1 Bheetero 4:14 - Eriiraghano Eriihë

¹⁴ Aribha moghotoku gho ghiri e riina re Kirisito, ngʼoni inyu. Angʼana iyo nekwërëki kubha Akörö e Ryobha e bhokumi obhokoro neenyi haghirohamu na niinyu.

1 Bheetero 4:14 Iomraidhean Croise

Mataayo 5:11

“Ngʼoni inyu abhaato bharabhatoka na kobhanyaaki, na kobhaghamba kobhe kwo manga maaru gho ghiri yaane,

Mataayo 5:16

Hangʼu hangʼu ne emirëngaari gheenyu ngekwëndëru ghirëngaari kwo bhaato, kubha bhabhönë korighi amaköri ghaanyu amachömu, bhamoghongi Iso waanyu uno anyi Mwishaaro.

Ruuka 6:22

Ngʼoni inyu, bhano abhaato bhakobharëgha, gho ghiri yaane eni Omoona o Mooto, na kobhaahura, bharabhatoka, na kobhaghamba kubha inyu m-bhabhe moonyi.

Yohana 15:21

Amare mbakobhakörëra ghoose ghayo, gho ghiri e ghuntambana eni, gho kubha bhatamweche uno antomiri.

Yohana 8:48

Abhayahuuti bhakamobhoori Yesu bhakabhugha, “Kana, totaakobhugha obhuhëënë hano tokobhugha kubha iye n‑Omusamaariya, wiiki noonyi no omusambu?”

Yohana 9:28

Amare ibho bhakamotoka bhakabhugha, “Iye niiye omoonamwegha waache! Amare itu n‑abhaanabheegha bha Musa.

Yohana 9:34

Ibho bhakamugharokeri bhakabhugha, “Iye wibhwiru na kurëru kinya omuköri o masari. Kana, noonyi no obhotoro ke bho ghotweghi itu?” Mbe, bhakamuhëëbha aröbhökë anche.

Amaköri gha Bhatomu 13:45

Amare Abhayahuuti hano bharooche kubha abhaato bhaaru mbiikomiine kobhatëghëërëra abhatomu bhayo, bhaghaghöötu ne eriihari chwee. Bhaakabha bharashangʼaana na Bhawuro, na ghosiikëra amangʼana amabhe gha kwanga, ghano Bhawuro are arasiikëra.

Amaköri gha Bhatomu 18:6

Abhayahuuti bhayo bhaghasëëma komwanga na komotoka. Eghaghëri aghakongʼoota amaghööti ghaache ambërë yaabho, arabhabhoorera, “Amasaahë ghaanyu ngaakubha ighoro yaanyu inyu bheene! Eni teenyi‑ho ngʼana ino nekobhooribhu ighoro yaanyu korwera ibheere, neekubha neraghe mo‑bhaato bha matöngö aghande.”

Amaköri gha Bhatomu 28:22

Itu ntoghughanya kooghu ghano iye okwihëëbha, gho kubha atiini ino oghutambana, ntweche kubha neghosiikëru kobhe ahaghiro hoose.”

Amaköri gha Bhatomu 5:41

Abhatomu bhayo bhakahoroka mo‑riibharacha riyo bharasiighasiigha, kinya Eryobha rebhaheere asooko e ghutaraahu gho ghiri e riina re Yesu.

2 Abhakorinto 12:10

Gho ghayo, neghuchömëru chwee ighoro e bhutöbhu, na ghotoku, na kubha na anyööri, na kubha mo‑nyaako na kwirighora ighoro e Kirisito. Neenyi no oghuchömëru, gho kubha eriibhagha neekubha mutöbhu, niho neekubha na changuru.

2 Abhakorinto 4:10

Chaasiko choose emebhere ghiito ngeenyi mo‑tabhaaribhaari e roko kinya Yesu, kubha obhuhöru bho Yesu, bhorighibhu mo‑mebhere ghiito.

2 Abhakorinto 4:16

Gho ghayo, totaaghoku omukörö, nangabha emebhere ghiito gho nche ngeghusarëka, amare moose yiito Eryobha ndeghotuköra kubha abhahë chaasiko choose.

Abhagharatiya 1:24

Mbe, bhakareghongi Eryobha gho ghiri e ghano rinköriire.

Abheebhuraaniya 11:26

Musa ꞉naarooche ghotoku gho ghiri e Kirisito nkoonyi no obhwame ghokera kubhöna agharinga yoose e mo‑se e Miisiri. ꞉Naaköriri hangʼu gho kubha naare ariitëngʼëra atuho ino Eryobha rekomuha chaasiko chino chekuucha.

Yakobho 1:12

Ngʼoni omooto uno aghoghumereri ghusakibhu, gho kubha hano aghokinda ghusakibhu, Eryobha ndekomuha atuho yaache e bhuhöru bho miishe ghyose, kinya ꞉riiraghiri kobhaha bhoose bhano bharesiighiri.

Yakobho 5:11

Bhaare bhaghumeriiri ntokobhabhara kubha mbiitabhiiru. Mooghwire kinya Ayubhu aghumeriiri, na antenero mweche kebhuno Omutëmi amuköriire amachömu. Ghayo ghoose n‑gho kubha Omutëmi niichwire ebheghongi na aghareeya yaaru.

1 Bheetero 2:12

Mobhakörërë amachömu abhaato bhano bhataryeche Eryobha, kubha eriibhagha bhaakubha bharabhabhiihera amangʼana amabhe, bharighi amaköri ghaanyu amachömu. Niho bhaghotora koreghongi Eryobha gho ghiri yaanyu, mo‑rosiko ro kuucha kooche.

1 Bheetero 3:14

Amare nangabha mokunyaaka gho ghiri e ghuköra ghano ghaanyi gha bhuhëënë, Eryobha ndekobhiitabheri. Gho ghayo, motabha na ahaho koru ghotiina bhano bhakobhanyaaki. Amare, mubhe no Omutëmi umu hangʼu mo‑metema gheenyu, niwe Kirisito.

1 Bheetero 3:16

na mubhe na amënda meero, kubha aribha bharabhibhoneereri ighoro e mangʼana ghayo moghuköra gho ghiri e Kirisito, mbe, bharighi chaasoni.

1 Bheetero 4:16

Amare wowoose uno akunyaaka gho kubha m‑Mokirisito, atarighi chaasoni. Amare areghongi Eryobha gho kobherekeru eriina riyo.

2 Bheetero 2:2

Wiiki abhaato bhaaru mbaghutambana amangʼana ghaabho gha chaasoni. Gho ghiri yaabho, anchëra e bhuhëënë neghotoku.