2 Bheetero 2:4 - Eriiraghano Eriihë

⁴ Hano bhamarayika bhaköriri amasari, Eryobha retabharoochiire changori, amare ꞉ndeebharëkiire nyaari, hano bhabhöhuru ne eminyörörö. Iyo mo‑kengʼuuri ke nyaari mbaghughanya orosiko ruure ro ghoteneru ekiina.

2 Bheetero 2:4 Iomraidhean Croise

Mataayo 25:41

“Niho nekobhabhoorera bhaare bhaanyi okubhökö koone gho kumosi nebhughe, ‘Mondwere hano inyu bhano Eryobha riihiimiri! Moghi mo‑mororo o miishe ghyose uno Eryobha riisëëmiri gho ghiri e Rishambu na bhamarayika bhaache.

Mataayo 8:29

Mbe, ghaghaköra eriireghe gharabhugha, “Oo Omoona o Ryobha, neke okwënda ghokwito? Kana, wichiri hano ghotunyaaki eriibhagha riito rekeere?”

Maariko 5:7

Aghaköra eriireghe kwo riiraka ikoro arabhugha, “Neke okwënda ghokoone, iye Yesu Omoona o Ryobha Omokoro o Bhyose? ˆNeghakoriishi ariingʼa kwo riina re Ryobha, otanyaaki!”

Ruuka 10:18

Yesu akabhagharokeri akabhugha, “꞉Neerooche Erishambu reragho kinya orunanehi koru Mwishaaro.

Ruuka 8:31

Emisambu ghiyo, ghekamusasaama Yesu gherabhugha, “Otatobhoorera tughëndë mwirooma rino reenyi kurë, mwirooma re mashambu.”

Yohana 8:44

Inyu n‑abhaana bhi iso waanyu Erishambu, wiiki mokwënda ghuköra ghano taata waanyu aghwighomba. Erishambu n‑diiti korwera kare, wiiki retasiighiri kwimeerera mo‑bhuhëënë gho kubha, obhuhëënë bhotaanyi mo‑motema waache. Aribha Erishambu rekobhugha obhuröngö, iyo n‑atëëmö yaache gho kubha iryo n‑iröngö wiiki n‑taata o bharöngö bhoose.

Abharuumi 11:21

Erabha Eryobha ꞉ndiirööniri Abhiisiraeri bhano bhaanyi ebhisaghe bhe simoka bhe museyituuni, koru na niiye, ndeghotora ghokurööna.

Abharuumi 8:32

Eryobha retaamoroochiire ebheghongi Omoona waache omwene, amare ꞉ndeemoruusiri kubha aku gho ghiri yiito bhoose. Gho ghayo, aribha ꞉reemoruusiri Omoona waache gho ghiri yiito, hëënë koru orubhango rooche ndeghotoruuseri kohetera ghokooche!

2 Bheetero 2:11

Nangabha bhamarayika bhaghëndi bhaabho bhaanyi na changuru no obhotoro bhwaru, amare bhataakobhasëma na kobhatoka bhayo ambërë e Mutëmi Waryobha.

2 Bheetero 2:5

Wiiki Eryobha retabharoochiire changori abhaato bha kare bhano bhataresookiri, ꞉ndiirëëtiri ghwichoreru kwo manche mo‑se, abhaato bhaaghaku. Amare rekamotoori Nuhu uno araghiini amangʼana gha bhuhëënë, haghirohamu na abhaato abhande mohungate.

2 Bheetero 2:9

Gho ghayo, Omutëmi Waryobha neeche kinya akobhatoori mo‑masaki abhaato bhano bhakomosooka. Wiiki neeche kebhuno akobharööna abhaköri bha masari mo‑rosiko ruure ro kobhatenera ekiina,

1 Yohana 3:8

Amare omooto wowoose uno akwëndërëra ghuköra amasari, n‑omooto o Rishambu. Ntweche ghayo gho kubha Erishambu ndyëndëriire ghuköra amasari korwera kare. Nikyo Omoona o Ryobha ꞉ichiri mo‑se, kubha aghisari emeremo ghe Rishambu.

Yuuta 1:13

Bhataaghotora kwihööchërëra kinya emekunda emihaari ghe mo‑nyancha, na amaköri ghaabho gha chaasoni ngaghusancha kinya eriihuru re mekunda. Mbanga kinya chanchöta chino cheeghuye ino na ino na kobhora. Eryobha ndebhatooriire ahaghiro hano haanyi ne ekengʼuuri ghe kuruu bhiikare‑mu emiishe ghyose.

Yuuta 1:6

Wiiki, mohiite bhamarayika bhano bhatiishereriini ne emyeya gheebho, bhaghatigha obhwikari bhoobho. Eryobha ndebhabhöhiri mo‑kengʼuuri ne eminyörörö emiishe ghyose. Iyo mbaghughanya ghoteneru ekiina mo‑rosiko ruure orokoro.

Obhohunyurëru 20:10

Mbe, Erishambu, rino rebhangʼiiniri, ndekurëkëru mo‑nyancha e mororo muhaari chwee. Hayo niho ahaghiro hano bharëkiire oghotyenyi ghuure no omurööti wuure o bhuröngö. Ibho mbakunyaakibhu iyo obhotiko no omwishe, emiishe ne emiishe.