1 Bheetero 4:11 - Eriiraghano Eriihë

¹¹ Aribha omooto anyi na amangʼana gha ghosiikëra, asiikërë kinya n‑kwo Ryobha gharuure. Na aribha omooto aghusakeri abhaghëndi bhaache, abhasakeri kwo bhotoro bhuno bhookoru kwo Waryobha. Gho ghayo, Eryobha ndeghoghongibhu mo‑mangʼana ghoose, gho nchëra e Yesu Kirisito omwene uno anyi no obhokumi obhokoro no obhotoro emiishe ne emiishe. Hawubhaabha.

1 Bheetero 4:11 Iomraidhean Croise

Mataayo 6:13

Wiiki otatusöhi mo‑masaki, amare ototoori no Omobhisa wuure, [gho kubha obhutëmi m‑bho bhoocho, na changuru, no obhokumi obhokoro, koru emiishe ghyose. Hawubhaabha.]’”

Yohana 13:31

Mbe, eriibhagha Yuuta ꞉ahorokiri anche, Yesu akabhabhoorera abhaanabheegha bhaache akabhugha, “Ibheere obhokumi bhoone obhokoro eni Omoona o Mooto ˆbhoghatingʼi korighibhu haheero. Wiiki, mbokorighibhu haheero obhokumi obhokoro bho Ryobha kohetera mo‑maköri ghaane.

Amaköri gha Bhatomu 7:38

Musa uyo, naare ariikara haghirohamu na bhasookoro bhiito mwibhara. Niwe uno ꞉asiikiire na marayika mo‑gheghoro ghe Sinaayi. Akahaabhu amangʼana gha bhuhöru, aghaturëëtëra itu.

Abharuumi 11:36

Eryobha niryo ꞉riitëëmiri ebheghiro bhyose. N‑kohetera ghokooche ebheghiro bhyose mbekwëndërëra kubha‑ho, ne ebheghiro bhyose mbeenyi‑ho gho ghiri e bhokumi bhooche obhokoro. Eryobha reghongibhu emiishe ghyose! Hawubhaabha.

Abharuumi 12:3

Ibheere, Kirisito naaheere aghareeya nibhe omotomu waache. Gho ghayo, ˆnekabhoorera omooto woose kubha, atiirighi kubha nakurëngʼaanera ghokera kebhuno anyi, amare abhe na amangʼiini. Amare mubhe moriirighi kubha, omooto woose nahaabhuru obhokumi bhuure bhuure ne Eryobha.

Abharuumi 16:27

Eryobha eryene niryo reenyi na amangʼiini ghoose. Iryo niryo ribhe reraghongibhu emiishe ghyose, gho nchëra e Yesu Kirisito! Hawubhaabha.

Abharuumi 3:2

M‑mahëënë, kubha Omuyahuuti nkoonyi no obhwëra bhwaru. Angʼana a yimbërë n‑kubha, Eryobha ndebhaheere Abhayahuuti amangʼana ghaache.

1 Abhakorinto 10:31

Mbe, ibheere, ghyokyose kino moghuköra, ibhe n‑kurë, hamu kunyo, hande koru ghuköra egheghiro ghyokyose, mukörë gho ghiri e koreghongi Eryobha.

1 Abhakorinto 12:4

Mbeenyi‑ho ebhihaano bhe manga maaru, amare Akörö ino ekuhööhi ebhihaano bhiyo, n‑imu.

1 Abhakorinto 3:10

Gho ghareeya ino Eryobha reheere, eni nyabhëkiri obhoroso kinya omwabhëki omukaari na uno anyi na amangʼiini, no omooto owonde nakwabhëka ighoro e bhoroso bhuyo. Amare ibheere, omooto woose amööhërëri bhoheene, kebhuno akwabhëka ighoro e bhoroso bhuyo,

1 Abhakorinto 6:20

gho kubha moghoruru kwo riighori ikoro. Mbe, moreghongi Eryobha mo‑mebhere gheenyu.

2 Abhakorinto 2:17

Itu totaanyi kinya abhaato abhaaru bhano bhaghukörëra angʼana e Ryobha obhosorocha kubha bhabhönë obhwëra. Amare kwo bhotoro bho Kirisito, ntokuraghani angʼana e Ryobha mo‑bhughöröröku bhoose ambërë e Ryobha, gho kubha niryo ꞉reetotomiri.

2 Abhakorinto 9:13

Emeremo ghiyo ngekwërëki kubha inyu n‑abhatamishi bhachömu, na kohetera ghayo, abhaato mbakoreghongi Eryobha. Mbakoreghongi gho ghiri mbakorighi kebhuno mokoyesooka Angʼana Anchömu ighoro e Kirisito. Wiiki mbakoreghongi hano bhakorighi obhusambaaroku bhoonyu gho nchëra e ghusanga ebheghiro bheenyu haghirohamu nabho na abhande bhoose.

Abhaebheeso 1:19

no obhotoro bhooche obhokoro bhuno bhotaakurëngʼaanibhu ne egheghiro gho ghiri yiito itu bhano toghokumi. Obhotoro bhuyo bhoghuköra emeremo moose yiito, m‑bhonga changuru cheeche inkoro chwee

Abhaebheeso 4:29

Emenu gheenyu ghetasiikëra amangʼana amabhe, amare ghesiikërë amangʼana amachömu ghano ghaghusakeri abhaato abhande, kubha ghabhahë aghareeya bhano bhaghoghooghu.

