 7:7

Abhaato bha mo‑se ino bhataghöötë ghe kobharëgha inyu, amare eni mbakundëgha gho kubha nekobhabhoorera kubha amaköri ghaabho m‑mabhe.

Yohana 8:23

Yesu akëëndërëra kobhabhoorera akabhugha, “Inyu m‑bha hano haase moonyi, amare eni neruure ighoro. Inyu m‑bha mo‑se ino, amare eni taanyi o mo‑se ino.

Yohana 8:44

Inyu n‑abhaana bhi iso waanyu Erishambu, wiiki mokwënda ghuköra ghano taata waanyu aghwighomba. Erishambu n‑diiti korwera kare, wiiki retasiighiri kwimeerera mo‑bhuhëënë gho kubha, obhuhëënë bhotaanyi mo‑motema waache. Aribha Erishambu rekobhugha obhuröngö, iyo n‑atëëmö yaache gho kubha iryo n‑iröngö wiiki n‑taata o bharöngö bhoose.

Amaköri gha Bhatomu 19:35

Antenero, omwandëki omokoro o moghya uyo akabhakiri abhaato bhayo. Akabhabhoorera akabhugha, “Inyu abhasubhe bha Ebheeso, n‑niwe uno ateeche kubha, mo‑moghya uno niwe oghochonga erisëngërö re Rishambu riito eriikoro Aritemi, haghirohamu na asanaamu yaache ino ꞉yiikiri koru mwishaaro?

Amaköri gha Bhatomu 5:3

Bheetero akamobhoorera, “Iye Ananiya! Kana Erishambu ndewusöhëriire omotema waacho, ekirëngërë ghe kobhoorera obhuröngö Akörö Ahörëëru. Nobhughiri chambiiri chino n‑choose, eriibhagha noobhisiri eribhaara re chambiiri chino obhwine gho ghoghori omoghondo waacho.

Abharuumi 12:2

Moteegha chaasughara che bhaato bha mo‑se ino, amare motighe Eryobha righarure emetema gheenyu, kubha mubhe na amiihëëbhö amahë. Hayo niho mokwegha kumënya kebhuno Eryobha rekwënda mukörë. Mokumënya n‑amangʼana ghaahë ghano ghaanyi amachömu, na ghano ghakoretegheri, wiiki na ghano ghahikeriine.

1 Abhakorinto 5:10

Ekebhune keene ghetaare kubha, motaghöötana na abhataari, na abhasööhu, na amanyangara, koru bhano bhaghusëngëra chasanaamu, ino bhataanyi abhakumi. Nengabheere hangʼu, mongarëngʼaaniire koru mo‑se ino!

1 Abhakorinto 6:11

Abhande ghate yaanyu hangʼu moore. Amare ibheere, gho kohetera kwo Mutëmi wiito Yesu Kirisito, na gho changuru che Körö e Ryobha, obhobhe bhoonyu mbweghuru, mbomusuru, na kubhareru obhuhëënë ambërë e Ryobha.

2 Abhakorinto 4:4

Angʼana Anchömu timënyuru mo‑bhaato bhano gho kubha, Erishambu rino reenyi omutëmi o se ino, ndehunyiri obhongo bho bhano bhataakomokumi Yesu. ꞉Ndiiköriri hangʼu kubha bhakindu korighi obhwero bho Angʼana Anchömu e bhokumi obhokoro bho Kirisito, uno anyi eghetuubhaani ke Ryobha.

Abhagharatiya 1:4

Kirisito ꞉naaruusiri eriimanya reeche, gho ghiri e masari ghiito, kubha atotoori koru mo‑mabhe ghoose gha se ino yi ibheere. ꞉Naaköriri hangʼu kurëngʼaana na amënda gha Waryobha Taata wiito.

Abhaebheeso 1:21

Iyo Kirisito naghukangata ighoro e bhakangati bhoose bha bhotoro na changuru. Naghukangata ighoro e manga ghoose gha bhukangati bhuno bhoghutaru hano mo‑se na mo‑se ino ekuucha.

