1 Bheetero 3:8 - Eriiraghano Eriihë

⁸ Antenero, ˆnekabhabhoorera bhoose kubha, mughöötane, na mubhe ne eriihëëbhö rimu, na mosiighane kinya abhahiiri, na morigherani changori na mubhe bhanyööhu.

1 Bheetero 3:8 Iomraidhean Croise

Mataayo 18:33

Kana, na niiye tokwëndëru komorigheri changori omutamishi mughëndi waacho uno kinya bhuno eni ꞉neekoroochiire changori?’

Ruuka 10:33

“Akamara akaacha Omusamaariya umu, uno are mo‑rughëndö rooche. Hano amorooche omooto uyo, akamoghwera bheghongi.

Amaköri gha Bhatomu 2:1

Hano orosiko ro Bhentekositi rohikiri, abhaghëndi bhoose bha Yesu mbaare bhiikomiine mo‑nyumba imu iyo Yerusareemu.

Amaköri gha Bhatomu 27:3

Orosiko ro kabhere, tokahika mo‑moghya o Sitooni. Yuriyo akamukörëra Bhawuro bhoheene gho komwisherereri arighani na abhasaani bhaache, kubha bhamotoori mo‑mënda ghaache.

Amaköri gha Bhatomu 28:7

Hayo tutënyiire ꞉haare haghuhe ne emeghondo ghe mokoro o gheghinga kiyo, eriina reeche Bhubhuriyo. Bhubhuriyo uyo aghatughënëhi bhoheene awaache, tokamara chaasiko ishato‑ho.

Amaköri gha Bhatomu 4:32

Abhakumi bhayo bhoose mbaare bhaghöötiine korwera mo‑metema na mo‑miihëëbhö ghaabho. Taanyi‑ho mooto uno ꞉ighombiire ebheghiro bheeche kubha m‑bhebheeche omwene, amare ꞉mbaaghöötiini ebheghiro bheebho bhyose.

Abharuumi 12:10

Mosiighane inyu abheene kwi inyu bheene kinya abhahiiri. Omooto woose iköngʼi komosooka omughëndi waache.

Abharuumi 15:5

Eryobha niryo reghotusakeri ghoghumereri na ghotughambisani. Ibheere, neghusabha kubha, rebhatoori mubhe no obhumu ghate yaanyu, gho kubha moghutambana eghetuubhaani ghe Kirisito Yesu.

1 Abhakorinto 1:10

Ibheere, bhahiiri bhaane, nekobhasasaama kwo riina re Mutëmi wiito Yesu Kirisito kubha, motabha moraheteerana mo‑maghamba. Motaanga kubha no obhoghwani ghate yaanyu, amare mubhe bhamu mo‑ghano mokwënda na mo‑ghano mokwihëëbha.

1 Abhakorinto 12:26

Aribha ekyemo kimu ke mobhere kinyahaarekiri, ebhyemo bhyose mbehanyahaareka haghirohamu nakyo. Wiiki ekyemo kimu keraghongibhu, bhyose mbaghuchömëru haghirohamu nakyo.

Abhaebheeso 4:2

Eriibhagha ryose mubhe bhanyööhu, na abhahörëëru, na abhaghumereri. Moghumererani inyu bheene kwo bheene kwo bhosiighi.

Abhaebheeso 4:31

Mbe, mutaane no obhororo, na ghukarara, ne eriireghe, na amatoki na kobhiiherana. Mutaane kurë no obhobhe bhoose!

Abhaebheeso 4:32

Amare morigherani changori mubhe ne emetema myero kwo bhande. Mubhe moraabhërana kinya bhuno Eryobha rebhaabhiire gho kohetera gho Kirisito.

Abhabhiribhi 2:3

Motaköra angʼana yoyoose gho körö e kuhakaana koru gho kwihacha. Amare mubhe no obhunyööhu na kobhabhara abhande kubha ngʼoni ghokera inyu bheene.

Abhabhiribhi 3:16

Ibheere egheghiro eghekoro n‑kubha, ntokwëndëru ghoghatambana ghaare Eryobha rimariri ghotwërëki.

Abhakorosaayi 3:12

Ibheere gho kubha inyu n‑abhaahöru bha Ryobha moonyi, na abhatööbhiyu bhano mosiighuru, mubhe no omotema o bheghongi, na atëëmö e bhuhöriicho, no obhunyööhu, no obhuhörëëru, no obhoghumereri.

Abheebhuraaniya 13:1

Mwëndërërë ghosiighana kinya bhuno ekwëndëru mo‑bhakumi.

Yakobho 2:13

Eryobha retaakubha na changori hano rekomotenera ekiina omooto uno ataanyi na changori. Amare changori che Ryobha ncheghokinda ghoteneru ekiina!

Yakobho 3:17

Amare, amangʼiini ghano ghaakoru kwo Waryobha, m‑machömu wiiki n‑gha murëmbë, no obhuhörëëru, igho ngaghutëghëërëra amangʼana gha abhaato. Igho ngiichwire changori na amaköri amachömu, na ghataanyi no obhwahukani koru obhobhiihi.

Yakobho 5:11

Bhaare bhaghumeriiri ntokobhabhara kubha mbiitabhiiru. Mooghwire kinya Ayubhu aghumeriiri, na antenero mweche kebhuno Omutëmi amuköriire amachömu. Ghayo ghoose n‑gho kubha Omutëmi niichwire ebheghongi na aghareeya yaaru.

1 Bheetero 1:22

Inyu mumanyiri kurëngʼaana na ameeghi gha hëënë ighoro e Yesu. Gho ghayo, emetema gheenyu ngyeghuru ni ibheere moghotora ghosiigha abhaghëndi bhaanyu kwo bhuhëënë. Mbe, mosiighane kwo mukörö mwero,

1 Bheetero 2:17

Mobhasooke abhaato bhoose, na mobhasiighe abhakumi abhaghëndi bhaanyu. Morisëngërë Eryobha, na momosooke Kayisaari, omutëmi waanyu.

1 Bheetero 5:5

Bhuure bhuure na niinyu abhabhureni, mokwëndëru mobhasooke abhagharuka bha riikanisa. Na niinyu bhoose mubhe abhaato abhanyööhu na mubhe moratoorani. Mukörë hangʼu, gho kubha Amandëkö Amatööbhiyu ngakobhugha, “Bhano bhakwihacha, Eryobha ndehaabhaanga, amare abhanyööhu, ndehaabhaha aghareeya.”

2 Bheetero 1:7

Na ghuköra hangʼu, kwëngërëërëru ghosiighana gho kehiiri, na ghosiighana gho kehiiri kuyo kwëngërëërëru no obhosiighi kwo bhoose.

1 Yohana 3:14

Itu ntweche kubha ntoruure mo‑changuru che roko, na ghusöha mo‑bhuhöru bho miishe ghyose. Ntweche hangʼu gho kubha ntobhasiighiri abhaghëndi bhiito. Omooto wowoose uno ataghöötë obhosiighi naanyi mo‑roko.