Abhaebheeso 5:20

Wiiki, eriibhagha ryose mubhe moramwitabheri Taata Waryobha, gho ghiri e bhaato bhoose, gho kohetera eriina re Mutëmi wiito Yesu Kirisito.

Abhaebheeso 6:10

Mbe, nekwënda kobhugha kubha, mughöötiine no Omutëmi Yesu, gho ghayo, mubhe morabhöna changuru koru mo‑bhotoro bhooche obhokoro.

Abhabhiribhi 1:11

Eriimanya reenyu ndeghwichora amangʼana gha hëënë ghano ghakubhönëka gho nchëra e Yesu Kirisito. Ghayo ghoose gharekumi na koreghongi Eryobha.

Abhabhiribhi 2:11

Wiiki omooto woose ishereri kubha, yesu kirisito n‑omutëmi, kwo bhokumi obhokoro, bho Waryobha Taata wiito.

Abhakorosaayi 4:6

Eriibhagha ryose amangʼana ghaanyu ghabhe amachömu na gha ghotegheri, kubha mumënyë komugharokeri bhoheene omooto woose.

1 Abhatesaronike 2:4

Amare ntokuraghani gho kubha Eryobha ndetorooche kubha nturëngʼaaniire, reghatuha omoremo o kuraghani Angʼana Anchömu. Totaaghwitëngʼëra ghuchömëri abhaato, amare ntokwënda korichömëri Eryobha, rino rekorighi ghoose ghano ghaanyi moose e metema ghiito.

1 Timotewo 1:17

Eryobha niryo Omutëmi o miishe ghyose, retaaghoku, koru retaakorighibhu, na retaanyi‑ho erende kinya iryo. Eryobha resongʼaane asooko na ghoghongibhu, emiishe ne emiishe. Hawubhaabha.

1 Timotewo 6:16

Eryobha eryene chiri niryo retaaghoku, ndikeere mo‑bhwero bhuno omooto taaghotora kobhwishukerera. Wiiki taanyi‑ho omooto uno arerooche, koru uno aghotora korerighi. Iryo resongʼaane asooko na changuru emiishe ghyose. Hawubhaabha.

Tiito 2:1

Amare iye Tiito, ubhe oreeghi abhaato kurëngʼaana na ameeghi gha bhuhëënë.

Tiito 2:15

Mbe, ubhe oreeghi amangʼana ghayo ghoose. Wishereriiru kobhaköngʼi na kobhatöngëra abhaato kwo bhotoro bhoose. Gho ghayo, omooto wowoose ataghutaraaha.

Abheebhuraaniya 13:7

Mobhahiite abhakangati bhano ꞉bhaare bharabheeghi angʼana e Ryobha. Mwihëëbhë amaköri ghaabho ghano ꞉bhaare bharaköra mo‑riimanya reebho na mweghe obhokumi bhoobho.

Abheebhuraaniya 5:12

Kwo riibhagha rino mongabheere mumariri kubha abheeghi bha bhaghëndi bhaanyu, amare inyu mokeere mörëënda omooto ache abheeghi ameeghi a mambërë gha ngʼana e Ryobha! Mbe, inyu moonyi kinya ebhengʼwerere bhino bheghughööka okwene, bhetaaghotora kurë ebhiinyakurë ebhiköngʼu.

Yakobho 1:19

Abhahiiri bhaane abhasiighani, muntëghëërërë bhoheene! Omooto woose abhe mwango o ghutëghëërëra, amare atabha mwango o ghosiikëra hamu ghukarara,

Yakobho 1:26

Aribha omooto ariirighi kubha naanyi na atiini, amare ataakoruhööchërëra ororeme rooche, uyo nakwingʼiina mo‑motema waache, ghutambana kooche atiini ghotaanyi no obhwëra ambërë e Ryobha.

1 Bheetero 2:12

Mobhakörërë amachömu abhaato bhano bhataryeche Eryobha, kubha eriibhagha bhaakubha bharabhabhiihera amangʼana amabhe, bharighi amaköri ghaanyu amachömu. Niho bhaghotora koreghongi Eryobha gho ghiri yaanyu, mo‑rosiko ro kuucha kooche.

1 Bheetero 2:5

Mbe, mumënyë kubha koru inyu n‑kinya amabhohe ghano ghaanyi amahöru, mokwabhëku ne Eryobha mubhe erikindahaase re körö. Wiiki ndekobhaköra mubhe abhachaama bhaache bhano bhaahwiru koruusi amaruusi gha mo‑chaakörö gho nchëra e Yesu Kirisito.

1 Bheetero 4:10

Omooto woose nahaabhuru ekihaano keeche koru kwo Waryobha. Nekwëndëru ghokihökëri bhoheene gho ghiri e ghusakerani, kinya omwimeerereri omuhöriicho o ghareeya e Ryobha ino enyi e manga maaru.

1 Bheetero 4:16

Amare wowoose uno akunyaaka gho kubha m‑Mokirisito, atarighi chaasoni. Amare areghongi Eryobha gho kobherekeru eriina riyo.

1 Bheetero 5:11

Eryobha ribhe no obhotoro emiishe ghyose! Hawubhaabha.

Yuuta 1:25

Iryo niryo Eryobha eryene, rino reenyi Omotoori wiito gho kohetera Yesu Kirisito Omutëmi wiito. Eryobha reghongibhu chwee, gho kubha iryo niryo reenyi no obhokumi obhokoro, na changuru, no obhotoro no obhokoro, korwera kare, ni ibheere, na koru emiishe ghyose. Hawubhaabha.