2 Bheetero 2:9 - Eriiraghano Eriihë

⁹ Gho ghayo, Omutëmi Waryobha neeche kinya akobhatoori mo‑masaki abhaato bhano bhakomosooka. Wiiki neeche kebhuno akobharööna abhaköri bha masari mo‑rosiko ruure ro kobhatenera ekiina,

2 Bheetero 2:9 Iomraidhean Croise

Mataayo 10:15

Mahëënë ˆnekabhabhoorera kubha orosiko ro ghoteneru ekiina, ndekobhatenera ekiina abhaato bha moghya uyo kwo bhororo ghokera abhaato bha se e Sotoma na Ghomora.

Mataayo 6:13

Wiiki otatusöhi mo‑masaki, amare ototoori no Omobhisa wuure, [gho kubha obhutëmi m‑bho bhoocho, na changuru, no obhokumi obhokoro, koru emiishe ghyose. Hawubhaabha.]’”

Abharuumi 2:5

Iye noonyi no omutu muköngʼu, wiiki nokwanga ghotuukuunera amasari ghaacho. Gho ghayo, noghwikomera anchagho e rosiko runo Eryobha reghotena ekiina keeche kwo bhuhëënë.

1 Abhakorinto 10:13

Amasaki ghano ꞉ghaabhabhwine inyu, n‑kinya ghano abhaato abhande bhakubhöna chaasiko choose. Eryobha n‑ihëënë, iryo retaakobhatigha musakibhu ghokera changuru cheenyu. Eriibhagha inyu moghusakibhu, Eryobha ndekobhaha changuru che ghoghumereri na anchëra e kohorokera muyo kwo murëmbë.

2 Timotewo 3:12

Mbe, bhoose bhano bhakomokumi Kirisito Yesu na mbakwënda kumanya eriimanya re korisëngëra Eryobha, mbaakubha bharanyaakibhu.

Tiito 2:14

꞉Niiruusiri gho ghiri yiito, kubha atotoori koru mo‑mabhe ghoose. ꞉Nëëndiri ghotomusa, kubha hëënë tubhe abhaato bhaache, bhano bhiiruusiri ghuköra amachömu.

2 Bheetero 2:4

Hano bhamarayika bhaköriri amasari, Eryobha retabharoochiire changori, amare ꞉ndeebharëkiire nyaari, hano bhabhöhuru ne eminyörörö. Iyo mo‑kengʼuuri ke nyaari mbaghughanya orosiko ruure ro ghoteneru ekiina.

2 Bheetero 3:7

Wiiki kwo ngʼana iyo iyo Eryobha ꞉ndeetindekiri erishaaro na ase ino, bhiiche bhyekibhu no omororo. ꞉Ndeebhetooriri gho ghiri e rosiko ruure abhaato bhano bhataakoresooka Eryobha bhaghoteneru ekiina na ghosireekereru.

Yuuta 1:6

Wiiki, mohiite bhamarayika bhano bhatiishereriini ne emyeya gheebho, bhaghatigha obhwikari bhoobho. Eryobha ndebhabhöhiri mo‑kengʼuuri ne eminyörörö emiishe ghyose. Iyo mbaghughanya ghoteneru ekiina mo‑rosiko ruure orokoro.

Obhohunyurëru 3:10

Ndekuucha eriibhagha re nyaako mo‑se ingima, na abhaato bhoose mbakurëngighu. Amare eriibhagha riyo, nekobhachonga inyu, gho kubha ꞉mooghumeriiri anyaako kinya ꞉neebharagheriiri.