1 Bheetero 2:23 - Eriiraghano Eriihë

²³ Hano atokuru, tagharokiiri angʼana yoyoose. Hano anyaakiru, taasakiri korehani asiire, amare ꞉naaretighiire Eryobha ghoose, rino reghotena ekiina kwo bhuhëënë.

1 Bheetero 2:23 Iomraidhean Croise

Ruuka 23:41

Amare itu, ntoteniiru ekiina kwo bhuhëënë, kurëngʼaana na amaköri ghiito, amare uno, taanyi ne eriisari rino aköriri.”

Ruuka 23:46

Yesu aghakuura kwo riiraka ikoro akabhugha, “Oo Taata! Akörö yaane ˆnekayetoora mo‑mabhökö ghaacho.” Hano amariri kobhugha ghayo, aghatena akörö.

Ruuka 23:9

Herote akamobhoori Yesu kwo mabhoori maaru chwee. Amare Yesu tamugharokiiri ngʼana yoyoose.

Amaköri gha Bhatomu 17:31

Gho ghayo, natooriri orosiko runo akobhatenera ekiina abhaato bhoose kwo meghiro na kwo bhuhëënë, gho nchëra e mooto uno ahwire. ꞉Naabhëërëkiri abhaato bhoose obhuhëënë bho mooto uno ahwire gho komoryoki koru mo‑bhaku.”

Amaköri gha Bhatomu 4:29

Ibheere Omutëmi Waryobha, mööhi kinya bhaghototiini, ntoghusabha otusakeri! Otukörë itu abhatamishi bhaacho, kuraghani angʼana yaacho kwo bhosubhesubhe bhoose.

Amaköri gha Bhatomu 7:59

Hano bhaare bharamurasa amabhohe, Siteebhano aghasabha Eryobha, arabhugha, “Oo Omutëmi Yesu, osongʼaane akörö yaane!”

Amaköri gha Bhatomu 9:1

Eriibhagha riyo riyo, Sawuri akëëndërëra ghotiini gho ghwita abhaghëndi bha Mutëmi Yesu. Akamusëëta Omuchaama Omokoro,

Abharuumi 2:5

Iye noonyi no omutu muköngʼu, wiiki nokwanga ghotuukuunera amasari ghaacho. Gho ghayo, noghwikomera anchagho e rosiko runo Eryobha reghotena ekiina keeche kwo bhuhëënë.

Abhaebheeso 6:9

Na niinyu abhatëmi, hangʼu hangʼu mubhe morabhakörëra abhasësë bhaanyu amachömu. Motabhatiini, gho kubha mweche kubha, Omutëmi waabho no Omutëmi waanyu n‑umu, Mwishaaro anyi, na mweche kubha iwe taanyi no obhwingʼaheri.

2 Abhatesaronike 1:5

Mbe, ghoose ghayo ngakwërëki kubha, Eryobha ndeghotena ekiina kwo bhuhëënë. Ibheere gho ghotena ekiina kuyo inyu mokubharu kubha mokurëngʼaanera mo‑bhutëmi bhooche, nikyo inyu mokunyaakibhu.

2 Timotewo 1:12

Kiyo nikyo gheghughëri nerabhöna anyaako ino. Amare nteekorighi chaasoni, gho kubha nemweche uno neghokumi. Wiiki neenyi no obhuhëënë kubha, iwe naanyi no obhotoro bho ghochonga bhoheene angʼana e bhuhëënë ino aheere mbagha orosiko ruure ro ghugharuka kooche.

2 Timotewo 4:8

Ibheere neghughanya okwene kuhaabhu atuho e bhuhëënë. Omutëmi Yesu, omoteni o kiina uno anyi obhuhëënë, nakuuha atuho orosiko ruure ro ghugharuka kooche. Atuho iyo nteekuhaabhu eni mwene, amare na abhande bhoose bhano bhaghwitëngʼëra kwo miigha ghugharuka kooche.

Abheebhuraaniya 12:3

Mwihëëbhë kinya bhuno Yesu aghumeriiri ghaare ꞉ghaamobhwine ghano abhaköri bha masari ꞉bhaare bharamoshangʼaani. Mbe, gho ghayo, mwitoore omukörö kubha motaacha ghutamu korekumi Eryobha.

1 Bheetero 3:9

Motareha amabhe kwo mabhe, hamu amatoki kwo matoki, amare mobhiitabheri abhande. Mobherekiiru ghuköra hangʼu, kubha inyu bhoose mubhönë orubhango.

1 Bheetero 4:19

Gho ghayo, bhano bhakunyaaka gho ghuköra ghano Eryobha rekwënda, bhamënyë kubha Eryobha n‑Itëëmi na n‑ihëënë. Gho ghayo, bhiitoore mo‑mabhökö ghaache, bhëëndërërë ghuköra amachömu.

Obhohunyurëru 19:11

Hano ghayo ghahetiri, nekarighi eriirighi erende. Nekarighi erishaaro riighokiri. Nekarighi abharaasi ayeero no omooto ikeere ighoro yaache. Omooto uyo nabherekiiru, “O Muhëënë” no “O Mahëënë.” Iwe nahaatena ekiina na kurööna eriihë kwo bhuhëënë.