1 Bheetero 3:4 - Eriiraghano Eriihë

⁴ Amare oghwichöcha koonyu ghusëëmërë mo‑metema gheenyu, obhuchömu bhuno bhotaaghotora ghusarëka koru ghokunguha. Obhuchömu bhuyo, n‑kubha no omukörö omuhöriicho no obhuhörëëru, na nibho obhuchömu bhuno bhoonyi no obhwëra bhokoro mo‑miisho gha Ryobha.

1 Bheetero 3:4 Iomraidhean Croise

Mataayo 11:29

Mwibhöhërë achooki yaane, mweghe ghokoone mbagha hano nekobhasakeri kubha no omurëmbë mo‑metema gheenyu, gho kubha eni m‑muhörëëru wiiki m‑munyööhu neenyi mo‑körö.

Mataayo 21:5

“Obhabhoorere abhaato bha Sayuuni kubha, ‘Mööhi, Omutëmi waanyu nakuucha ghokoonyu, m‑muhörëëru, nakuucha ino atiiriri atikere, na atikere iyo n‑ekimööri.’”

Mataayo 23:26

Inyu Amabharisaayo, inyu moonyi kinya abhahuku! Mushame singa mwigharure mo‑masari ghano ghaanyi moose yaanyu kinya kweghi obhoghonchu bhuno bhoonyi mo‑ghisënchö. Hangʼu hangʼu, emeremo gheenyu ngeekubha michömu kinya eghisënchö gheekubha kyero erabha mokyeghiri gho nche.

Mataayo 5:5

Ngʼoni bhano bhaanyi abhahörëëru, gho kubha mbaghughabha ase.

Ruuka 11:40

Inyu m‑bhaghëëghë moonyi! Wuure ꞉atëëmiri bhe nche, taanyi we wiiki, ꞉atëëmiri bhe moose?

Ruuka 16:15

Yesu akabhabhoorera akabhugha, “Inyu, moghwiköri moonyi no obhuhëënë ambërë e bhaato. Eryobha ndyeche amangʼana ghano ghaanyi mo‑metema gheenyu. Wiiki amangʼana ghano abhaato bhasiighiri, ngahaabha amabhe ambërë e Ryobha!

Abharuumi 1:23

Mbatighiri korisëngëra Eryobha Eritööbhiyu rino reenyi‑ho emiishe ghyose, bhaghikareerera ghusëngëra chasanaamu che misambu chino chetuubhiine na abhaato bhano bhaaghoku, hamu chatyenyi, hamu ebhinyönyi hamu ebhetyenyi bhino bhekwingʼuurera chanda.

Abharuumi 2:29

Tiyaanyi! Omuyahuuti o hëënë n‑uno ahaasooka Eryobha kwo mukörö waache woose. Oghusaaru kwo hëënë ngoghuköru na Akörö Ahörëëru mo‑motema, taanyi gho kubha ne emeghiro ghe Musa okwene. Omooto anga hangʼu, taaghosongʼaana aghongo koru mo‑bhaato, amare naghoghongibhu ne Eryobha eryene.

Abharuumi 6:6

Ntweche kubha eriimanya riito re kare ꞉ndiimamburu haghirohamu na Kirisito mo‑musarabha, kubha changuru che masari chetatukangata wiiki, na ghotuköra tubhe abhasësë bha masari.

Abharuumi 7:22

Emeghiro ghe Ryobha, neghesiighiri kwo motema waane woose.

2 Abhakorinto 10:1

Mbe, abhande mbakobhugha kubha, eni Bhawuro m‑muhörëëru neenyi hano neekubha haghirohamu na niinyu, na kubha muhaari neenyi hano neekubha kurë na niinyu. Amare eni ˆnekabhasasaama kwo bhunyööhu na kwo bhuhörëëru bho Kirisito.

2 Abhakorinto 4:16

Gho ghayo, totaaghoku omukörö, nangabha emebhere ghiito gho nche ngeghusarëka, amare moose yiito Eryobha ndeghotuköra kubha abhahë chaasiko choose.

Abhagharatiya 5:23

no obhuhörëëru ne ekirëngërë. Toonyi‑ho omoghiro uno okwanga omooto ataköra amangʼana ghayo.

Abhaebheeso 4:2

Eriibhagha ryose mubhe bhanyööhu, na abhahörëëru, na abhaghumereri. Moghumererani inyu bheene kwo bheene kwo bhosiighi.

Abhakorosaayi 3:12

Ibheere gho kubha inyu n‑abhaahöru bha Ryobha moonyi, na abhatööbhiyu bhano mosiighuru, mubhe no omotema o bheghongi, na atëëmö e bhuhöriicho, no obhunyööhu, no obhuhörëëru, no obhoghumereri.

Abhakorosaayi 3:3

gho kubha atëëmö yaanyu e masari nekuure. Ibheere obhuhöru bhoonyu mboonyi haghirohamu na Kirisito ambërë e Ryobha. Amare obhuhöru bhuyo bhotaakorighibhu mo‑bhaato abhande.

1 Abhatesaronike 4:11

Mwiköngʼi chwee kumanya eriimanya re murëmbë. Omooto wowoose atiisöhi mo‑mangʼana gha bhande, amare akörë omoremo waache omwene, kinya bhuno tobharagheriiri.

2 Abhatesaronike 3:12

Abhaato bhayo tokabharaghereri na kobhashaangʼi kwo bhukangati bho Mutëmi Yesu Kirisito kubha, bhabhe bharaköra emeremo gho sooko, na kwibhönëra ebhiinyakurë bheebho abheene.

1 Timotewo 2:2

Mokwëndëru kobhasabhera abhatëmi na abhande bhoose bhano bhaanyi mo‑bhukangati, kubha tumanye kwo murëmbë, torisëngërë Eryobha na ghuköra ghano ghakwëndëru ambërë yaache.

2 Timotewo 2:25

Nakwëndëru abhe arabhakaariha abhaato bhano bhakuhakaana nawe kwo bhuhörëëru, kubha hande abhe hamu, Eryobha rebhahë ghotuukuuna na gho ghayo, bhamënyë obhuhëënë.

Tiito 3:2

Obhabhoorere bhatatoka omooto wowoose, na bhatabha bharareghesa, bhabhe bhahörëëru, na bhabhe bhanyööhu kwo mooto woose.

Yakobho 1:21

Gho ghayo, mutaane no obhobhe bhoose, haghirohamu na amabhe maaru ghano ghaghashiri. Moyighöötë gho kwinyööhi angʼana ino Eryobha retooriri mo‑metema gheenyu, gho kubha niyo eghotora kobhatoori.

1 Bheetero 1:23

gho kubha mwibhwiru mara e kabhere. Kwibhoru kuyo, ghotarweriire mo‑bhiiso bhano bhaghotora ghoku, amare inyu mwibhwiru kwo ngʼana e Ryobha ino enyi ihöru na neekubha‑ho emiishe ghyose.

1 Bheetero 3:15

Mubhe mwisëëmiri eriibhagha ryose ghugharokeri wowoose uno akobhabhoori kino moghwitëngʼëra. Mukörë hangʼu kwo bhuhörëëru na asooko,