1 Bheetero 3:7 - Eriiraghano Eriihë

⁷ Inyu abhasubhe, mwikare na abhakari bhaanyu kwo bhongo, moramënya kubha bhataanyi ni inguru kinya inyu. Mobhatughe gho kobhasooka, gho kubha ibho bhoose mbaghughabha aghareeya e bhuhöru. Gho ghayo abhasubhe, mukörë hangʼu, kubha amasabhi ghaanyu ghatahööchërëru.

1 Bheetero 3:7 Iomraidhean Croise

Mataayo 18:19

Wiiki ˆnekabhabhoorera kubha, aribha bhabhere ghate yaanyu bhiishereriini mo‑se ino gho ghano bhaghusabha, Taata waane uno anyi Mwishaaro nakobhakörëra.

1 Abhakorinto 7:3

Omosubhe abhe aramukörëra omukari waache kinya bhuno ekwëndëru, wiiki omukari abhe aramukörëra omosubhe waache kinya bhuno ekwëndëru.

Abhaebheeso 3:6

Ekebhisere ekyene nikyo kino, gho nchëra e ghokumi Angʼana Anchömu abhaato bha matöngö mbakubhöna aghabho haghirohamu na Abhayahuuti. Wiiki abhaato bhayo n‑kinya omobhere umu na Abhayahuuti, na mbaghusanga haghirohamu eriiraghano riire riire rino Eryobha ꞉riiköriri gho nchëra e Kirisito Yesu.

Abhaebheeso 4:30

Motiitumati Akörö Ahörëëru e Ryobha, gho kubha Akörö iyo n‑ekingʼöchö ke Ryobha ghokoonyu kubha inyu n‑abhaato bhaache moonyi, mbagha orosiko runo Eryobha rekuucha kobhatingori.

Abhaebheeso 5:33

Amare na niinyu bhoose ˆnekabhabhoorera kubha, omooto woose amosiighe omukari waache kinya bhuno isiighiri omwene. No omokari woose, atatigha komosooka omosubhe waache.

Abhaebheeso 6:18

Mbe, mubhe morasabha eriibhagha ryose kwo masabhi gha manga ghoose, kurëngʼaana na kinya Akörö Ahörëëru ekobhakangata. Mubhe miisho gho ghiri e ngʼana iyo, na mwiköngʼi kobhasabhera abhatööbhiyu bhoose.

Abhakorosaayi 3:19

Inyu abhasubhe, mubhe morabhasiigha abhakari bhaanyu, motabha bhahaari ghokoobho.

1 Abhatesaronike 4:4

Inyu bhoose moghehiche emebhere gheenyu, mo‑bhutööbhiyu na mwisooke.

Tiito 3:7

꞉Ndiiköriri hangʼu, na ghotubhara kubha m‑bha bhuhëënë gho nchëra e ghareeya yaache, kubha tubhönë ghughabha obhuhöru bho miishe ghyose, kebhuno toghwitëngʼëra.

Abheebhuraaniya 1:14

Gho ghayo marayika n‑gheghiro ke? Ibho n‑abhatamishi bha Ryobha, wiiki n‑chaakörö chino Eryobha rehaachetoma kobhahökëri bhaare bhaghotooribhu.

1 Bheetero 3:1

Hangʼu hangʼu inyu abhakari, mobhasooke abhasubhe bhaanyu, kubha aribha bhaanyi‑ho bhano bhataakorekumi Eryobha, bhatore korutu gho korighi atëëmö yaanyu anchömu. Gho ghayo bhatore ghokumi Eryobha nangabha bhatabhooriiru angʼana,