2 Bheetero 3:2 - Eriiraghano Eriihë

² Nekwënda mohiite amangʼana ghano ꞉ghaaghamburu kare na abharööti abhatööbhiyu, no omoghiro o Mutëmi no Omotoori uno abhatomu bhaache ꞉bhaabharëëtiire.

2 Bheetero 3:2 Iomraidhean Croise

Ruuka 1:70

kinya Eryobha ꞉riimariri kobhugha hayo kare, gho nchëra e bharööti bhaache abhatööbhiyu.

Ruuka 24:27

Niho, Yesu akabhëërëkërëri amangʼana ghoose ghano ghaandëkuru ighoro yaache, korwera mo‑Mandëkö gha Musa, na mo‑Mandëkö ghoose gha bharööti.

Ruuka 24:44

Akamara akabhabhoorera akabhugha, “Eriibhagha neere nekeere neenyi haghirohamu na niinyu, ghano, nigho amangʼana ghaane ghano ꞉neebhabhooriire, kubha ghoose ghano ghaandëkuru ighoro yaane ngakwëndëru ghahikeerane. Ibhe mo‑meghiro ghe Musa, na mo‑Mandëkö gha bharööti, na gha Sabhuri.”

Amaköri gha Bhatomu 10:43

Yesu uyo, abharööti bhoose ꞉mbaasiikiire ighoro yaache kubha, omooto wowoose uno akomokumi nakwabhëru amasari ghaache kwo riina reeche.”

Amaköri gha Bhatomu 28:23

Niho bhaghiishererani na Bhawuro orosiko runo bhaghutëmëërana. Orosiko ruyo hano rohikiri, Abhayahuuti bhayo bhaghatëmëërana kwo bhwaru ghokera ekimbërë, mo‑nyumba ino are ariikara. Bhawuro akamara omwishe woose arabheeghi, na köbhëërëkërëri kwo bhuchömu ighoro e bhutëmi bho Ryobha. Mbe, gho kubha ꞉nëëndiri bhoose bhamokumi Yesu, eghaghëri abheeghi amangʼana ighoro e Yesu gho kohetera emeghiro ghe Musa, na mo‑bhitabhu bhe bharööti.

Amaköri gha Bhatomu 3:18

Amare, ghayo ꞉ngaabheere hangʼu kubha Eryobha rehikeerani amangʼana ghano riröötiri gho nchëra e bharööti bhaache bhoose kubha, Kirisito waache nakunyaakibhu.

Amaköri gha Bhatomu 3:21

Ibheere Yesu nakwëndëru asaaghe Mwishaaro mbagha hano Eryobha reghuköra ebheghiro bhyose bhe mo‑se ino bhibhe, kinya bhuure abhughiri korwera kare gho nchëra e bharööti bhaache abhatööbhiyu.

Abhagharatiya 6:2

Mubhe moratoorani gho ghusakerani obhorito bho merigho gheenyu. Niho mokohikeerani emeghiro ghe Kirisito.

Abhaebheeso 2:20

Inyu mubheere kinya anyumba ino yabhëkuru ighoro e bhoroso. Abhatomu na abharööti ibho n‑kinya obhoroso bho nyumba iyo. Kirisito Yesu niwe eriibhohe ikoro re bhoroso.

Abhaebheeso 3:5

Ekebhisere kiyo retaabhamënyiri abhaato bha kare, amare ibheere ndebhahunyuriire abhatööbhiyu bhaache abhatomu na abharööti gho nchëra e Körö yaache.

1 Timotewo 6:14

ughöötërërë amëërëkërëri ghayo gho ghoghasooka no otaghataasi, mbagha hano akuucha Omutëmi wiito Yesu Kirisito.

2 Bheetero 2:21

Nengabheere ngʼoni ghokoobho aribha bhatangamënyiri inkongʼorimu emeghiro ghino ghekwërëkërëri kino Eryobha rekwënda, ghokera bhaghimënyë, bharamara bhaghetighe emeghiro emitööbhiyu ghino bhahaabhuru.

2 Bheetero 3:15

Mumënyë kubha Omutëmi nakobhaghumereri kubha mubhönë omweya o ghotooribhu. Hangʼu nibhu omohiiri wiito Bhawuro omosiighani ꞉abhaandëkiire gho kuhökëri mangʼiini ghano Eryobha ꞉reemoheere.

2 Bheetero 3:16

Mo‑chanyaarubha cheeche choose naghosiikërëra amangʼana ghayo. Ngaanyi‑ho amangʼana aghande ghano ghaanyi maköngʼu ghoghamënya mo‑chanyaarubha cheeche chiyo. Amangʼana ghayo, abhaato bhano bhataanyi no obhumënyi na bhano bhataamara bhaköngʼëri mo‑bhokumi, mbahaaghasari, kinya bhuno bhahaasari Amandëkö Amatööbhiyu aghande. Gho nchëra iyo mbakwirëëtëra ghosireekerera koobho abheene.

1 Yohana 4:6

Amare itu n‑abhaato bha Ryobha toonyi. Wowoose uno aryeche Eryobha, naghotutëghëërëra, amare uno ataanyi o Ryobha, taaghotutëghëërëra. Hangʼu niho tokumënya obhwahukani bho bhaato bhano bhaghukangatu na Akörö e hëënë, na bhano bhaghukangatu na akörö e bhuröngö.

Yuuta 1:17

Amare inyu abhasiighani, mohiite amangʼana ghano abhatomu bha Mutëmi wiito Yesu Kirisito ꞉bhaabhughiri.

Obhohunyurëru 19:10

Niho neghagho kebhuuma ambërë e marayika uyo, kubha nemusëngërë. Amare akamboorera akabhugha, “Tigha! Eni woose n‑omutamishi mughëndi waacho neenyi. Nturëngʼiine na abhahiiri bhaacho abharööti, na abhande bhoose bhano bhakoruusi obhwibhateri ighoro e Yesu. Mbe, usëngërë Eryobha eryene chiri! Gho kubha, obhuhëënë bhuno Yesu ërëkiri, nibho bhoghughëri abhaato bhararuusi obhurööti.”