1 Bheetero 2:9 - Eriiraghano Eriihë

⁹ Amare inyu n‑orwibhoro orwahöru, na abhachaama bha ghitëmi, na abhaato abhatööbhiyu, na abhaato bha Ryobha eryene, kubha muraghani amaköri amakoro gha Ryobha. Iryo ndebhabherekiire koru mo‑kengʼuuri, moghi mo‑bhwero bhooche obhokoro bho koroghoori.

1 Bheetero 2:9 Iomraidhean Croise

Mataayo 4:16

Abhaato bhano bhaare bhamanyiri mo‑kengʼuuri, mbarooche emirëngaari mekoro, na bhano bhamanyiri mo‑kiriiri ke roko, emirëngaari ngebharëngaariri.”

Mataayo 5:16

Hangʼu hangʼu ne emirëngaari gheenyu ngekwëndëru ghirëngaari kwo bhaato, kubha bhabhönë korighi amaköri ghaanyu amachömu, bhamoghongi Iso waanyu uno anyi Mwishaaro.

Ruuka 1:79

na ghotomorekera bhano tumanyiri mo‑kengʼuuri, na bhano twangiire mo‑kiriiri ke roko. Ndeghotukangata, tubhe toraheta mo‑nchëra e murëmbë.”

Yohana 17:19

ˆNeghiitoora ghokuhökëri iye gho ghiri yaabho, kubha nabho bhatooru ghokoocho mo‑bhuhëënë.

Amaköri gha Bhatomu 20:28

Akörö Ahörëëru nebhatooriri mubhe abhiimeerereri bha bhaato bhaache. Gho ghayo, mubhe moriichonga inyu bheene, mubhe morachonga ne eriikanisa reeche, gho kubha eriikanisa riyo, Eryobha ndereghoriri kwo masaahë gha Moona waache kobhatoori.

Amaköri gha Bhatomu 26:18

gho ghiri obhahunyure amiisho, mbagha bharu mo‑kengʼuuri bhiigharurere obhwero, na bharu mo‑bhukangati bho Rishambu, bhiigharurere Eryobha. Hangʼu niho bhakwabhëru amasari ghaabho, mbaakubha haghirohamu na abhande bhoose bhano bhamusuru gho nchëra e ghonkumi.’

Amaköri gha Bhatomu 26:28

Niho Aghiribha akamobhoorera, “Kana, nokwihëëbha kubha kwo mangʼana masuuhu kinya ghano, noghungarura nibhe Omokirisito!”

Abharuumi 9:24

Mo‑bhaato bhayo nibho itu bhano rebherekiire. Retabherekiire Abhayahuuti abheene, amare koru abhaato bha matöngö.

1 Abhakorinto 3:17

Ibheere, aribha omooto arasari Erisëngërö re Ryobha, omooto uyo, Eryobha ndekomusari, gho kubha Erisëngërö re Ryobha n‑itööbhiyu, ne Erisëngërö riyo niryo inyu.

Abhaebheeso 1:14

Akörö iyo niyo ekimanyenkereri kiito ghe kubhöna ghoose ghaare Eryobha ꞉reeturaghiire itu abhaato bhaache. Akörö iyo nekuhëënëhi kubha, Eryobha ndeghototingori inkongʼorimu, bhoose bhano toonyi abhaato bhaache. Toreghongi gho ghiri e bhokumi bhooche obhokoro.

Abhaebheeso 1:6

Gho ghayo, toreghongi Eryobha gho ghareeya yaache ino retoheere kwo bhwaru gho kohetera Omoona waache omosiighani.

Abhaebheeso 3:21

Eryobha reghongibhu na abhaato kwo mabhagha ghoose emiishe ne emiishe, kwo bhokoro bhooche bhuno bhokorighibhu mo‑riikanisa reeche na Kirisito Yesu! Hawubhaabha.

Abhabhiribhi 3:14

Mbe, neghwiköngʼi mo‑rughëndö kubha nehike mo‑ntenero na kuhaabhu atuho yaane. Atuho iyo niyo amberekerera e Ryobha gho nchëra e Kirisito Yesu.

Abhakorosaayi 1:13

Natotooriri koru mo‑bhutëmi bho kengʼuuri, aghatusaami na ghotusöhi mo‑bhutëmi bho Moona waache omosiighani.

2 Timotewo 1:9

Iryo ꞉ndeetotooriri, reghatobherekera tubhe abhaana bhaache abhatööbhiyu. Retaaköriri hangʼu gho ghiri e maköri ghiito, amare ꞉ndiiköriri gho ghiri e miigha ghaache na aghareeya yaache. ꞉Ndeetoheere aghareeya iyo gho nchëra e Kirisito Yesu, koru ase ino ekeere ghutëëmu.

Tiito 2:14

꞉Niiruusiri gho ghiri yiito, kubha atotoori koru mo‑mabhe ghoose. ꞉Nëëndiri ghotomusa, kubha hëënë tubhe abhaato bhaache, bhano bhiiruusiri ghuköra amachömu.

1 Bheetero 1:2

Korwera kare, Taata Waryobha nabhamënyiri na kobhaahura gho ghiri yaache. Akörö yaache nebhaköriri mubhe abhatööbhiyu, kubha momosooke Yesu Kirisito na komusu kwo masaahë ghaache. Nëköbhëëndëra aghareeya no omurëmbë kwo bhwaru, ghibhe na niinyu.

1 Bheetero 2:5

Mbe, mumënyë kubha koru inyu n‑kinya amabhohe ghano ghaanyi amahöru, mokwabhëku ne Eryobha mubhe erikindahaase re körö. Wiiki ndekobhaköra mubhe abhachaama bhaache bhano bhaahwiru koruusi amaruusi gha mo‑chaakörö gho nchëra e Yesu Kirisito.

1 Bheetero 4:11

Aribha omooto anyi na amangʼana gha ghosiikëra, asiikërë kinya n‑kwo Ryobha gharuure. Na aribha omooto aghusakeri abhaghëndi bhaache, abhasakeri kwo bhotoro bhuno bhookoru kwo Waryobha. Gho ghayo, Eryobha ndeghoghongibhu mo‑mangʼana ghoose, gho nchëra e Yesu Kirisito omwene uno anyi no obhokumi obhokoro no obhotoro emiishe ne emiishe. Hawubhaabha.

Obhohunyurëru 1:6

Natuköriri itu tubhe obhutëmi bho bhachaama kubha torihökëri Eryobha, Ishe waache. Obhokumi obhokoro no obhotoro bhubhe kwo Yesu, emiishe ne emiishe. Hawubhaabha.

Obhohunyurëru 20:6

Kuno niko koryoka kwo bhaku o kumbërë. Ngʼoni bhano bhakoryokibhu hayo, ibho mbiitabhiiru chwee na m‑bhatööbhiyu. Oroko ro kabhere rotaakubha na changuru ighoro yaabho. Ibho mbaakubha abhachaama bha Ryobha na Kirisito, na mbaghukangata nawe eriibhagha riyo re meeka egheku kimu.

Obhohunyurëru 5:10

Iye ꞉noobhaköriri abhaato bhayo bhabhe abhachaama mo‑bhutëmi bhoocho, bharihökëri Eryobha, mbakoyikangata ase ino.”