2 Bheetero 3:11 - Eriiraghano Eriihë

¹¹ Mbe, gho kubha ebheghiro bhyose mbeghosireekereru gho nchëra iyo, inyu mokwëndëru kumanya imanya ke mo‑se ino? Mokwëndëru kumanya eriimanya eritööbhiyu na re koresooka Eryobha.

2 Bheetero 3:11 Iomraidhean Croise

Mataayo 8:27

Abhaanabheegha bhaache bhakahagha, bhakabhugha, “Uno no omooto o ngabhu koru obhukama bhuhaari ne emekunda ghe nyancha ghekomosooka?”

Abharuumi 13:11

Mubhe moraköra ghayo ghoose, gho kubha mweche, asa e kobhooka koru mo‑chandöörö nimariri kohika. Mööhi, eriibhagha re bhotoori bhwito mboonyi haghuhe na niitu, ghokera hano tusëëmiri komokumi Yesu.

Abharuumi 13:12

Ibheere, obhotiko ˆbhokiihereekerera na amake ˆghaghatingʼi. Gho ghayo, totighe amaköri amabhe ghano ghahaaköru mo‑kengʼuuri, na tughöötë ebhiröönërö bhe bhwero.

2 Abhakorinto 1:12

Mbe, itu ntokwihachera rino, mo‑metema ghiito ntoonyi no obhuhëënë kubha, mo‑se hano, na ahanene mo‑bhughöötani bhwito na niinyu, ntumanyiri kwo bhughöröröku na kwo bhuhëënë bhuno bhookoru kwo Waryobha. Totaaköriri hangʼu kwo mangʼiini gha se ino, amare n‑gho ghareeya e Ryobha.

Abhabhiribhi 1:27

Angʼana e hëënë n‑kubha, atëëmö yaanyu irëngʼaane na Angʼana Anchömu e Kirisito. Hano nekuucha kobharighi hamu nenganga kuucha, nibhe nerooghu kubha mokwëndërëra kwimeerera muköngʼiiri na kubha no obhumu, wiiki haghirohamu moonyi gho kunyaakera obhuhëënë bho Angʼana Anchömu bhuno toghokumi.

Abhabhiribhi 3:20

Amare, itu n‑abhiikari bha Mwishaaro toonyi na ntoghwitëngʼëra kwo miigha chwee Omotoori, Omutëmi wiito Yesu Kirisito, ache koru iyo.

1 Abhatesaronike 1:5

Ntweche hangʼu gho kubha, hano toore toraraghani Angʼana Anchömu bhowaanyu, totaraghiini kwo mangʼana agheene hangʼu. Amare nturaghiini gho changuru na gho Körö Ahörëëru na kwo bhuhëënë. Inyu mweche bhoheene bhuno toore haghirohamu na niinyu, kubha tobhatoorereri.

1 Timotewo 3:16

Amangʼana gha bhuhëënë ghano Eryobha rehunywire n‑gha koroghoori, nagho nigho ghano: Kirisito niyëërëkiini mo‑mobhere, na Akörö Ahörëëru ekamuhëënëhi kubha, mughöröröku, akarighibhu na bhamarayika, akaraghanibhu mo‑matöngö ghoose, aghakumibhu na abhaato bha mo‑se, aghaghëghu ghuye ighoro mo‑bhokumi bhooche obhokoro.

1 Timotewo 4:12

Omooto wowoose ataghutaraaha gho kubha iye okeere omobhureni, amare wiköngʼi kubha ekyërëkërëri ghichömu mo‑bhakumi gho ghughamba koocho, na atëëmö yaacho, no obhosiighi bhoocho, no obhokumi bhoocho no obhughöröröku bhoocho.

1 Timotewo 6:11

Amare iye, omooto o Ryobha, oghangʼösë amangʼana ghayo. Utambane ghano Eryobha rekwënda, no orisëngërë, ubhe no obhokumi, no obhosiighi, no obhoghumereri no obhuhörëëru.

1 Timotewo 6:3

Mbaanyi‑ho abhaato bhano bhakweghi ameeghi gha bhuröngö. Mbakweghi ghano ghataaghwishererani na ameeghi gha bhuhëënë gha Mutëmi wiito Yesu Kirisito, wiiki ghataaghwishererani na ameeghi ghano ghakwërëkërëri abhaato korisëngëra Eryobha.

1 Timotewo 6:6

Mahëënë, korisëngëra Eryobha ngokomuköra omooto abhe omwame chwee, aribha arahaabha ne ebheghiro bhino anyi nabhyo.

Abheebhuraaniya 13:5

Motabha na atëëmö e ghosiigha chambiiri, amare muhaabhe na bhino moonyi nabhyo, gho kubha Eryobha eryene ꞉ndeebhughiri kubha, “Nteeghoghotigha koru nteeghoghosuuhera naabha.”

Yakobho 1:24

Hano akumara kwimööhi, atanure, hayo hayo ebhu kebhuno are.

Yakobho 3:13

N‑niwe ghate yaanyu, uno anyi na amangʼiini no obhumënyi? Mbe, nëërëki obhumënyi bhooche na amangʼiini ghaache gho ghuköra amaköri amachömu, kwo bhunyööhu bhuno bhookoru mo‑mangʼiini.

1 Bheetero 1:15

Eryobha rino ꞉reebhabherekiire, n‑itööbhiyu. Ibheere inyu bhoose mokwëndëru mubhe abhatööbhiyu mo‑ghoose ghano moghuköra,

1 Bheetero 2:12

Mobhakörërë amachömu abhaato bhano bhataryeche Eryobha, kubha eriibhagha bhaakubha bharabhabhiihera amangʼana amabhe, bharighi amaköri ghaanyu amachömu. Niho bhaghotora koreghongi Eryobha gho ghiri yaanyu, mo‑rosiko ro kuucha kooche.

2 Bheetero 1:3

Eryobha kohetera mo‑bhotoro bhooche, ndetoheere amangʼana ghoose ghano tookwënda, kubha tubhe no obhuhöru, na tukörë ghano ghakwëndëru ambërë yaache. Ndetoheere ghayo gho nchëra e korimënya rino atobherekiire gho ghiri e bhokumi obhokoro no obhuhöriicho bhooche eryene.

2 Bheetero 1:6

Wiiki obhumënyi bhuyo bhwëngëru ghwikangata, na ghwikangata kuyo kwëngëru obhoghumereri, no obhoghumereri bhuyo bhwëngëru ghuköra ghano ghakwëndëru ambërë e Ryobha.

2 Bheetero 3:10

Orosiko ro Mutëmi ndokuucha kinya omwibhi. Orosiko ruyo, eriighoro ndeghusënu gho kerighito ghekoro, ebheghiro bhino bheenyi‑mu mbeghosireekereru kwo mororo, na ase yoose neghosireekerera haghirohamu ne ebheghiro bhyose bhino bheenyi‑mu.

2 Bheetero 3:12

Mubhe moraghanya orosiko ruure ro Ryobha na koruköra ruuche bhwango. Gho ghiri e rosiko ruyo, eriighoro ndeghweku kwo mororo na ghosireekerera, ne ebheghiro bhino bheenyi‑mu mbekuyaaya kwo bhotuuku bhuhaari chwee.