1 Bheetero 2:8 - Eriiraghano Eriihë

⁸ Wiiki, Amandëkö ngakobhugha kubha, “Eriibhohe riyo n‑eriibhohe re ghwituuratuura, n‑eriitare re ghoghwishi abhaato.” Abhaato mbaghwituuratuura, gho kubha bhataaghughööta angʼana e Ryobha. Na hangʼu nibhu ꞉bhaare bhasëëmiiru korwera kare.

1 Bheetero 2:8 Iomraidhean Croise

Ruuka 2:34

Simiyooni akabhiitabheri hayo, akamobhoorera Mariyamu, nyina o moona uyo akabhugha, “Tëghëërëra! Omoona uno, ꞉naahwiru ne Eryobha, naghoghwishi na nakobhabhooki Abhiisiraeri abhande bhaaru. Naakubha ekimanyenkereri na abhaato mbaghokyanga,

Abharuumi 9:22

Eryobha ryose hangʼu reenyi. ꞉Ndyëëndiri kwërëki abhaato obhororo bhooche na köbhëërëki changuru cheeche, amare ꞉ndeeghumeriiri chwee abhaato bhano ꞉bhaarëngʼaaniire ghosireekereru.

1 Abhakorinto 1:23

Amare itu, ntokuraghani angʼana ighoro e Kirisito uno amamburu mo‑musarabha. Angʼana iyo nekobhakarari Abhayahuuti, na kwo bhaato bha matöngö no obhughëëghë.

2 Abhakorinto 2:16

Kwo bhano bhaghotooribhu, ekeneeso kiyo n‑ghichömu ngekurëëta obhuhöru. Amare kwo bhano bhakobhora, ekeneeso kiyo n‑kebhe, ngekurëëta oroko. Ibheere n‑niwe uno akurëngʼaanera ghuköra emeremo ghiyo?

Abhagharatiya 5:11

Abhahiiri bhaane, abhaato abhande mbakobhugha kubha, eni nekuraghani kubha, abhasubhe bhoose mbakwëndëru bhasaaru. Aribha mahëënë kubha nekuraghani hangʼu, ngwake ibheere Abhayahuuti bhakunyaaki? Aribha nengabheere neraraghani hangʼu, kuraghani koone ighoro e roko ro Yesu Kirisito mo‑musarabha, ghotangaghëriri Abhayahuuti bhandeghe.

1 Abhatesaronike 5:9

Eryobha retatwahwire itu kubha retosireekereri kwo bhororo bhooche, amare ndetwahwire kubha tubhönë obhotoori gho nchëra e Mutëmi wiito Yesu Kirisito.

1 Bheetero 2:6

N‑kinya Amandëkö Amatööbhiyu ghakobhugha kubha, “Mumööhi, iyo mo‑moghya o Sayuuni, neghatoora eriibhohe ikoro re bhoroso, wiiki n‑eriibhohe re riighori ikoro rino nyahwire. Na wowoose uno akomokumi uyo anyi eriibhohe riyo, taaghosookibhu naabha!”

1 Bheetero 2:7

Ghokoonyu inyu bhano moghokumi eriibhohe riyo, n‑de riighori chwee. Amare, ighoro e bhano bhataakorekumi, Amandëkö Amatööbhiyu ngakobhugha kubha, “Eriibhohe rino abhaabhëki ꞉bhaangiri, niryo ribheere eriibhohe ikoro re bhoroso.”

2 Bheetero 2:3

Kwo miigha ghaabho amabhe gha kubhöna obhwëra koru ghokoonyu, mbaakubha bharabhabhoorera amaghano gha bhuröngö. Amare korwera kare, Eryobha ndiisëëmiri kobhatenera ekiina na retaamara ryebhu kobhasireekereri!

Yuuta 1:4

ˆNekabhaandëkëra anyaarubha ino, gho kubha mbaanyi‑ho abhaato nyarebhe bhano bhataakoresooka Eryobha, mbiisöhiri gho kebhisere ghate yaanyu na ghwisangerani na niinyu. Abhaato bhano mbakorumeeri angʼana e ghareeya e Ryobha riito, kubha abhaato bhakörë amangʼana gha chaasoni na komwanga Omutëmi wiito Yesu Kirisito, Omukangati wiito omwene chiri. Amare korwera kare ꞉yaandëkuru mo‑Mandëkö Amatööbhiyu kubha abhaato bhano mbaghoteneru ekiina.