2 Bheetero 3:15 - Eriiraghano Eriihë

¹⁵ Mumënyë kubha Omutëmi nakobhaghumereri kubha mubhönë omweya o ghotooribhu. Hangʼu nibhu omohiiri wiito Bhawuro omosiighani ꞉abhaandëkiire gho kuhökëri mangʼiini ghano Eryobha ꞉reemoheere.

2 Bheetero 3:15 Iomraidhean Croise

Abharuumi 2:4

Eryobha n‑ihöriicho chwee, ndeghokorigheri ebheghongi bhyaru, na ndeghoghoghumereri chwee. Amare iye ibheere, nokwënda ghutaraaha ghayo ghoose? Tweche kubha ndeghokwërëki obhuhöriicho bhooche, kubha otore ghotuukuunera amasari ghaacho?

2 Bheetero 3:9

Abhaato abhande mbaghwituuri kubha Omutëmi Waryobha naghukëëchëra kohikeerani ghaare ꞉araghiri, amare taaghukëëchëra. Amare iwe naghwiköngʼëërëri gho ghiri yaanyu, gho kubha taakwënda kubha, omooto koru umu ache abhore. Kino akwënda n‑kubha bhoose bhatuukuunere amasari ghaabho.

1 Timotewo 1:16

Koru hangʼu, Yesu Kirisito ꞉naandoochiire changori eni! ꞉Naanyëërëkiri obhoghumereri bhooche bhokoro chwee ghokoone eni uno neenyi na amasari ghokera bhoose, kubha kinya angumeriire eni ibhe ekyërëkërëri kwo bhaare bhakuucha komokumi na ghosongʼaana obhuhöru bho miishe ghyose.

1 Bheetero 3:20

Chaakörö chiyo n‑che bhano bhataresookiri Eryobha hayo kare, eriibhagha Nuhu are araabhëka asafina. Eryobha ꞉ndeeghumeriiri obhobhe bhoobho mbagha asafina ekamaru kwabhëku, amare antenero abhaato bhanaane hangʼu, nibho ꞉bhaatooriibhu koru mo‑manche.

Yakobho 3:17

Amare, amangʼiini ghano ghaakoru kwo Waryobha, m‑machömu wiiki n‑gha murëmbë, no obhuhörëëru, igho ngaghutëghëërëra amangʼana gha abhaato. Igho ngiichwire changori na amaköri amachömu, na ghataanyi no obhwahukani koru obhobhiihi.

Ruuka 21:15

Eni mwene, nekobhaha amangʼiini na amangʼana ghano moghosiikëra, koru abhabhisa bhaanyu bhataaghotora ghoghaanga hamu kobhakinda.

Yakobho 1:5

Amare uno aghosuuheru na amangʼiini, nakwëndëru arisabhe Eryobha naryo ndekomuha, gho kubha ndehaabhaha abhaato bhoose, kwo bhosiighi, koru iryo retaanyi na anyaanyi.

Amaköri gha Bhatomu 15:25

Ibheere kurëngʼaana na ghayo, ntwishereriini tookaahura abhaato tobhatome iyo bhowaanyu. Abhaato bhayo mbakuucha haghirohamu na abhasiighani bhiito Bharinaabha na Bhawuro,

1 Abhakorinto 2:13

Wiiki totaaghosiikëra amangʼana ghano tweghuru na amangʼiini gha bhaato, amare ntoghosiikëra ghano tweghuru na Akörö e Ryobha. Ntokobhabhoorera amangʼana gha Körö e Ryobha abhaato bhano bhaanyi na Akörö iyo.

Abhaebheeso 3:3

꞉Ndeembooriire gho nchëra e kohunyurera amangʼana ghaache ghano reere rebhisiri, na nimariri kobhaandëkëra hasuuhu ighoro e mangʼana ghayo.

1 Abhakorinto 12:8

Akörö nekomuha omooto umu angʼana e mangʼiini, no owonde nekomuha angʼana e bhumënyi. Akörö iyo iyo nekoruusi ebhihaano kinya ekwënda.

1 Abhakorinto 3:10

Gho ghareeya ino Eryobha reheere, eni nyabhëkiri obhoroso kinya omwabhëki omukaari na uno anyi na amangʼiini, no omooto owonde nakwabhëka ighoro e bhoroso bhuyo. Amare ibheere, omooto woose amööhërëri bhoheene, kebhuno akwabhëka ighoro e bhoroso bhuyo,

Amaköri gha Bhatomu 7:10

Eryobha rekamotoori mo‑nyaako yaache yoose. Wiiki rekamuha amachömu na amangʼiini ghoose, mbagha Bharaawo omutëmi o Miisiri akamosiigha chwee. Ibheere Bharaawo akamotoora abhe omukangati omokoro mo‑se yaache e Miisiri, na mo‑nyumba yaache e ghitëmi.

Amaköri gha Bhatomu 9:17

Mbe, Ananiya aghaye, aghasöha mo‑nyumba iyo. Niho akamotoorera Sawuri amabhökö ighoro yaache, akamobhoorera, “Oo mohiiri waane Sawuri, Omutëmi nantomiri ghokoocho, kubha otore korighi wiiki na wiichöribhu Akörö Ahörëëru. Omutëmi uyo niwe Yesu uno akorweriire mo‑nchëra, eriibhagha ore oraacha hano.”

2 Bheetero 3:2

Nekwënda mohiite amangʼana ghano ꞉ghaaghamburu kare na abharööti abhatööbhiyu, no omoghiro o Mutëmi no Omotoori uno abhatomu bhaache ꞉bhaabharëëtiire.