1 Bheetero 5:9 - Eriiraghano Eriihë

⁹ Mbe, moryange Erishambu gho kwimeerera muköngʼiiri gho komokumi Waryobha. Mumënyë kubha, abhakumi abhaghëndi bhaanyu mo‑se yoose, mbakunyaaka kinya inyu.

1 Bheetero 5:9 Iomraidhean Croise

Ruuka 22:32

Amare, neghusabhiire kwo Waryobha, kubha otakindu mo‑bhokumi bhoocho. Na hano okubha ungarökiire, obhatoore changuru abhaghëndi bhaacho.”

Yohana 16:33

Nebhughiri ghayo ghoose kubha mubhe no omurëmbë mo‑metema gheenyu, gho kubha moonyi moose yaane. Mo‑se muno mokubhöna anyaako yaaru, amare mwitoore omukörö gho kubha eni neyekindiri ase.”

Amaköri gha Bhatomu 14:22

Haghiro hoose hano bhaghiire ꞉mbaabhatooriri omukörö abhaghëndi bha Yesu, bhakabhabhoorera bhëëndërërë ghokumi amangʼana gha bhuhëënë ghano bheeghuru. Bhakabhatongera bharabhugha, “Ntokwëndëru ghusöha mo‑bhutëmi bho Ryobha gho kohetera anyaako yaaru.”

1 Abhakorinto 10:13

Amasaki ghano ꞉ghaabhabhwine inyu, n‑kinya ghano abhaato abhande bhakubhöna chaasiko choose. Eryobha n‑ihëënë, iryo retaakobhatigha musakibhu ghokera changuru cheenyu. Eriibhagha inyu moghusakibhu, Eryobha ndekobhaha changuru che ghoghumereri na anchëra e kohorokera muyo kwo murëmbë.

Abhaebheeso 4:27

na motariha Erishambu omweya.

Abhaebheeso 6:16

Ghokera ghayo ghoose, mughöötërërë obhokumi bhubhe kinya angubha mo‑mabhökö ghaanyu, ebhatoori ghokengera emebhya ghyose ghe mororo ghe Mobhisa wuure, na ghogherimi.

Abhakorosaayi 2:5

Ibheere gho kubha eni nteenyi haghirohamu na niinyu kwo mobhere, amare gho körö, neenyi haghirohamu na niinyu. Eni neghuchömëru kooghu kinya mokwëndërëra mo‑bhumu bhoonyu na ghuköngʼëri obhokumi bhoonyu gho Kirisito.

1 Abhatesaronike 3:3

꞉Ntuuköriri hangʼu kubha omooto wowoose ataku omukörö gho ghiri e nyaako iyo. Inyu mweche kubha, ntokwëndëru kohetera nyaako iyo.

1 Timotewo 6:12

Wiköngʼi kurööna eriihë ichömu re bhokumi bhwito, ughöötërërë obhuhöru bho miishe ghyose. Obhuhöru bhuyo, Eryobha ndebhabherekiire mobhubhönë, na moruusiri obhwibhateri bho mahëënë ambërë e bhiibhateri bhaaru kubha, moghwitëngʼëra kobhubhöna.

2 Timotewo 3:12

Mbe, bhoose bhano bhakomokumi Kirisito Yesu na mbakwënda kumanya eriimanya re korisëngëra Eryobha, mbaakubha bharanyaakibhu.

2 Timotewo 4:7

Nirööniri eriihë inchömu re bhokumi, nimariri orughëndö roose, na nechongiri obhuhëënë bho bhokumi bhwito.

Abheebhuraaniya 11:33

Kurëngʼaana na ghokumi koobho, abhaato bhayo ꞉mbaarööniri amahë na abhatëmi bha chaase echende, bhakabhakinda. Mbaare bharakangata kwo bhuhëënë na ghosongʼaana ghaare Eryobha ꞉riiraghiri kobhaha. Wiiki mbaare na changuru che kohunya emenu ghe chaaka.

Abheebhuraaniya 12:8

Eryobha ndehaabharööna abhaana bhaache bhoose. Gho ghayo, aribha Eryobha retaakobharööna, mumënyë kubha inyu moonyi kinya abhaana bhi ibhara, taanyi abhaana bhaache.

Yakobho 4:7

Mbe, mubhe moraresooka Eryobha. Amare moryange Erishambu, niho rekobhangʼösa.

1 Bheetero 1:6

Mbe, muchömëru chwee ighoro e mangʼana ghayo, nangabha ibheere kwo riibhagha ighuhe mookubha na amacheeche ighoro e masaki gha manga maaru.

1 Bheetero 2:21

Eryobha ndebhabherekiire kwo bhoghumereri bhuyo, gho kubha koru Kirisito omwene nanyaakiru gho ghiri yaanyu. Gho ghuköra hangʼu, akabhatighera eghetuubhaani, kubha mubhe moramwegha.

1 Bheetero 3:14

Amare nangabha mokunyaaka gho ghiri e ghuköra ghano ghaanyi gha bhuhëënë, Eryobha ndekobhiitabheri. Gho ghayo, motabha na ahaho koru ghotiina bhano bhakobhanyaaki. Amare, mubhe no Omutëmi umu hangʼu mo‑metema gheenyu, niwe Kirisito.

1 Bheetero 4:13

Amare muchömëru kubha mokunyaaka kinya bhuure Kirisito ꞉anyaakiri. Muchömëru ibheere, kubha mokuucha ghuchömëru chwee, hano akuucha, no obhokumi bhooche obhokoro kwërëkibhu haheero.

Obhohunyurëru 1:9

Eni Yohana n‑omokumi omughëndi waanyu neenyi. Nighöötiine na niinyu ghoghumereri kunyaaka gho ghiri e Yesu Kirisito no obhutëmi bhooche. Neere nihööchëriiru mo‑gheghinga ke mo‑nyancha kino ghekobherekeru Bhaatimo. ꞉Niihööchëriiru iyo gho ghiri e kuraghani angʼana e Ryobha, na koruusi obhwibhateri ighoro e Yesu.

Obhohunyurëru 6:11

Niho bhoose bhano ꞉bhiituru, bhakahaabhu chandachana echeero. Bhakabhooreru kubha bhaghanye kwo riibhagha ighuhe, mbagha abhahiiri bhaabho, abhatamishi abhaghëndi bhaabho, bhiitu kinya ibho ꞉bhiituru, kubha omubharo waabho ohikeerane.

Obhohunyurëru 7:14

Nekamugharokeri nekabhugha, “Oo omutëmi waane, iye niiye weeche.” Akamboorera akabhugha, “Abhaato bhayo mbakindiri anyaako yiire ankoro. ꞉Mbaahuriri chandachana cheebho kwo masaahë gha Moona o Ngʼöndu, cheekabha cheero chayi.