2 Bheetero 3:7 - Eriiraghano Eriihë

⁷ Wiiki kwo ngʼana iyo iyo Eryobha ꞉ndeetindekiri erishaaro na ase ino, bhiiche bhyekibhu no omororo. ꞉Ndeebhetooriri gho ghiri e rosiko ruure abhaato bhano bhataakoresooka Eryobha bhaghoteneru ekiina na ghosireekereru.

2 Bheetero 3:7 Iomraidhean Croise

Mataayo 10:15

Mahëënë ˆnekabhabhoorera kubha orosiko ro ghoteneru ekiina, ndekobhatenera ekiina abhaato bha moghya uyo kwo bhororo ghokera abhaato bha se e Sotoma na Ghomora.

Mataayo 11:22

Amare, ˆnekabhabhoorera kubha orosiko ro ghoteneru ekiina inyu moghoteneru ekiina kwo bhororo ghokera ghoteneru ekiina abhaato bha meghya ghe Tiiro na Sitooni.

Mataayo 11:24

Amare ˆnekabhabhoorera kubha orosiko ro ghoteneru ekiina inyu moghoteneru ekiina kwo bhororo ghokera ase e Sotoma.”

Mataayo 12:36

Amare ˆnekabhabhoorera inyu kubha orosiko ro ghoteneru ekiina, abhaato mbakoruusi omubharo o mangʼana ghoose ghano ꞉bhaasiikiire ghatanchekiine.

Mataayo 24:35

Erishaaro na ase mbekoheta, amare amangʼana ghaane ghataakoheta naabha.

Mataayo 25:41

“Niho nekobhabhoorera bhaare bhaanyi okubhökö koone gho kumosi nebhughe, ‘Mondwere hano inyu bhano Eryobha riihiimiri! Moghi mo‑mororo o miishe ghyose uno Eryobha riisëëmiri gho ghiri e Rishambu na bhamarayika bhaache.

Maariko 6:11

Wiiki, hohoose hano bhataakobhasongʼaana hamu kobhatëghëërëra, hano moghutanura, mwikongʼoote orotu runo roonyi mo‑maghoro ghaanyu, ibhe obhwibhateri ghokoobho, kubha Eryobha ˆrekabhaanga.”

Yohana 12:48

Omooto wowoose uno akonyanga eni haghirohamu na amangʼana ghaane, naanyi na uno akuucha komotenera ekiina. Amangʼana ghano nebhughiri nigho ghakuucha komotenera ekiina orosiko ro ntenero.

Abharuumi 2:5

Iye noonyi no omutu muköngʼu, wiiki nokwanga ghotuukuunera amasari ghaacho. Gho ghayo, noghwikomera anchagho e rosiko runo Eryobha reghotena ekiina keeche kwo bhuhëënë.

1 Abhakorinto 3:13

ne emeremo ghe mooto woose ngekorighibhu kubha nibhu gheere. Orosiko ruure ro ghoteneru ekiina emeremo ghyose ngeghotooru haheero, gho kubha emeremo ghe mooto woose, ngekurëngu kwo mororo o ghotenera ekiina.

Abhabhiribhi 1:28

Wiiki nibhe nerooghu kubha, motaaghotiina koru hasuuhu abhaato bhano bhakobhakörëra anyaako. Kiyo nikyo ekyërëkërëri kubha ibho mbakwërëkëra ghosireekerera, amare inyu mokwërëkëra ghotooribhu. Ghiyo ghyose ne emeremo ghe Ryobha.

2 Abhatesaronike 2:3

Motiishereri omooto wowoose kobhangʼiina kwo ryoryose riire, gho kubha orosiko ruyo rotaakohika singa, mbagha chaasiko chiire abhaato bhaaru bhaakubha bharigharuriini Eryobha, wiiki eriibhagha riyo Omwigharurani wuure nakorighibhu. Uyo niwe eriibhagha re ntenero Omutëmi nakomosireekereri kimu.

