1 Bheetero 3:10 - Eriiraghano Eriihë

¹⁰ N‑kinya Amandëkö Amatööbhiyu ghakobhugha, “Wowoose uno akwënda kumanya eriimanya ichömu na re rubhango, atighe kobhiiherana na ghosiikëra obhuröngö.

1 Bheetero 3:10 Iomraidhean Croise

Mataayo 19:17

Yesu akamugharokeri akabhugha, “Ngwake okomboori eni ighoro e ngʼana e hëënë? Mööhi, Eryobha eryene chiri niryo erihëënë! Amare aribha okwënda ghusöha mo‑bhuhöru bho miishe ghyose, ughöötë emeghiro ghe Ryobha.”

Maariko 8:35

Gho ghayo omooto uno akwënda kobhuhöni obhuhöru bhooche, nakobhori obhuhöru bho miishe ghyose. Mahëënë wuure akoruusi obhuhöru bhooche gho ghiri yaane na gho ghiri e Ngʼana Anchömu, nakobhotoori.

Yohana 1:47

Hano Yesu amorooche Natanaheri araacha ghokooche, akabhugha, “Mööhi, omooto uyo n‑Omwisiraeri o hëënë, uno ataanyi ni isörö moose yaache.”

Yohana 12:25

Omooto wowoose uno akwënda kobhuhöni obhuhöru bhooche, nakobhobhori obhuhöru bho miishe ghyose, amare omooto wowoose uno ataakobhotereera obhuhöru bhooche mo‑se ino, uyo nakobhuhöni obhuhöru bhooche, kubha bhubhe bho miishe ghyose.

Yakobho 1:26

Aribha omooto ariirighi kubha naanyi na atiini, amare ataakoruhööchërëra ororeme rooche, uyo nakwingʼiina mo‑motema waache, ghutambana kooche atiini ghotaanyi no obhwëra ambërë e Ryobha.

1 Bheetero 2:1

Mbe, motighe obhobhe bhoose, no obhuröngö bho manga ghoose, na amangʼana amabhe ne eriihari, koru kobhiiherana.

1 Bheetero 2:22

Iwe taaköriri amasari ghoghoose, koru ghosiikëra obhuröngö bhobhoose.

Obhohunyurëru 14:5

Ibho bhataamara bhasiikëra obhuröngö koru hasuuhu, hamu kubha ne eriisari ryoryose.