1 Bheetero 2:7 - Eriiraghano Eriihë

⁷ Ghokoonyu inyu bhano moghokumi eriibhohe riyo, n‑de riighori chwee. Amare, ighoro e bhano bhataakorekumi, Amandëkö Amatööbhiyu ngakobhugha kubha, “Eriibhohe rino abhaabhëki ꞉bhaangiri, niryo ribheere eriibhohe ikoro re bhoroso.”

1 Bheetero 2:7 Iomraidhean Croise

Mataayo 21:42

Niho Yesu akabhabhoorera wiiki akabhugha, “Kana, motaamara musöma ghano ghaandëkuru mo‑Mandëkö Amatööbhiyu? Ngaandëkuru kubha, ‘Eriibhohe rino abhaabhëki ꞉bhaangiri, niryo ribheere eriibhohe ikoro re bhoroso. Omutëmi Waryobha niwe aköriri riyo, naryo n‑de koroghoori ghokwito.’

Ruuka 2:32

Obhotoori bhuyo n‑emirëngaari ghe ghokwërëkërëri anchëra yaacho mo‑bhaato bha matöngö, na asooko mo‑bhaato bhaacho Abhiisiraeri.”

Ruuka 2:34

Simiyooni akabhiitabheri hayo, akamobhoorera Mariyamu, nyina o moona uyo akabhugha, “Tëghëërëra! Omoona uno, ꞉naahwiru ne Eryobha, naghoghwishi na nakobhabhooki Abhiisiraeri abhande bhaaru. Naakubha ekimanyenkereri na abhaato mbaghokyanga,

Ruuka 20:17

Yesu akabhoomeri amiisho, akabhabhoori, “Mbe! Amandëkö ghayo neke ghakwërëki? ‘Eriibhohe rino abhaabhëki ꞉bhaangiri, niryo ribheere eriibhohe ikoro re bhoroso.’

Yohana 4:42

Bhakamobhoorera omukari uyo bhakabhugha, “Mbagha ibheere ntomokumiri omooto uno taanyi gho ghiri e ghano ꞉otobhooriire agheene. Amare ibheere ntokomokumi gho kubha ntooghwire itu bheene ghano abhughiri. Wiiki ntumënyiri kubha, mahëënë niwe Omotoori o se.”

Amaköri gha Bhatomu 26:19

“Gho ghayo, oo omutëmi Aghiribha, hano nerooche amarighi ghayo gharuure Mwishaaro, nteghachëëriri.

Abharuumi 10:21

Amare ighoro e Bhiisiraeri, Eryobha ꞉ndeebhughiri kubha, “Mwishe moghima nyëndiri koghwana na abhaato bhaane, amare n‑abhaato bhano bhataaghonsooka, wiiki n‑abhaato bhano bhakonyanga.”

Abharuumi 15:31

Munsabhere kubha, abhaato bha mukööwa o Yuteya bhano bhakwanga komokumi Yesu Kirisito, bhataacha ghunkörëra amabhe. Wiiki munsabhere kubha abhakumi bha iyo Yerusareemu, bhiishereri ghosongʼaana obhotoorereri bhuno nekobhahirera koru kwo bhaato bha matöngö.

2 Abhakorinto 2:16

Kwo bhano bhaghotooribhu, ekeneeso kiyo n‑ghichömu ngekurëëta obhuhöru. Amare kwo bhano bhakobhora, ekeneeso kiyo n‑kebhe, ngekurëëta oroko. Ibheere n‑niwe uno akurëngʼaanera ghuköra emeremo ghiyo?

Abhakorosaayi 2:10

Inyu muhaabhuru bhyose gho ghughöötana na Kirisito, iwe niwe Omutëmi omokoro uno anyi no obhotoro bhoose mo‑se ino etaakorighibhu.

Tiito 3:3

Koru itu bheene eriibhagha riire toore tokeere komokumi Yesu, ntoore bharaghaanu, na abhiigharori, wiiki ntongʼiinuru chwee. Ntoore abhasësë bha miigha amabhe gha manga maaru gha se ino. Eriimanya riito ndeere re bhobhe ne eriihari. Abhaato mbaare bhaturëghiri, na niitu ntoore tobharëghiri.

Abheebhuraaniya 11:31

Obhokumi ꞉mbuuköriri Rahaabhu uno are omukari musöngörëëri akahöna ghwitu haghirohamu na abhaato bhano bhataare bhararekumi Eryobha. Akahöna ghwitu gho kubha ꞉naabhaghënëhiri abhaseghaayi bha Bhiisiraeri kwo murëmbë.

Abheebhuraaniya 4:11

Gho ghayo, ntwiköngʼi ghusöha ahaghiro hayo ha koweera. Tubhe toraköra hangʼu kubha ataacha kubha‑ho omooto wowoose uno aghokindu ghusöha gho ghiri e kwanga ghokumi kinya bhuno bhasookoro bhiito ꞉bhaaköriri.

1 Bheetero 1:8

Inyu momosiighiri, nangabha motaamara komorighi. Wiiki nangabha motaakomorighi ibheere, amare mokomokumi. Gho ghayo, muchömiiru chwee mo‑bhokumi, oghuchömëru kuyo nkoonyi no obhokumi obhokoro bhuno bhotaaghotora koru ghughambu,

1 Bheetero 2:4

Momutambane uno anyi eriibhohe erihöru re kwabhëkëra. Eriibhohe riyo, abhaato ꞉mbaaryangiri, amare Eryobha ꞉ndeeryahwire, wiiki n‑de riighori ikoro mo‑miisho ghaache.

1 Bheetero 2:8

Wiiki, Amandëkö ngakobhugha kubha, “Eriibhohe riyo n‑eriibhohe re ghwituuratuura, n‑eriitare re ghoghwishi abhaato.” Abhaato mbaghwituuratuura, gho kubha bhataaghughööta angʼana e Ryobha. Na hangʼu nibhu ꞉bhaare bhasëëmiiru korwera kare.