2 Bheetero 2:6 - Eriiraghano Eriihë

⁶ Wiiki Eryobha ꞉ndeesirekeriiri emeghya ghe Sotoma na Ghomora kwo mororo, na abhaato bhano ꞉bhaare‑mu. Reghaköra bhabhe eghetuubhaani mo‑bhaato bhano bhataakoresooka.

2 Bheetero 2:6 Iomraidhean Croise

Mataayo 10:15

Mahëënë ˆnekabhabhoorera kubha orosiko ro ghoteneru ekiina, ndekobhatenera ekiina abhaato bha moghya uyo kwo bhororo ghokera abhaato bha se e Sotoma na Ghomora.

Mataayo 11:23

Inyu abhaato bha moghya o Kabherenawumu, kana, mokwihëëbha kubha Eryobha ndekobhatiiri mbagha Mwishaaro? Tiyaanyi! Eryobha ndekobhiiki mbagha nyaari, gho kubha aribha ebheroghooro bhino ꞉bhiiköruru ghokoonyu, mbengaköruru na mo‑moghya o Sotoma, omoghya uyo nongabheere‑ho mbagha reero.

Abharuumi 9:29

N‑kinya bhuno omurööti Isaaya abhughiri hayo kare kubha, “Nangabheere Omutëmi Waryobha o bhakëëya bha Mwishaaro atasaaghi chanyiibhoro indengʼaaneru kwo Abhiisiraeri, ntongabheere tosirekeriire itu bhoose kinya abhaato bha Sotoma na Ghomora.”

1 Abhakorinto 10:11

Mbe, amangʼana ghayo ꞉ghaabhabhwine ibho, ngaandëkuru kubha ghabhe eghetuubhaani ghe ghotushaangʼi itu bhano tumanyiri mo‑chaasiko chino che ntenero.

Abheebhuraaniya 4:11

Gho ghayo, ntwiköngʼi ghusöha ahaghiro hayo ha koweera. Tubhe toraköra hangʼu kubha ataacha kubha‑ho omooto wowoose uno aghokindu ghusöha gho ghiri e kwanga ghokumi kinya bhuno bhasookoro bhiito ꞉bhaaköriri.

Yuuta 1:15

kubha atenere ekiina abhaato bhoose, na kobharööna abhaköri bha masari kwo maköri ghaabho amabhe, haghirohamu na amangʼana amabhe ghoose ghano bhaghosiikëra ighoro e Mutëmi.”

Yuuta 1:7

Wiiki, mohiite ghano ꞉ghaabhabhwine abhaato bha meghya ghe Sotoma na Ghomora, na bha meghya ghe haghuhe. Bhayo ꞉mbaaköriri amangʼana ghaare ghaare kinya bhamarayika bhayo ꞉bhaaköriri. Mbaare bharaköra obhutaari na ghutambana amiigha gha mobhere kinya etaakwëndëru na kebhuno ꞉bhaatëëmuru. Ghoteneru ekiina koobho, nkoore ghosireekereru no omororo na kuyo nkubheere eghetuubhaani ghe nchagho e mororo o miishe ghyose kwo bhaato bhoose.