Abhaebheeso 2:11

Mbe, gho ghayo, moteebhu kubha, hayo ekeenyuma moore abhaato bha matöngö gho kwibhoru na kobherekeru, “Bhano motasaaruru” na bhaare bhakwibherekera, “Bhano bhasaaruru,” asaaro ino eghuköru mo‑mobhere kwo mabhökö gha bhaato.

Abhaebheeso 2:13

Amare ibheere gho kohetera Kirisito Yesu, inyu bhano hayo ekeenyuma moore kurë ne Eryobha na abhaato bhaache, murëëturu haghuhe gho nchëra e masaahë gha Kirisito.

Abhaebheeso 2:3

Hayo kare koru itu bhoose ntoore kinya ibho, ntumanyiri gho ghutambana amiigha gha simoka yiito e masari, na ghuköra amangʼana ghano ꞉ghaare gharachömëri omobhere na amiihëëbhö ghiito. ꞉Ntwibhwiru na atëëmö e masari kinya abhaato abhande, gho ghayo, Eryobha ndeere retukarariire na nturëngʼaaniire kuhaabhu anchagho.

Abhaebheeso 4:17

Mbe, kwo riina re Mutëmi ˆnekabhatöngëra kubha, motamanya wiiki kinya abhaato bhano bhataryeche Eryobha. Ibho amiihëëbhö ghaabho ghataanyi no obhwëra,

Abhaebheeso 4:22

Mbe, motighe ghano moore moraköra ekimbërë, asughara e kare ino eghusarëka, gho ghutambana amiigha ghano ghakobhangʼiina,

Abhaebheeso 5:6

Amangʼana ghanga ghayo, nigho ghaghughëri Eryobha rebharöönë abhaato bhano bhataakoresooka. Motiishereri omooto wowoose abhangʼiine kwo mangʼana ghano ghataanyi gha mahëënë kubha momutambane.

Abhaebheeso 5:8

Ekeenyuma hayo, inyu moore mo‑kengʼuuri, amare ibheere, gho ghughöötana koonyu no Omutëmi Yesu mumanyiri mo‑bhwero. Mbe, ibheere, mumanye kinya abhaato bhano bhaanyi mo‑bhwero!

Abhaebheeso 6:12

Nekobhugha hangʼu gho kubha, eriihë riito retaanyi ghate yiito na abhaato. Amare ntokurööna ne emisambu ghino gheenyi no obhotoro, ghino gheghukangata ase ino e kengʼuuri, ghyose ghino ngighöötëriire mo‑se ino etaakorighibhu.

Abhakorosaayi 1:21

Hayo ekeenyuma inyu bhoose moore kurë ne Eryobha wiiki moore abhabhisa bhaache, gho ghiri e miihëëbhö na chatëëmö cheenyu chambe. Amare ibheere Eryobha ndebhaghöötiini nawe

2 Timotewo 4:10

gho kubha Tema nantighiri. Iwe nasiighiri amangʼana gha se ino, naghiire mo‑moghya o Tesaronike. Kiresike iwe naghiire korihökëri Eryobha mo‑mukööwa o Gharatiya, na Tiito woose naghiire mo‑mukööwa o Tarimatiya.

Yakobho 1:27

Amaköri ghano ghakomotegheri Waryobha Taata wiito na ghano ghataanyi ni isörö, nigho ghano, kobhatoori abhaana abhahabhe na abhasino kurëngʼaana na chanyaako cheebho, na gho ghwisacha amasari gha mo‑se ino.

Yakobho 1:7

Omooto o tëëmö iyo, atiihëëbha kubha nakubhöna egheghiro ghyokyose koru kwo Mutëmi.

Yakobho 4:4

Inyu n‑abhaato bhano motaanyi no obhuhëënë n‑kinya abhataari, bhano mokwanga Eryobha! Moteeche kubha, ghughöötana obhusaani na ase, n‑kubha abhabhisa bha Ryobha? Gho ghayo, omooto woose uno akwënda ghughöötana obhusaani na ase, naghwiköri omwene kubha omobhisa o Ryobha.

1 Bheetero 1:14

Inyu n‑abhaana bha Ryobha moonyi. Ibheere moresooke, motiishereri ghutambana wiiki amiigha ghano moore nagho hayo ekeenyuma, eriibhagha riire moore mokeere korimënya Eryobha.

