2 Bheetero 1:8 - Eriiraghano Eriihë

⁸ Aribha chatëëmö chiyo cheriyëngëra ghokoonyu, nchekobhaköra momumënyë Omutëmi wiito Yesu Kirisito, kubha motabha kinya emete ghino ghetaaghusönga amakorobhese.

2 Bheetero 1:8 Iomraidhean Croise

Mataayo 13:22

Chambusuro chino ꞉cheeghweriire mo‑maho, nchetuubhiine no omooto uno akooghu angʼana e bhutëmi bho Ryobha, amare naghwituuri chwee ighoro e mangʼana gha riimanya rino no obhwighombi bho bhwame. Ghayo ngahabhandereri angʼana, nayo ekindu ghuköra emeremo.

Mataayo 20:3

“Atabhoori iyo hano chehikiri chaasa ishato, akaröbhöka anche wiiki, akabharighi abhaato abhande bhiimeeriire mo‑mutëëra bhataanyi na moremo.

Mataayo 20:6

Hano ebheere omughörööbha akahoroka anche wiiki, akabharighi abhaato abhande bhiimeeriire mo‑mutëëra. Akabhabhoori akabhugha, ‘Ngwake mwimeeriire hano omwishe moghima motaanyi no omoremo wowoose?’

Mataayo 25:26

“Omutëmi waache akamugharokeri akabhugha, ‘Iye n‑omusësë omobhe onyi no omutöbhu! Aribha umënyiri kubha eni nehaaghësa omunöghö uno ntëëmiri na ghokoma bhino ntasanchiri,

Yohana 15:2

Eghisaghe ghyokyose moose yaane kino ghetaaghusönga amakorobhese, Taata nahaakenunga. Amare eghisaghe ghyokyose kino ghetaaghusönga amakorobhese, Taata nahaaghiköngöörëra kubha kyëngërë ghusönga.

Yohana 17:3

Obhuhöru bho miishe ghyose nibho bhuno, abhaato bhakumënyë iye mwene uno onyi Eryobha re hëënë, wiiki bhamënyë eni Yesu Kirisito, uno ontomiri.

Yohana 5:42

Amare eni nebheeche inyu kebhuno moonyi, kubha motaresiighiri Eryobha mo‑metema gheenyu.

Abharuumi 12:11

Motabha abhatöbhu gho ghuköra emeremo ghe Ryobha, amare mukangatu na Akörö Ahörëëru ghuköra emeremo ghiyo kwo mukörö woose, gho komuhökëri Omutëmi Yesu.

1 Abhakorinto 15:58

Mbe, abhahiiri bhaane abhasiighani, muköngʼëri mo‑bhokumi bhuyo, motaku omukörö. Mwëndërërë ghuköra emeremo ghe Mutëmi gho ghwiköngʼi chaasiko choose, gho kubha mweche kubha emeremo ghino moghuköra gho ghiri e Mutëmi, ghetaanyi ghe bhoowa.

2 Abhakorinto 13:5

Ibheere mwirëngi inyu bheene, kubha mumënyë aribha moonyi no obhokumi. Mwimööhërëri inyu bheene. Moteeche kubha Yesu Kirisito naanyi moose yaanyu? Aribha moteeche, hayo mokinduru kohikera ekirëngërë ke bhokumi.

2 Abhakorinto 8:2

Haghirohamu na kubha abhakumi bhayo mbaare abhahabhe chwee na ꞉mbaasakiibhu mo‑nyaako e manga maaru, amare mbaare no oghuchömëru kwaru kuno ꞉ghuughëriri bhabhe abhasambaroku chwee koruusi ebheghiro bheebho.

2 Abhakorinto 8:7

Inyu moonyi ne ebheghiro bhyose. Moonyi no obhokumi, na moonyi ne ekihaano ghe ghosiikëra bhoheene, no obhumënyi, na ghwiköngʼi mo‑ghoose amachömu, no obhosiighi bhoonyu ghokwito. Mbe, hangʼu hangʼu, mubhe moriiruusi mo‑meremo ghino ghe kobhatoori abhande.

2 Abhakorinto 9:14

Niho bhaakubha bharabhasabhera kwo Waryobha kwo mukörö woose, gho ghiri e ghareeya ino etaanyi ne ekirëngërë ino Eryobha rebhaheere inyu.

Abhabhiribhi 1:9

Mbe, nekobhasabhera kwo Ryobha kubha, obhosiighi bhoonyu bhwëndërërë kwiyëngëra chwee, wiiki mubhe na amangʼiini no obhongo,

Abhabhiribhi 2:5

Amënda ghaanyu ghabhe ghaare ghaare are nagho Kirisito Yesu.

