2 Bheetero 1:16 - Eriiraghano Eriihë

¹⁶ Eriibhagha toore toreeghi kinya bhuno akuucha kwo bhotoro bhooche, Omutëmi wiito Yesu Kirisito, totiitëngʼiire amaghano gha kare ghano ghaandëkuru kwo bhongʼiiningʼiini. Amare ꞉ntoobhorooche obhokumi bhooche obhokoro kwo miisho ghiito itu abheene.

2 Bheetero 1:16 Iomraidhean Croise

Mataayo 16:27

Eni uno neenyi Omoona o Mooto nekuucha haghirohamu na bhamarayika bhaane mo‑bhokumi obhokoro bho Taata waane. Niho nekomoreha omooto wowoose kurëngʼaana ne emeremo gheeche.

Mataayo 16:28

Mahëënë ˆnekabhabhoorera, mbaanyi‑ho abhamu bhiimeeriire hano, bhano bhataaghoku bhakeere kondighi eni Omoona o Mooto neraacha mo‑bhutëmi bhoone.”

Mataayo 17:1

Hano chehetiri chaasiko ishaasabhe, Yesu akiimoki Bheetero, na Yakobho na Yohana ömööbhö Yakobho. Aghatiira nabho mo‑gheghoro kire, ahaghiro hano abhaato bhataanyi.

Mataayo 24:27

Nekobhugha hangʼu gho kubha, kuucha koone uno neenyi Omoona o Mooto ngookubha gho ghutakani kinya bhuno orunanehi rohaarighibhu korwera roghoro, hayo hayo rohika anyancha.

Mataayo 24:3

Mbe, Yesu aghaye mo‑gheghoro ke Miseyituuni na ghwikara hayo. Abhaanabheegha bhaache bhakamutambana iyo abheene chiri, bhakamobhoori bhakabhugha, “Notobhoorere, amangʼana ghayo ngakorwera nyingake? Wiiki, n‑ekyërëkërëri ke kino gheghotwërëki kubha okuucha koocho na antenero e se haghuhe enyi korwera?”

Mataayo 28:18

Yesu akaacha ghokoobho, aghasiikëra nabho, akabhabhoorera akabhugha, “Eryobha ndeheere obhotoro bhoose bho Mwishaaro na mo‑se.

Maariko 13:26

“Niho abhaato bhoose mbakondighi Omoona o Mooto neraacha mo‑mashaaro gho changuru chaaru no obhokumi obhokoro.

Maariko 14:62

Yesu aghagharokeri akabhugha, “Eni niwe. Wiiki mokondighi eni uno neenyi Omoona o Mooto niikeere mo‑kubhökö gho kwiro kwo Ryobha rino reenyi na changuru choose, neraacha mo‑mashaaro gha mwishaaro.”

Ruuka 1:2

Amangʼana ghayo, ꞉mbaaghaandëkiri kinya ꞉toobhooriiru na abhaato bhaare bhagharooche korwera simoka e meremo ghe Yesu. Wiiki nibho ꞉bhaare bharasanchi angʼana e Ryobha.

Ruuka 9:43

Abhaato bhoose, hano bharooche obhotoro obhokoro bho Ryobha, bhakaroghoora chwee. Abhaato bhayo bhoose, hano ꞉bhaare bhakeere bhararoghoora ighoro e maköri ghoose gha Yesu, akabhabhoorera abhaghëndi bhaache, akabhugha,

Yohana 1:14

Angʼana iyo ekabha omooto, aghiikara ghateghate yiito. Itu bhoose tokabhorighi obhokumi bhooche obhokoro, obhokumi bhooche obhokoro iwe uno anyi Omoona omwene chiri o Taata, niichwire aghareeya no obhuhëënë.

Yohana 17:2

Noheere obhotoro bho kobhakangata abhaato bhoose, kubha nebhahë abhaato bhano oheere obhuhöru bho miishe ghyose.

Abharuumi 1:4

amare gho kohetera Akörö ino enyi Intööbhiyu, Eryobha ꞉ndeemwahwire kubha Omoona o Ryobha uno anyi no obhotoro bhoose, hano remoryokiri koru mo‑bhaku. Yesu Kirisito uyo niwe Omutëmi wiito.

1 Abhakorinto 1:17

Kirisito tantomiri eni kubhatiisa abhaato, amare nantomiri kuraghani Angʼana Anchömu. Tantomiri kuraghani gho ghwitëngʼëra amangʼiini ghaane gha ghosiikëra bhoheene, kubha oroko ro Kirisito mo‑musarabha rotabhori changuru cheeche.

1 Abhakorinto 1:23

Amare itu, ntokuraghani angʼana ighoro e Kirisito uno amamburu mo‑musarabha. Angʼana iyo nekobhakarari Abhayahuuti, na kwo bhaato bha matöngö no obhughëëghë.

1 Abhakorinto 1:7

Ibheere motaaghotora ghosuuheru koru hasuuhu ekihaano ghe Körö Ahörëëru, hano mookubha moraghanya kwo miigha ghugharuka kwo Mutëmi wiito Yesu Kirisito.

