2 Bheetero 1:21 - Eriiraghano Eriihë

²¹ Nekobhugha hangʼu gho kubha, ghataanyi‑ho amangʼana gha bhurööti ghano ghakorwera mo‑miigha gha mooto. Amare abhaato ꞉mbaaruusiri obhurööti koru kwo Waryobha bharakangatu na Akörö Ahörëëru.

2 Bheetero 1:21 Iomraidhean Croise

Maariko 12:36

Tawuti omwene ꞉naakangaturu na Akörö Ahörëëru, akabhugha, ‘Omutëmi Waryobha ꞉naamobhooriire Omutëmi waane, Wiikare eribhaara re kubhökö koone gho kwiro, mbagha neghukörë okinde abhabhisa bhaacho, na kobhakangata.’

Ruuka 1:70

kinya Eryobha ꞉riimariri kobhugha hayo kare, gho nchëra e bharööti bhaache abhatööbhiyu.

Amaköri gha Bhatomu 1:16

akabhabhoorera akabhugha, “Bhahiiri bhaane, amangʼana ghano ghaandëkuru mo‑Mandëkö Amatööbhiyu ighoro e Yuuta uno ꞉ahiriri abhaato bhamughöötë Yesu, ꞉ngëëndiiru ghaköru. Amangʼana ghayo ꞉ngaasiikiiru na Akörö Ahörëëru kohetera kwo mutëmi Tawuti.

Amaköri gha Bhatomu 28:25

Ngaanyi‑ho amangʼana aghande ghano Bhawuro asiikiire ghaghaghëriri Abhayahuuti bhayo bhatooghwana abheene ko bheene, bhaghasancha bharahakaana. Bhawuro akëëngëra kobhabhoorera arabhugha, “Akörö Ahörëëru ꞉neesiikiire bhoheene na bhasookoro bhiito gho nchëra e murööti Isaaya erabhugha,

Amaköri gha Bhatomu 3:18

Amare, ghayo ꞉ngaabheere hangʼu kubha Eryobha rehikeerani amangʼana ghano riröötiri gho nchëra e bharööti bhaache bhoose kubha, Kirisito waache nakunyaakibhu.

Abheebhuraaniya 10:15

Akörö Ahörëëru nekuhëënëhi amangʼana ghano ghokwito kubha n‑gha hëënë hano ekobhugha kubha,

Abheebhuraaniya 3:7

Gho ghayo mbe, kinya Akörö Ahörëëru ekobhugha kubha, “Reero, aribha morooghu eriiraka re Ryobha,

Abheebhuraaniya 9:8

Akörö Ahörëëru nehaatwërëki kubha anchëra e ghusöha Ahaghiro Ahatööbhiyu ha Hatööbhiyu ekeere ghwighoru kwo bhaato abhande gho kubha, eriibhuru riire e rimbërë rekeere reraköra emeremo.

1 Bheetero 1:11

Akörö e Kirisito neere moose yaabho, ꞉niiröötiri kubha Kirisito nakunyaakibhu, ne eramara koheta anyaako iyo, nakubhöna obhokumi obhokoro. Abharööti bhayo ꞉mbiiköngʼiri chwee ghwisuncha bhamënyë kubha, amangʼana ghayo ngaakubha nyingake, na nibhu ghakomubhöna.

Obhohunyurëru 19:10

Niho neghagho kebhuuma ambërë e marayika uyo, kubha nemusëngërë. Amare akamboorera akabhugha, “Tigha! Eni woose n‑omutamishi mughëndi waacho neenyi. Nturëngʼiine na abhahiiri bhaacho abharööti, na abhande bhoose bhano bhakoruusi obhwibhateri ighoro e Yesu. Mbe, usëngërë Eryobha eryene chiri! Gho kubha, obhuhëënë bhuno Yesu ërëkiri, nibho bhoghughëri abhaato bhararuusi obhurööti.”