2 Bheetero 3:12 - Eriiraghano Eriihë

¹² Mubhe moraghanya orosiko ruure ro Ryobha na koruköra ruuche bhwango. Gho ghiri e rosiko ruyo, eriighoro ndeghweku kwo mororo na ghosireekerera, ne ebheghiro bhino bheenyi‑mu mbekuyaaya kwo bhotuuku bhuhaari chwee.

2 Bheetero 3:12 Iomraidhean Croise

Mataayo 16:27

Eni uno neenyi Omoona o Mooto nekuucha haghirohamu na bhamarayika bhaane mo‑bhokumi obhokoro bho Taata waane. Niho nekomoreha omooto wowoose kurëngʼaana ne emeremo gheeche.

Mataayo 16:28

Mahëënë ˆnekabhabhoorera, mbaanyi‑ho abhamu bhiimeeriire hano, bhano bhataaghoku bhakeere kondighi eni Omoona o Mooto neraacha mo‑bhutëmi bhoone.”

Abhabhiribhi 1:6

Neenyi no obhuhëënë kubha Eryobha rino ꞉riisëëmiri emeremo mimangi mo‑metema gheenyu, ndekwëndërëra ghoghiköra mbagha reghehikeerani mo‑rosiko ruure Kirisito Yesu aghugharuka.

Tiito 2:13

Tughöötë amangʼana ghano, toraghanya na ghwitëngʼëra orosiko ruure oruchömu ro ghugharuka kwo Kirisito Yesu. Orosiko ruyo nakorighibhu mo‑bhokumi bhooche obhokoro. Iwe niwe Eryobha riito Eriikoro no Omotoori wiito.

2 Bheetero 3:10

Orosiko ro Mutëmi ndokuucha kinya omwibhi. Orosiko ruyo, eriighoro ndeghusënu gho kerighito ghekoro, ebheghiro bhino bheenyi‑mu mbeghosireekereru kwo mororo, na ase yoose neghosireekerera haghirohamu ne ebheghiro bhyose bhino bheenyi‑mu.

2 Bheetero 3:11

Mbe, gho kubha ebheghiro bhyose mbeghosireekereru gho nchëra iyo, inyu mokwëndëru kumanya imanya ke mo‑se ino? Mokwëndëru kumanya eriimanya eritööbhiyu na re koresooka Eryobha.

2 Bheetero 3:4

bharabhugha kubha, “Kirisito ꞉naaraghiri kubha naghugharuka! Ibheere hayi anyi? Korwera bhasookoro bhiito bhaku, amangʼana m‑bhuure bhuure ghaanyi kinya bhuno ꞉ghaare korwera simoka e se!”

2 Bheetero 3:7

Wiiki kwo ngʼana iyo iyo Eryobha ꞉ndeetindekiri erishaaro na ase ino, bhiiche bhyekibhu no omororo. ꞉Ndeebhetooriri gho ghiri e rosiko ruure abhaato bhano bhataakoresooka Eryobha bhaghoteneru ekiina na ghosireekereru.

Yuuta 1:21

Mwichonge mo‑bhosiighi bho Ryobha, ino mörëëndërëra ghughanya ebheghongi bhe Mutëmi wiito Yesu Kirisito uno akobhaha obhuhöru bho miishe ghyose.