1 Abhakorinto 2:1

Bhahiiri bhaane, hano niichiri bhowaanyu kobharaghaneri ighoro e kebhisere ke Ryobha, ntesiikiire amangʼana kwo bhuchömu hamu kwo mangʼiini ghaane.

1 Abhakorinto 2:4

Eriibhagha neere ndeeghi na kuraghani, ntesiikiire kwo mangʼiini ghaane, kubha nebhatebhitebhi abhaato gho kubha na amangʼiini, amare changuru che Körö Ahörëëru ꞉nchëërëkiri obhuhëënë.

1 Abhakorinto 5:4

Eriibhagha moghwikomana kwo riina re Mutëmi wiito Yesu, eni neekubha haghirohamu na niinyu mo‑körö, na changuru che Mutëmi wiito Yesu, ncheekubha haghirohamu na niinyu.

2 Abhakorinto 2:17

Itu totaanyi kinya abhaato abhaaru bhano bhaghukörëra angʼana e Ryobha obhosorocha kubha bhabhönë obhwëra. Amare kwo bhotoro bho Kirisito, ntokuraghani angʼana e Ryobha mo‑bhughöröröku bhoose ambërë e Ryobha, gho kubha niryo ꞉reetotomiri.

2 Abhakorinto 4:2

Ntwangiri inkongʼorimu ghuköra ghano ghaanyi mo‑kebhisere na gha chaasoni, koru kobhangʼiina abhaato, koru ghusangerani angʼana e Ryobha no obhuröngö. Amare ntoghosiikëra obhuhëënë haheero, kubha abhaato bhoose bhamënyë mo‑metema gheebho kubha ntoonyi no obhuhëënë ambërë e Ryobha.

Abhaebheeso 4:14

Mbe, totaakubha wiiki ke bhaana, torarëkëru na kohiru ino na ino no obhukama bho meeghi ghano ghakurëëtu na abhaato abhabhiihi, kubha bhatongʼiine tutambane chanchëra cheebho.

Abhabhiribhi 3:21

Iwe naanyi na changuru che ghotoora ebheghiro bhyose bhibhe haase e bhukangati bhooche. Gho nchëra e changuru chiyo, naghugharura emebhere ghiito ghe bhutöbhu, ghibhe no obhokumi obhokoro kinya omobhere waache onyi.

1 Abhatesaronike 2:19

꞉Ntwëëndiri kuucha bhowaanyu wiiki gho kubha, inyu niinyu abhatangi bha riitëngʼërö riito. Wiiki m‑bhawe abhatangi bha ghuchömëru na atuho yiito e bhokindi kwo Mutëmi Yesu araacha kuucha? Taanyi inyu?

2 Abhatesaronike 2:9

Eriibhagha re kuucha kooche, Omwigharurani uyo, nakuucha na changuru choose che Rishambu na ghuköra ebhyërëkërëri ne ebhiraghe bhe bhuröngö.

1 Timotewo 1:4

Obhashaangʼi bhatighe ghotereera amaghano gha kare ghano ghataanyi no obhwëra bhobhoose, na kwinyaaki gho kwarura amariina gha bhasookoro ghano ghataanyi ne ekirëngërë. Amangʼana ghayo ghoose ngaghughëri obhushangʼaani obhwene, ghataaghusakeri abhaato korekumi Eryobha. Na korekumi Eryobha niyo anchëra yaache e kobhatingori abhaato.

1 Timotewo 4:7

Amare waange kimu amaghano gha kare ghano ghataanyi no obhwëra, amare wiköngʼi ghuköra ghano ghakwëndëru ambërë e Ryobha.

Tiito 1:14

Bhatighe ghutëghëërëra amaghano gha Kiyahuuti ghano ghataanyi no obhwëra, na amëërëkërëri gha bhaato bhano bhatighiri obhuhëënë.

2 Bheetero 2:3

Kwo miigha ghaabho amabhe gha kubhöna obhwëra koru ghokoonyu, mbaakubha bharabhabhoorera amaghano gha bhuröngö. Amare korwera kare, Eryobha ndiisëëmiri kobhatenera ekiina na retaamara ryebhu kobhasireekereri!

1 Yohana 4:14

Itu ntorooche na ntokobhabhoorera obhuhëënë kubha, Taata Waryobha ꞉naamotomiri Omoona waache mo‑se ino, kubha abhe Omotoori o bhaato bhoose.

Yuuta 1:14

Henooki, omooto o rwibhoro ro mohungate koru kwo Ataamu, ꞉naaruusiri obhurööti ighoro e bhaato bhayo kubha, “Mööhi, Omutëmi nakuucha haghirohamu na bhamarayika bhaache abhatööbhiyu bhaaru chwee,

Obhohunyurëru 1:7

Mumööhi! Nakuucha mo‑mashaaro! Abhaato bhoose mbakomorighi, koru abhaato bhaare ꞉bhaamongʼuutiri eriitimo. Amatöngö ghoose mo‑se ngakwihiinyërëra gho ghiri yaache. Hëënë, neekubha hangʼu. Hawubhaabha.