2 Bheetero 1:6 - Eriiraghano Eriihë

⁶ Wiiki obhumënyi bhuyo bhwëngëru ghwikangata, na ghwikangata kuyo kwëngëru obhoghumereri, no obhoghumereri bhuyo bhwëngëru ghuköra ghano ghakwëndëru ambërë e Ryobha.

2 Bheetero 1:6 Iomraidhean Croise

Ruuka 21:19

Obhuhöru bhoonyu mboghotooribhu, hano moghoghumereri.

Ruuka 8:15

“Chambusuru chino ꞉cheeghweriire mo‑riiröbhë ichömu, nchekwërëki abhaato bhano bhakooghu angʼana e Ryobha. Hano bhakumara kooghu, bhayighöötërëra mo‑metema gheebho kwo bhughöröröku. Wiiki bhëëngëra ghoghiihëëbha, bhayo mbahaaghumereri mbagha bharuusi amakorobhese amachömu.

Amaköri gha Bhatomu 24:25

Akëëndërëra kobhabhoorera ghoose ghano ghakwëndëru ghuköra ambërë e Ryobha, na kinya bhuure abhaato bhakwëndëru kwihööchërëra mo‑mabhe, na kebhuno Eryobha reghotenera ekiina abhaato. Bheriki hano oghwire ghayo, aghatiina chwee. Akamobhoorera Bhawuro akabhugha, “Kwi ibheere noghotora ghuye. Neghokobherekera wiiki hano nekubhöna omweya.”

Abharuumi 15:4

Ghoose ghano ꞉ghaandëkuru kare mo‑Mandëkö Amatööbhiyu, ꞉ngaandëkuru gho ghiri e ghotweghi itu. Amandëkö ghayo ngaghotusakeri ghoghumereri mo‑nyaako yiito na ghotughambisani, kubha tubhe na amiitëngʼërö.

Abharuumi 2:7

Ndekobhaha obhuhöru bho miishe ghyose abhaato bhano bhaghwiköngʼi ghuköra amachömu, gho kubha mbaghutabhara aghongo, na asooko no obhuhöru bhuno bhotaanyi na antenero.

Abharuumi 8:25

Amare toriitëngʼëra kuhaabhu egheghiro kino totaaghotora ghokerighi, niho toghoghumereri ghughanya, totaaghoku omukörö.

1 Abhakorinto 9:25

Bhano bhaghokindana mo‑riibhina, mbahihööchërëra mo‑maaru gho ghiri e ghokindana. Mbaghuköra hangʼu kubha bhasongʼaane atuho ino eghusarëka. Amare itu ntoghuköra hangʼu, kubha tubhönë atuho ino etaaghusarëka.

2 Abhakorinto 6:4

Amare mo‑ghoose, ntokwërëki kubha itu n‑abhatamishi bha Ryobha toonyi. Ntokwërëki riyo gho nchëra e ghoghumereri chwee mo‑nyaako, na mo‑nyööri na mo‑mangʼana amaköngʼu.

Abhagharatiya 5:23

no obhuhörëëru ne ekirëngërë. Toonyi‑ho omoghiro uno okwanga omooto ataköra amangʼana ghayo.

Abhakorosaayi 1:11

Ntoghusabha kubha Eryobha ryëndërërë kobhatoori gho changuru cheeche chino chetaanyi ne ekirëngërë, kubha motore ghoghumereri. Mbe, muchömëru

1 Abhatesaronike 1:3

Hano tookubha torabhasabhera o‑Taata wiito Waryobha, ntokohiita emeremo ghino muköriri kwo bhokumi. Ntokohiita ghwiköngʼi koonyu kuno ghokorwera mo‑bhosiighi bhoonyu, na kebhuno mwimeeriire mo‑bhokumi na kwo miitëngʼërö ghaanyu gha ghugharuka kwo Mutëmi wiito Yesu Kirisito.

2 Abhatesaronike 1:4

Gho ghayo, ntoghosiikëra gho ghesubhe subhe mo‑makanisa gha Ryobha gho ghiri e bhoghumereri no obhokumi bhoonyu bhuno moonyi nabho, mo‑nyaako yoose ino ekobhabhöna.

2 Abhatesaronike 3:5

Omutëmi aghikangate emetema gheenyu mumënyë bhoheene obhosiighi bho Ryobha no obhoghumereri bhuno bhwërëkuru na Kirisito.

1 Timotewo 2:10

Amare ghwichöcha koobho, kubhe kwo maköri amachömu, kinya bhuno ekwëndëru mo‑bhakari bhano bhiisheriiri korisëngëra Eryobha.

1 Timotewo 2:2

Mokwëndëru kobhasabhera abhatëmi na abhande bhoose bhano bhaanyi mo‑bhukangati, kubha tumanye kwo murëmbë, torisëngërë Eryobha na ghuköra ghano ghakwëndëru ambërë yaache.

1 Timotewo 3:16

Amangʼana gha bhuhëënë ghano Eryobha rehunywire n‑gha koroghoori, nagho nigho ghano: Kirisito niyëërëkiini mo‑mobhere, na Akörö Ahörëëru ekamuhëënëhi kubha, mughöröröku, akarighibhu na bhamarayika, akaraghanibhu mo‑matöngö ghoose, aghakumibhu na abhaato bha mo‑se, aghaghëghu ghuye ighoro mo‑bhokumi bhooche obhokoro.

