2 Bheetero 1:12 - Eriiraghano Eriihë

¹² Gho ghayo, nekwëndërëra kobhahiiti amangʼana ghayo kimu, nangabha mumariri ghoghamënya na muköngʼiiri mo‑bhuhëënë bhuno mweghiri.

2 Bheetero 1:12 Iomraidhean Croise

Amaköri gha Bhatomu 16:5

Hangʼu niho abhaato bha makanisa ꞉bhëëndëriire ghuköngʼëri mo‑bhokumi. Ekirëngërë ke Bhakirisito nkeere keriyëngëra chaasiko choose.

Abhabhiribhi 3:1

Mbe, bhahiiri bhaane, muchömëru gho kubha n‑abhaato bha Mutëmi Yesu moonyi. Amangʼana ghano ꞉niimariri kobhaandëkëra, nteeghoshigha ghugharukera kobhaandëkëra, gho kubha ghayo n‑angubha yaanyu e bhokumi.

Abhakorosaayi 1:5

Obhokumi no obhosiighi bhoonyu, mbookoru mo‑riitëngʼërö reenyu kubha moghosongʼaana orubhango runo Eryobha retotooriire Mwishaaro. ꞉Mooghwire amangʼana gha riitëngʼërö riyo ekimbërë eriibhagha ꞉muuraghaniiru angʼana e hëënë e Ngʼana Anchömu.

Abhakorosaayi 2:7

Mwëndërërë ghosimi emerya muköngʼëri gho Kirisito, mubhe mwabhëkuru moose yaache, na kwimeerera muköngʼiiri mo‑bhokumi kinya bhuure mweghuru, na mubhe abhaato bha koriitabheri Eryobha eriibhagha ryose.

1 Timotewo 4:6

Orabheeghi abhahiiri bhiito bhoose amangʼana ghayo, niho okubha omutamishi omuhöriicho o Kirisito Yesu. Wiiki nookubha orarëru bhoheene mo‑bhuhëënë bho bhokumi bhwito na mo‑meeghi amachömu ghano iye oghutambana.

2 Timotewo 1:6

Gho ghiri iyo, neghokohiiti kubha, wiköngʼi kuhökëri ekihaano kino Eryobha ꞉reekoheere hano neghotooriire amabhökö.

Abheebhuraaniya 10:32

Amare mohiite chaasiko chiire ꞉muusëëmiri komokumi Kirisito. Nangabha moore morabhöna anyaako inkoro, koru hangʼu moore moraghumereri anyaako iyo.

Abheebhuraaniya 13:9

Motangʼiinu na ameeghi aghande amahë gha ghighëni, gho kubha changuru che metema gheenyu nchekoru mo‑ghareeya e Ryobha, taanyi mo‑meghiro ghe bhiinyakurë. Emeghiro ghiyo ghetaakobhatoori ghyokyose bhano bhaghoghitambana.

1 Bheetero 5:10

Eryobha rino reenyi na aghareeya yoose, ndebhabherekiire ghusanga obhokumi bhooche obhokoro bho miishe ghyose, gho ghughöötana na Kirisito. Amare moramara kunyaaka kwo riibhagha ighuhe, iryo eryene ndekobhaköngʼi, ndekobhaha changuru, na kobhaköngʼëërëri.

1 Bheetero 5:12

ˆNekabhaandëkëra anyaarubha ino inguhe, kwo bhotoorereri bho Sirwano. Eni nyeeche bhoheene kubha, n‑omokumi omuhëënë. Kino nekwënda, n‑kobhatoora omukörö na kobhahëënëhëri kubha amangʼana ghano mahëënë n‑aghareeya e Ryobha. Kurëngʼaana na aghareeya iyo, mwimeerere muköngʼiiri!

2 Bheetero 1:13

Nerooche kubha, n‑kumangi nibhe nerabhahiiti ighoro e amangʼana ghayo, eriibhagha ryose rino nekumanya mo‑se.

2 Bheetero 1:15

Kiyo nikyo gheghughëri neghwiköngʼi kobhabhoorera ghayo, kubha eriibhagha neekubha nekuure mubhe morahiita amangʼana ghaane ghayo.

2 Bheetero 3:1

Abhasiighani bhaane, anyaarubha ino n‑e kabhere ino ˆnekabhaandëkëra. Mo‑chanyaarubha choose ibhere ꞉niiköngʼiri kobhooki amiihëëbhö ghaanyu amachömu, gho nchëra e kobhahiiti.

2 Bheetero 3:17

Mbe, inyu abhasiighani bhaane, mumariri kumënya amangʼana gha bheeghi bhayo abharöngö. Ibheere mwikabhaahe kubha motangʼiinu na amasari gha bhaato bhayo abhiigharori, na bhabharumeeri na ghotigha omurëmbë o bhokumi bhoonyu.

1 Yohana 2:21

Gho ghayo, ˆnekabhaandëkëra anyaarubha ino, teenyi gho kubha moteeche obhuhëënë, amare n‑gho kubha mobhweche. Wiiki mweche kubha obhuröngö bhobhoose bhuure bhotaakoru mo‑bhuhëënë.

2 Yohana 1:2

Nebhasiighiri gho kubha eni na niinyu ntweche obhuhëënë, wiiki ntokwëndërëra kobhumënya miishe ghyose.

Yuuta 1:17

Amare inyu abhasiighani, mohiite amangʼana ghano abhatomu bha Mutëmi wiito Yesu Kirisito ꞉bhaabhughiri.

Yuuta 1:3

Abhasiighani bhaane, ꞉niighombiri chwee kobhaandëkëra ighoro e bhotoori bhuno toghusanga itu bhoose. Amare nerooche kubha nekwëndëru nebhaandëkërë anyaarubha ino, nebhasasaame kubha, mwiköngʼi ghochonga obhuhëënë bho bhokumi bhuno Eryobha rebhaheere abhaato bhaache abhatööbhiyu mara rimu hangʼu kwo riibhagha ryose.

Yuuta 1:5

Nangabha mweche bhoheene ghayo ghoose, nekwënda kobhahiiti kubha, Omutëmi Waryobha ꞉naabhatooriri Abhiisiraeri koru mo‑se e Miisiri hano ꞉bhaare bharanyaakibhu, amare akamara akabhasireekereri bhoose bhano ꞉bhaangiri komokumi.