1 Bheetero 4:3

Kare, moore moraköra amangʼana gha bhaato bhano bhataryeche Eryobha. ꞉Muutambiine amiigha ghaanyu amabhe gha bhutaari. ꞉Muumanyiri kinya abharëëbhi na ghosiigha chanyangi che mo‑se. ꞉Muusëngiire chasanaamu, chino Eryobha ryangiri. ꞉Muuköriri amangʼana ghayo kwo riibhagha irë chwee.

2 Bheetero 2:14

Amiisho ghaabho ngiichwire obhutaari no obhwighombi bhoobho bho ghuköra amasari bhotaanyi na antenero. Mbaghotebhitebhi abhaato bhano bhataamara bhaköngʼëri mo‑bhokumi kwo mangʼana bhaghöötë amaköri ghaabho amabhe. Emetema gheebho nginariri ghwighomba obhwame. Abhaato bhayo mbiihiimuru!

1 Yohana 3:10

Amare omooto uno ataaghuköra gha hëënë, hamu uno atamosiighiri mughëndi waache, uyo taanyi omoona o Ryobha. Hangʼu niho tokumënya obhwahukani bho bhaana bha Ryobha, na abhaana bha Rishambu.

1 Yohana 3:8

Amare omooto wowoose uno akwëndërëra ghuköra amasari, n‑omooto o Rishambu. Ntweche ghayo gho kubha Erishambu ndyëndëriire ghuköra amasari korwera kare. Nikyo Omoona o Ryobha ꞉ichiri mo‑se, kubha aghisari emeremo ghe Rishambu.

1 Yohana 4:4

Amare abhaana bhaane abhasiighani, inyu n‑abhaato bha Ryobha moonyi na mobhakindiri abhaato bhayo bha bhuröngö. Motoriri kobhakinda gho kubha, Akörö e Ryobha neenyi moose yaanyu. Iyo neenyi no obhotoro ghokera akörö e Rishambu, ino eghukangata abhaato bhano bhataakorekumi Eryobha.

1 Yohana 5:19

Ntweche kubha itu n‑abhaana bha Ryobha toonyi, na abhaato bha se bhano bhataaghokumi Eryobha mbaghukangatu ne Erishambu.

1 Yohana 5:4

gho kubha uno anyi o moona o Ryobha, naghoghakinda gha mo‑se ino. Ntoghoghakinda gho nchëra e bhokumi bhwito.

Obhohunyurëru 12:9

Oghuchöka ghokarëkëru mo‑se. Ghuno nigho oghuchöka ghuure gho kare ghuno ghokobherekeru Ibhiriisi hamu Erishambu. Ngokongʼiina abhaato bhoose mo‑se. Mahëënë ngurëkiiru mo‑se haghirohamu na bhamarayika bhaache.

Obhohunyurëru 13:14

Kwo bhyërëkërëri bhino rihaabhuru ghuköra gho ghiri e ghotyenyi ghuure o ghumbërë, ghokabhangʼiina bhano bhataare bharakumi mo‑se. Ghokabhabhoorera abhaato bhabhaache asanaamu e ghosooka oghotyenyi ghuure o ghumbërë ghuno ghunyahaaruru ne ekinyamiino, amare ghökëëndërëra kubha ghuhöru.

Obhohunyurëru 13:8

Abhaato bhoose ase ingima mbaghoghusëngëra oghotyenyi ghuyo, nanyinga abhaato bhano amariina ghaabho ghaandëkuru mo‑Ghitabhu ke Bhuhöru korwera hano ase ino ere ekeere ghutëëmu. Eghitabhu kino n‑ke Moona o Ngʼöndu uno ꞉asinchuru.

Obhohunyurëru 16:17

Niho marayika o mohungate akahoma eghetibha keeche mwighoro. Nekooghu eriiraka ikoro koru mo‑ghetumbe ghe ghitëmi ke Mwisëngërö re Ryobha, rerabhugha, “Ghoose ˆghaghasira!”

Obhohunyurëru 20:2

Aghaghughööta oghuchöka ghuure, oghuchöka ghuure gho kare ghuno ghokobherekeru Ibhiriisi hamu Erishambu, aghaghubhöha no omunyörörö kwo riibhagha re meeka egheku kimu,