Abhabhiribhi 3:8

Koru taanyi ghayo agheene, amare nerighi ghoose kubha ghataanyi no obhwëra bho ghokera obhwëra obhokoro bho komumënya Kirisito Yesu, Omutëmi waane. Gho ghiri yaache, netighiri aghande ghoose. Neghoghabhara ghayo kinya abhuusa, kubha nibhe omooto o Kirisito,

Abhakorosaayi 1:10

Niho moghotora kumanya kebhuno Omutëmi Yesu akwënda, na komotegheri mo‑mangʼana ghoose. Eriimanya reenyu ndekomotegheri kwo meremo gheenyu emichömu, wiiki moghwiköngʼi korimënya Eryobha.

Abhakorosaayi 2:7

Mwëndërërë ghosimi emerya muköngʼëri gho Kirisito, mubhe mwabhëkuru moose yaache, na kwimeerera muköngʼiiri mo‑bhokumi kinya bhuure mweghuru, na mubhe abhaato bha koriitabheri Eryobha eriibhagha ryose.

Abhakorosaayi 3:16

Angʼana e Kirisito yiikare kwo bhwaru moose yaanyu. Mwegherani, na ghutöngërana mo‑mangʼiini ghoose. Moryembere Eryobha gho Sabhuri, na kwo myembo, na gho chatensi che mo‑metema. Hano mookubha moraryembera, mubhe morariitabheri mo‑metema gheenyu.

1 Abhatesaronike 3:12

Omutëmi abhëëngërë obhosiighi na köbhëëngërëërëri ghosiighana inyu bheene na kobhasiigha abhande bhoose, kinya itu tobhasiighiri inyu.

1 Abhatesaronike 4:1

Ibheere bhahiiri bhiito, mweghiri koru ghokwito bhuno mokwëndëru kumanya, gho ghiri e korichömëri Eryobha. Na mahëënë eriimanya reenyu hangʼu reenyi. Ibheere, ntokobhasabha na ntokobhasasaama kwo bhukangati bho Mutëmi Yesu kubha, mubhe moraköra hangʼu na ghokera hayo.

2 Abhatesaronike 1:3

Abhahiiri bhiito, nekwëndëru koriitabheri Eryobha eriibhagha ryose gho ghiri yaanyu, gho kubha obhokumi bhoonyu mbokwiyëëngëra chwee, wiiki ghosiighana koonyu ngokwiyëëngëra.

1 Timotewo 5:13

Abhasino bhayo, mbanariri atëëmö e bhutöbhu, bhariinaaranaara mo‑chaaka che bhaato. Wiiki, m‑bhakobhooshani, mbaghwisöhi mo‑mangʼana gha bhaato abhande, na ghosiikëra ghano ghataakubha.

Tiito 3:14

Abhakumi bhaghëndi bhiito nabho, bheeghe ghuköra amachömu, kubha bhabhatoori bhano bhaanyi na amënda gha hëënë. Bharaköra hangʼu, eriimanya reebho ndeekubha no obhwëra.

Bhiremooni 1:6

Ibheere, neghusabha Eryobha kubha, obhokumi bhuno usangiri haghirohamu na niitu, bhoghotoori otore kumënya amachömu ghoose ghano tokwëndëru ghuköra gho ghiri e Kirisito.

Abheebhuraaniya 6:12

Motabha abhatöbhu, amare mweghe gho nchëra e ghokumi na ghoghumereri, koru kwo bhano bhasongʼaaniri ghano Eryobha ꞉riiraghiri kobhaha.

2 Bheetero 1:2

Eryobha rëbhëëngërëërëri aghareeya no omurëmbë, gho nchëra e korimënya iryo na Yesu Omutëmi wiito.

2 Bheetero 1:3

Eryobha kohetera mo‑bhotoro bhooche, ndetoheere amangʼana ghoose ghano tookwënda, kubha tubhe no obhuhöru, na tukörë ghano ghakwëndëru ambërë yaache. Ndetoheere ghayo gho nchëra e korimënya rino atobherekiire gho ghiri e bhokumi obhokoro no obhuhöriicho bhooche eryene.

2 Bheetero 2:20

Abhaato bhano bhamariri kungʼösa obhoghonchu bho se ino, bhakamënya bhoheene Omutëmi no Omotoori wiito Yesu Kirisito, bharaghöötu wiiki na ghokindu no obhoghonchu, antenero e riimanya reebho ndeekubha ibhe chwee ghokera e rimbërë.

2 Bheetero 3:18

Amare mwëndërërë ghokora mo‑ghareeya na gho komumënya Omutëmi no Omotoori wiito Yesu Kirisito. Aghongibhu, ibheere ne emiishe ghyose! Hawubhaabha.