1 Bheetero 3:22 - Eriiraghano Eriihë

²² Iwe naghiire Mwishaaro, ni ibheere niikeere okubhökö gho kwiro kwo Waryobha, ahaghiro ha sooko chwee. Naghukangata bhamarayika, ne ebhetyenyi bhyose bhe bhotoro, na bhe changuru.

1 Bheetero 3:22 Iomraidhean Croise

Mataayo 22:44

‘Omutëmi Waryobha ꞉naamobhooriire Omutëmi waane, Wiikare eribhaara re kubhökö koone gho kwiro, mbagha neghukörë okinde abhabhisa bhaacho, na kobhakangata.’

Mataayo 28:18

Yesu akaacha ghokoobho, aghasiikëra nabho, akabhabhoorera akabhugha, “Eryobha ndeheere obhotoro bhoose bho Mwishaaro na mo‑se.

Maariko 12:36

Tawuti omwene ꞉naakangaturu na Akörö Ahörëëru, akabhugha, ‘Omutëmi Waryobha ꞉naamobhooriire Omutëmi waane, Wiikare eribhaara re kubhökö koone gho kwiro, mbagha neghukörë okinde abhabhisa bhaacho, na kobhakangata.’

Maariko 16:19

Hano Omutëmi Yesu amariri ghosiikëra nabho, Eryobha rekamwimoki rekamohiki Mwishaaro. Aghiikara eribhaara re kwiro re Ryobha.

Ruuka 20:42

Tawuti omwene, mo‑ghitabhu ghe Sabhuri, ꞉naabhughiri kubha, ‘Omutëmi Waryobha ꞉naamobhooriire Omutëmi waane, Wiikare eribhaara re kubhökö koone gho kwiro,

Yohana 13:32

Kinya bhokorighibhu obhokumi bhooche obhokoro kohetera mo‑maköri ghaane, mbe, Eryobha ryose ndëköbhëërëki abhaato obhokumi bhoone obhokoro eni Omoona o Mooto moose yaache omwene, wiiki ndeghuköra bhwango.

Amaköri gha Bhatomu 1:11

Bhakabhabhoorera bhakabhugha, “Inyu abhaato bha Ghariraaya, ngwake mwimeeriire hano ino mugharameriiri Mwishaaro? Yesu uno aghëghuru koru ghokoonyu ghuye Mwishaaro, nakuucha wiiki, kinya bhuno momorooche araghe.”

Amaköri gha Bhatomu 3:21

Ibheere Yesu nakwëndëru asaaghe Mwishaaro mbagha hano Eryobha reghuköra ebheghiro bhyose bhe mo‑se ino bhibhe, kinya bhuure abhughiri korwera kare gho nchëra e bharööti bhaache abhatööbhiyu.

Abharuumi 8:34

Wiiki taanyi‑ho uno aghotora kobhatenera ekiina kubha m‑bha masari moonyi, gho kubha Kirisito Yesu, niwe akuure na koryoka koru mo‑bhaku. Wiiki niikeere eribhaara re kwiro re Ryobha, niwe aghotusabhera.

Abharuumi 8:38

Nyeeche kwo bhuhëënë kubha ghetaanyi‑ho egheghiro kino gheghotora ghotutaani no obhosiighi bho Ryobha ghokwito. Taanyi oroko hamu obhuhöru, taanyi bhamarayika hamu bhano bhaanyi na changuru Mwishaaro. Koru amangʼana ghano ghakorwera kwi ibheere hamu mo‑riibhagha rino rekuucha, taanyi kwo bhano bhaanyi no obhotoro,

1 Abhakorinto 15:24

Hayo niho antenero e bhyose ekohikeerana. Eriibhagha riyo Kirisito naghosireekereri abhakangati bhoose, na bhano bhaanyi no obhotoro na bha changuru bhoose, aramara nakomuha Waryobha Taata obhutëmi.

Abhakorosaayi 3:1

Ibheere gho kubha atëëmö yaanyu ahë neryokiibhu haghirohamu na Kirisito, mutabhare amangʼana gha Mwishaaro, hano Kirisito ikeere eribhaara re kwiro re Ryobha.

Abheebhuraaniya 1:13

Eryobha retaamobhooriire marayika ghyokyose kubha, “Wiikare eribhaara re kubhökö koone gho kwiro, mbagha neghukörë okinde abhabhisa bhaacho, na kobhakangata.”

Abheebhuraaniya 1:3

Omoona uyo nakurëngaari mo‑bhokumi obhokoro bho Ryobha na nakwërëki haheero kinya Eryobha reenyi. Wiiki gho kohetera ghokooche ebheghiro bhyose mbehaaghöötana haghirohamu kwo ngʼana yaache ino enyi no obhotoro. Iwe hano amariri kwiruusi kinya amaruusi gha koruuseri abhaato amasari, aghaye Mwishaaro, aghiikara eribhaara re kubhökö gho kwiro kwo Mutëmi Waryobha.

Abheebhuraaniya 1:6

Wiiki Eryobha hano reere rerarëëta Omoona waache omwene chiri mo‑se, ꞉ndeebhughiri kubha, “Bhamarayika bhoose bha Ryobha bhabhe bharamusëngëra Omoona uyo.”

Abheebhuraaniya 10:12

Amare Kirisito ꞉niiruusiri mara rimu hangʼu kubha amaruusi gho ghiri e masari ghiito. Iwe niwe amaruusi ghano gha ghwisha emiishe ghyose. Gho ghayo niikeere eribhaara re kubhökö gho kwiro kwo Ryobha.

Abheebhuraaniya 12:2

Tubhe toramumööhërëri Yesu, gho kubha niwe asëëmiri obhokumi bhwito, wiiki nakobhohikeerani. Iwe ꞉naaghumeriiri oroko ro musarabha, tarooche chaasoni gho ghiri e ghuchömëru kuno koore ambërë yaache. Ibheere niikeere eribhaara re kubhökö gho kwiro re ghetumbe ghe ghitëmi ke Ryobha.

Abheebhuraaniya 4:14

Mbe, ntoonyi nawe Omuchaama Omokoro, Yesu, Omoona o Ryobha uno aghiire na ghusöha Mwishaaro. Gho ghiri iyo, ntughöötërërë ghano toghokumi.

Abheebhuraaniya 6:20

Yesu nakangatiri na ghusöha ahaghiro hayo gho ghiri yiito. Nawe akabha Omuchaama Omokoro o miishe ghyose, kinya bhuno Merikiseteeki are.

Abheebhuraaniya 8:1

Mbe, angʼana ankoro mo‑ghoose ghayo niyo ino. Itu ntoonyi nawe Omuchaama Omokoro anga uyo, iwe niikeere eribhaara re kubhökö gho kwiro kwo Mutëmi Waryobha, ahaghiro ha sooko chwee iyo Mwishaaro.

Abheebhuraaniya 9:24

Kirisito taasöhiri Ahaghiro Ahatööbhiyu ha Hatööbhiyu hano habhëkuru na abhaato, ahaghiro hayo n‑eghetuubhaani ke ahaghiro ha hëënë hano haanyi Mwishaaro. Iwe ꞉naasöhiri Mwishaaro aheene, kwo riibhagha rino naghotusabhera ambërë e Ryobha.