2 Bheetero 3:16 - Eriiraghano Eriihë

¹⁶ Mo‑chanyaarubha cheeche choose naghosiikërëra amangʼana ghayo. Ngaanyi‑ho amangʼana aghande ghano ghaanyi maköngʼu ghoghamënya mo‑chanyaarubha cheeche chiyo. Amangʼana ghayo, abhaato bhano bhataanyi no obhumënyi na bhano bhataamara bhaköngʼëri mo‑bhokumi, mbahaaghasari, kinya bhuno bhahaasari Amandëkö Amatööbhiyu aghande. Gho nchëra iyo mbakwirëëtëra ghosireekerera koobho abheene.

2 Bheetero 3:16 Iomraidhean Croise

Mataayo 15:3

Yesu akabhagharokeri akabhugha, “Ngwake na niinyu moghusari emeghiro ghe Ryobha gho ghutambana chaasughara cheenyu?

Mataayo 15:6

Okweghi konga kuyo, ngoghughëri omooto atighe komosooka ishe hamu nyina. Mbe, gho ghuköra hangʼu, ˆmoghatigha ghosooka angʼana e Ryobha, gho nchëra e ghutambana chaasughara che bhiisokoro.

Mataayo 22:29

Yesu akabhagharokeri akabhugha, “Morumeeriri gho kubha moteeche ghano ghaandëkuru mo‑Mandëkö Amatööbhiyu, wiiki moteeche obhotoro bho Ryobha kebhuno bhoonyi.

Abhabhiribhi 3:19

Antenero e bhaato bhayo mbaghosireekerera, gho kubha amiigha ghaabho nigho eryobha reebho. Ibho mbakwihachera amaköri gha chaasoni ghano bhaghuköra. Wiiki mbakwihëëbhëra amangʼana gha mo‑se ino.

Abheebhuraaniya 5:11

Ntoonyi na maaru gha ghosiikëra ighoro e Yesu kubha Omuchaama Omokoro, amare n‑ghuköngʼu kobhabhoorera gho kubha inyu taanyi bhahoho ghoghamënya.

Yakobho 1:8

Omooto uyo n‑o miihëëbhö abhere nahaataratara mo‑chanchëra cheeche choose.

1 Bheetero 1:1

Anyaarubha ino neyandëkiri eni Bheetero, omotomu o Yesu Kirisito. ˆNekabhaandëkëra inyu bhano mwahwiru ne Eryobha, bhano mumanyiri kinya abhaghëni na ghusancha mo‑mikööwa ghe Bhonto, na Gharatiya, na Kabhatokiya, na Asiya na Bhitiniya.

1 Bheetero 2:8

Wiiki, Amandëkö ngakobhugha kubha, “Eriibhohe riyo n‑eriibhohe re ghwituuratuura, n‑eriitare re ghoghwishi abhaato.” Abhaato mbaghwituuratuura, gho kubha bhataaghughööta angʼana e Ryobha. Na hangʼu nibhu ꞉bhaare bhasëëmiiru korwera kare.

2 Bheetero 2:1

Amare mo‑riibhagha re bharööti, ꞉mbaarweriire abharööti bha bhuröngö ghate e Abhiisiraeri, kinya bhuno abheeghi bha bhuröngö bhaakubha ghate yaanyu. Abhaato bhayo mbaghusöhi kwo bhobhe ameeghi gha korumeeri abhaato, na mbakomwanga Omutëmi Yesu, uno abhatingwiri. Gho ghuköra hangʼu mbakwirëëtëra ghosireekerera koobho abheene kwo bhwango.

2 Bheetero 2:14

Amiisho ghaabho ngiichwire obhutaari no obhwighombi bhoobho bho ghuköra amasari bhotaanyi na antenero. Mbaghotebhitebhi abhaato bhano bhataamara bhaköngʼëri mo‑bhokumi kwo mangʼana bhaghöötë amaköri ghaabho amabhe. Emetema gheebho nginariri ghwighomba obhwame. Abhaato bhayo mbiihiimuru!

2 Bheetero 3:14

Gho ghayo abhasiighani bhaane, eriibhagha moghughanya orosiko ruure, mukörë ghwiköngʼi araacha kuucha abhönë moonyi no omukörö mwero motaanyi ne eriisari ambërë e Ryobha, na mubhe no omurëmbë.

2 Bheetero 3:2

Nekwënda mohiite amangʼana ghano ꞉ghaaghamburu kare na abharööti abhatööbhiyu, no omoghiro o Mutëmi no Omotoori uno abhatomu bhaache ꞉bhaabharëëtiire.

Yuuta 1:4

ˆNekabhaandëkëra anyaarubha ino, gho kubha mbaanyi‑ho abhaato nyarebhe bhano bhataakoresooka Eryobha, mbiisöhiri gho kebhisere ghate yaanyu na ghwisangerani na niinyu. Abhaato bhano mbakorumeeri angʼana e ghareeya e Ryobha riito, kubha abhaato bhakörë amangʼana gha chaasoni na komwanga Omutëmi wiito Yesu Kirisito, Omukangati wiito omwene chiri. Amare korwera kare ꞉yaandëkuru mo‑Mandëkö Amatööbhiyu kubha abhaato bhano mbaghoteneru ekiina.