2 Bheetero 1:9 - Eriiraghano Eriihë

⁹ Amare omooto uno ataanyi na chatëëmö chiyo, iwe n‑kinya omohuku, taakorighi bhoheene, gho kubha neebhuru kubha Eryobha niryo ꞉reemomusiri amasari ghaache gha kare.

2 Bheetero 1:9 Iomraidhean Croise

Maariko 10:21

Yesu akamumööhërëri, akamosiigha, akamobhoorera akabhugha, “Nosuuhiiru ne egheghiro kimu. Nooghi oghori ebheghiro bhyose bhino onyi nabhyo, chambiiri chino okubhöna obhahë abhahabhe. Gho ghuköra hangʼu, niho okubha na agharinga Mwishaaro. Oramara uche untambane.”

Ruuka 18:22

Hano Yesu oghwire ghayo, akamobhoorera akabhugha, “Okeere nokwëndëru ghuköra angʼana imu. Nooghi obheghori ebheghiro bheecho bhyose bhino onyi nabhyo, chambiiri chino okubhöna, obhahë abhahabhe. Gho ghuköra hangʼu, niho okubha na agharinga Mwishaaro. Oramara uche, untambane.”

Abharuumi 6:11

Inyu bhoose, mubhe moriirighi kubha mokuure haghirohamu nawe, na amasari ghataaghotora kobhakangata wiiki. Hangʼu hangʼu, mubhe moriirighi kubha ibheere m‑bhahöru moonyi, na mumanyiri gho ghiri e koretegheri Eryobha, gho ghughöötana na Kirisito Yesu.

Abhagharatiya 5:13

Abhahiiri bhaane, Eryobha ndebhabherekiire kubha mubhe no obhohuuru. Amare motahökëri obhohuuru bhoonyu kinya omweya o ghutambana amiigha ghaanyu amabhe, amare musakerani kwo bhosiighi.

Abhagharatiya 5:6

Mbe, aribha tughöötiine na Kirisito Yesu, ghusaaru hamu kwanga ghusaaru ghotaanyi ne ekebhune ghyokyose. Egheghiro ke bhwëra n‑obhokumi bhwito bhuno bhohaaköra emeremo kwo bhosiighi.

Abhaebheeso 5:26

꞉Naaköriri hangʼu, kubha amuse eriikanisa, gho koryeghi kwo manche gha bhubhatiiso, na kwo ngʼana e Ryobha.

Tiito 2:14

꞉Niiruusiri gho ghiri yiito, kubha atotoori koru mo‑mabhe ghoose. ꞉Nëëndiri ghotomusa, kubha hëënë tubhe abhaato bhaache, bhano bhiiruusiri ghuköra amachömu.

Abheebhuraaniya 9:14

Amare ibheere amasaahë gha Kirisito ngaanyi na changuru chwee ghokera amasaahë gha chatyenyi chiyo! Gho nchëra e Körö ino enyi e miishe ghyose, iwe ꞉niiruusiri kwo Waryobha kubha amaruusi ghano ghahikeriine. Amasaahë ghaache nigho ghaghotomusa emetema ghiito ighoro e masari ghano ghaghughëri oroko kubha torisëngërë Eryobha rino reenyi ihöru.

1 Bheetero 3:21

Amanche ghayo n‑eghetuubhaani ke bhubhatiiso, bhuno bhoghototoori, taanyi gho koruusi eriiku mo‑mobhere, amare n‑eriiraghano re mënda meero kwo Waryobha. Amangʼana ghayo, ngaakubha gho kohetera koryoka kwo Yesu Kirisito.

1 Yohana 1:7

Aribha toghwikara mo‑bhwero, kinya bhuure Eryobha reghwikara, niho tookubha no obhumu itu bheene kwo bheene. Wiiki masaahë gha Moona waache Yesu ngaghotweri amasari ghiito ghoose.

Obhohunyurëru 3:17

Mokobhugha kubha, “Itu m‑bhaame toonyi. Ntwiyaamihiri chwee. Ntoonyi na kira gheghiro, totaaghosuuheru koru hasuuhu!” Amare moteeche kubha inyu m‑bhatöbhu moonyi, murëngʼaaniire korigheru changori, na m‑bhahabhe moonyi, na m‑bhahuku moonyi, wiiki n‑kingʼaabhi moonyi.