2 Bheetero 2:21 - Eriiraghano Eriihë

²¹ Nengabheere ngʼoni ghokoobho aribha bhatangamënyiri inkongʼorimu emeghiro ghino ghekwërëkërëri kino Eryobha rekwënda, ghokera bhaghimënyë, bharamara bhaghetighe emeghiro emitööbhiyu ghino bhahaabhuru.

2 Bheetero 2:21 Iomraidhean Croise

Mataayo 21:32

Yohana ꞉niichiri ghokoonyu kubha abhëërëki anchëra e bhuhëënë, na niinyu motaamokumiri. Amare abhatöbhi bha righööti na bhasöngörëëri ꞉mbaamokumiri. Koru hangʼu inyu eriibhagha morooche ghoose ghayo, motiisheriiri ghugharura amiihëëbhö ghaanyu na komokumi.

Ruuka 12:47

“Omusësë uno amënyiri amënda gha mutëmi waache, amare tiisëëmiri koru ghoghaköra, nakuröönu chwee.

Yohana 15:22

Aribha netangichiri bhowaabho na ghosiikëra nabho, mbangabheere bhataanyi na amasari. Amare ibheere, bhataaghotora ghwitachura kubha bhataanyi na amasari.

Yohana 9:41

Yesu akabhagharokeri akabhugha, “Aribha mongabheere abhahuku motangabheere na amasari. Amare mokeere moonyi na amasari, gho kubha mokobhugha mokorighi.”

Abharuumi 7:12

Koru hangʼu, ibhe haheero kubha, emeghiro m‑mitööbhiyu, na mahatëkö ghaache ghoose m‑matööbhiyu, n‑ghe bhuhëënë, wiiki m‑michömu.

Abhagharatiya 6:2

Mubhe moratoorani gho ghusakerani obhorito bho merigho gheenyu. Niho mokohikeerani emeghiro ghe Kirisito.

1 Abhatesaronike 4:2

Mweche bhoheene amaraghereri ghano ꞉toobharagheriiri kwo bhukangati bho Mutëmi Yesu.

1 Timotewo 6:14

ughöötërërë amëërëkërëri ghayo gho ghoghasooka no otaghataasi, mbagha hano akuucha Omutëmi wiito Yesu Kirisito.

Abheebhuraaniya 10:26

Aribha ntokwëndërëra ghuköra amasari gho ghitaraaho eriibhagha ntobhweche obhuhëënë bho Ryobha, mbe, retaanyi‑ho eriruusi erende rino reghotora ghotomusa amasari.

Yakobho 4:17

Mbe, omooto woose uno eche ghuköra amachömu amare ataghaköra, uyo naghuköra amasari.

2 Bheetero 3:2

Nekwënda mohiite amangʼana ghano ꞉ghaaghamburu kare na abharööti abhatööbhiyu, no omoghiro o Mutëmi no Omotoori uno abhatomu bhaache ꞉bhaabharëëtiire.

Yuuta 1:3

Abhasiighani bhaane, ꞉niighombiri chwee kobhaandëkëra ighoro e bhotoori bhuno toghusanga itu bhoose. Amare nerooche kubha nekwëndëru nebhaandëkërë anyaarubha ino, nebhasasaame kubha, mwiköngʼi ghochonga obhuhëënë bho bhokumi bhuno Eryobha rebhaheere abhaato bhaache abhatööbhiyu mara rimu hangʼu kwo riibhagha ryose.