1 Timotewo 6:9

Amare bhano bhaanyi na amiigha gha bhwame, mbaghoghwera mo‑masaki, na ghughöötu mo‑mihëtö, na mo‑miigha maaru gha ghighëëghë. Amiigha ghayo ngakobhasari mbagha bhasireekerere,

Abheebhuraaniya 12:29

gho kubha Eryobha riito ndeenyi kinya omororo muhaari uno oghweki na ghosireekereri kimu.

2 Bheetero 2:9

Gho ghayo, Omutëmi Waryobha neeche kinya akobhatoori mo‑masaki abhaato bhano bhakomosooka. Wiiki neeche kebhuno akobharööna abhaköri bha masari mo‑rosiko ruure ro kobhatenera ekiina,

2 Bheetero 3:10

Orosiko ro Mutëmi ndokuucha kinya omwibhi. Orosiko ruyo, eriighoro ndeghusënu gho kerighito ghekoro, ebheghiro bhino bheenyi‑mu mbeghosireekereru kwo mororo, na ase yoose neghosireekerera haghirohamu ne ebheghiro bhyose bhino bheenyi‑mu.

2 Bheetero 3:12

Mubhe moraghanya orosiko ruure ro Ryobha na koruköra ruuche bhwango. Gho ghiri e rosiko ruyo, eriighoro ndeghweku kwo mororo na ghosireekerera, ne ebheghiro bhino bheenyi‑mu mbekuyaaya kwo bhotuuku bhuhaari chwee.

1 Yohana 4:17

Gho nchëra iyo, obhosiighi bhooche mbohikeriine ghokwito, kubha tubhe no obhosubhesubhe orosiko ro ghoteneru ekiina. Ntookubha nabho gho kubha, eriimanya riito re mo‑se ino, ndetuubhiine ne eriimanya re Yesu.

Yuuta 1:7

Wiiki, mohiite ghano ꞉ghaabhabhwine abhaato bha meghya ghe Sotoma na Ghomora, na bha meghya ghe haghuhe. Bhayo ꞉mbaaköriri amangʼana ghaare ghaare kinya bhamarayika bhayo ꞉bhaaköriri. Mbaare bharaköra obhutaari na ghutambana amiigha gha mobhere kinya etaakwëndëru na kebhuno ꞉bhaatëëmuru. Ghoteneru ekiina koobho, nkoore ghosireekereru no omororo na kuyo nkubheere eghetuubhaani ghe nchagho e mororo o miishe ghyose kwo bhaato bhoose.

Obhohunyurëru 17:11

Oghotyenyi ghuno ghoore ghuhöru ghokamara ghoghaku, n‑omutëmi o kanaane. Omutëmi o kanaane uyo n‑umu o bhatëmi bhaare mohungate, koru woose Eryobha ndekomosireekereri.

Obhohunyurëru 17:8

Oghotyenyi ghuno orooche, ekimbërë ngoore ghuhöru amare ibheere ngokuure. Ibheere haghuhe ghoonyi koru mwirooma re mashambu, amare Eryobha ndeghoghosireekereri. Abhaato bhoose bha se bhano amariina ghaabho ghataandëkuru mo‑Ghitabhu ke Bhuhöru korwera ghutëëmu gho se, mbakoroghoora korighi oghotyenyi ghuyo gho kubha ngoore‑ho, ghokamara ghoghaku, amare ghoghagharuka wiiki.”

Obhohunyurëru 20:11

Nekamara, nekarighi Eryobha riikeere mo‑ghetumbe kyero eghekoro ghe ghitëmi. Erishaaro na ase bhekangʼösa ambërë yaache na bhetaaroochiibhu wiiki.

Obhohunyurëru 21:1

Hano ghayo ghahetiri, nekarighi eriirighi erende. Nekarighi erishaaro eriihë na ase ahë, gho kubha erishaaro e rimbërë na ase a yimbërë mbimariri koheta, na anyancha teere‑ho wiiki.