1 Timotewo 6:11

Amare iye, omooto o Ryobha, oghangʼösë amangʼana ghayo. Utambane ghano Eryobha rekwënda, no orisëngërë, ubhe no obhokumi, no obhosiighi, no obhoghumereri no obhuhörëëru.

1 Timotewo 6:3

Mbaanyi‑ho abhaato bhano bhakweghi ameeghi gha bhuröngö. Mbakweghi ghano ghataaghwishererani na ameeghi gha bhuhëënë gha Mutëmi wiito Yesu Kirisito, wiiki ghataaghwishererani na ameeghi ghano ghakwërëkërëri abhaato korisëngëra Eryobha.

1 Timotewo 6:6

Mahëënë, korisëngëra Eryobha ngokomuköra omooto abhe omwame chwee, aribha arahaabha ne ebheghiro bhino anyi nabhyo.

2 Timotewo 3:5

Abhaato bhayo, gho nche mbakorighibhu kinya abhaato bhano bhakorisëngëra Eryobha, amare mo‑metema gheebho mbakwanga changuru cheeche. Abhaato bha atëëmö iyo, wikabhaahe nabho.

Tiito 1:1

Anyaarubha ino neyandëkiri eni Bhawuro, omutamishi o Ryobha, no omotomu o Yesu Kirisito. Eni netomuru gho ghiri e kwërëkërëri abhaato bhano bhaahwiru ne Eryobha, kubha bhatore komokumi na kumënya obhuhëënë ighoro e Yesu Kirisito. Obhuhëënë bhuyo mbokobhakangata ghuköra ghano ghakwëndëru ambërë e Ryobha,

Tiito 1:8

Nakwëndëru abhe omooto uno asiighiri ghughënëhi abhaato, na abhe omooto uno asiighiri amachömu, na uno anyi ne ekirëngërë, no omuhëënë, na mutööbhiyu, na uno aghotora ghwikangata.

Tiito 2:2

Obhabhoorere abhagharuka bha ghesubhe, bhabhe ne ekirëngërë, na asooko, na amangʼiini, bhabhe abhahëënë mo‑bhokumi, na mo‑bhosiighi na mo‑bhoghumereri.

Abheebhuraaniya 10:36

Mokwëndëru mubhe moraghumereri kubha eriibhagha mookubha moraköra ghano Eryobha rekwënda, mubhönë kiire Eryobha ꞉reebharaghiire kobhaha.

Abheebhuraaniya 12:1

Mbe, gho kubha ntoonyi ne erikinda ikoro re bhiibhateri bhano bhatwinariiri, tobheruusi bhyose bhino bheghotuhööchërëra, wiiki toghatighe amasari ghano ghaghotoghwishi. Wiiki toyaare ahönta ino Eryobha retooriri ambërë yiito kwo bhoghumereri.

Abheebhuraaniya 6:12

Motabha abhatöbhu, amare mweghe gho nchëra e ghokumi na ghoghumereri, koru kwo bhano bhasongʼaaniri ghano Eryobha ꞉riiraghiri kobhaha.

Abheebhuraaniya 6:15

Mbe, Abhurahamu ꞉naaghanyiri na ghoghumereri mbagha akabhöna kino Eryobha reere remuraghiire.

2 Bheetero 1:3

Eryobha kohetera mo‑bhotoro bhooche, ndetoheere amangʼana ghoose ghano tookwënda, kubha tubhe no obhuhöru, na tukörë ghano ghakwëndëru ambërë yaache. Ndetoheere ghayo gho nchëra e korimënya rino atobherekiire gho ghiri e bhokumi obhokoro no obhuhöriicho bhooche eryene.

2 Bheetero 3:11

Mbe, gho kubha ebheghiro bhyose mbeghosireekereru gho nchëra iyo, inyu mokwëndëru kumanya imanya ke mo‑se ino? Mokwëndëru kumanya eriimanya eritööbhiyu na re koresooka Eryobha.

Obhohunyurëru 1:9

Eni Yohana n‑omokumi omughëndi waanyu neenyi. Nighöötiine na niinyu ghoghumereri kunyaaka gho ghiri e Yesu Kirisito no obhutëmi bhooche. Neere nihööchëriiru mo‑gheghinga ke mo‑nyancha kino ghekobherekeru Bhaatimo. ꞉Niihööchëriiru iyo gho ghiri e kuraghani angʼana e Ryobha, na koruusi obhwibhateri ighoro e Yesu.

Obhohunyurëru 13:10

Omooto uno ꞉ëndiiru ghughöötu mwihë, naghughöötu mwihë. Omooto uno ꞉ëndiiru ghwitu ne ekinyamiino, naghwitu ne ekinyamiino. Ibheere abhatööbhiyu mbakwëndëru bhaghumereri na ghokumi.

Obhohunyurëru 14:12

Ibheere abhatööbhiyu mbakwëndëru bhaghumereri. Bhayo nibho bhaghöötiri emeghiro ghe Ryobha na komokumi Yesu.

Obhohunyurëru 2:2

Nyeeche amaköri ghaanyu, na ghwiköngʼi koonyu no obhoghumereri bhoonyu. Wiiki nyeeche kubha motaaghughöötana na abhaato abhabhe. Mobhisunchiri bhano bhakwibherekera n‑abhatomu ino tiyaanyi, mokobhamënya kubha m‑bharöngö.