1 Bheetero 2:19 - Eriiraghano Eriihë

¹⁹ Eryobha ndeghuchömëru hano moghoghumereri anyaako ino motaakurëngʼaanëra, gho ghiri e koritambana iryo.

1 Bheetero 2:19 Iomraidhean Croise

Ruuka 6:32

“Morabhasiigha bhaare abheene bhabhasiighiri inyu, mookubha mobhwine obhwëra ke? Koru bhano bha masari, mbasiighiri abhaato bhano bhabhasiighiri.

Yohana 15:21

Amare mbakobhakörëra ghoose ghayo, gho ghiri e ghuntambana eni, gho kubha bhatamweche uno antomiri.

Amaköri gha Bhatomu 11:23

Hano ahikiri iyo, akarighi kebhuno aghareeya e Ryobha ebhiitabhiiri abhaato bhayo. Aghachömëru chwee, akabhatoora omukörö bhaköngʼëri komosooka Omutëmi kwo metema gheebho ghyose.

Abharuumi 13:5

Gho ghayo, mokwëndëru kobhasooka abhakangati. Motabhasooka gho kubha moghotiina ghukarara kwo Ryobha, amare mobhasooke gho kubha mweche bhoheene mo‑metema gheenyu kubha, Eryobha ndekwënda mubhe moraköra hangʼu.

1 Abhakorinto 15:10

Amare aghareeya e Ryobha niyo inköriri eni kubha omotomu. Na aghareeya yaache ghokoone teere bhoowa, gho kubha kohetera aghareeya iyo niköriri emeremo ghokera abhatomu bhoose. Ntiköriri ghayo gho changuru cheene omwene, amare na aghareeya e Ryobha niyo iköriri emeremo haghirohamu na neeni.

2 Abhakorinto 1:12

Mbe, itu ntokwihachera rino, mo‑metema ghiito ntoonyi no obhuhëënë kubha, mo‑se hano, na ahanene mo‑bhughöötani bhwito na niinyu, ntumanyiri kwo bhughöröröku na kwo bhuhëënë bhuno bhookoru kwo Waryobha. Totaaköriri hangʼu kwo mangʼiini gha se ino, amare n‑gho ghareeya e Ryobha.

2 Abhakorinto 8:1

Ibheere, abhahiiri bhiito, ntokwënda mumënyë aghareeya e Ryobha ino abhaato bha makanisa gha mukööwa o Maketoniya ꞉bhaabhwine.

2 Timotewo 1:12

Kiyo nikyo gheghughëri nerabhöna anyaako ino. Amare nteekorighi chaasoni, gho kubha nemweche uno neghokumi. Wiiki neenyi no obhuhëënë kubha, iwe naanyi no obhotoro bho ghochonga bhoheene angʼana e bhuhëënë ino aheere mbagha orosiko ruure ro ghugharuka kooche.

Abheebhuraaniya 10:2

Aribha amaruusi ghayo ngangabheere gharabhamusa amasari ghaabho hëënë, abhaato bhano ꞉bhaare bharasëngëra Eryobha gho nchëra e ghutambana emeghiro, bhatangabheere bharëëndërëra kwiyoghu mo‑metema gheebho kubha n‑abhaköri bha masari. Wiiki bhatangatighiri koruusi amaruusi ghaabho gho kubha Eryobha ndengabheere rebhamusiri mara rimu hangʼu.

1 Bheetero 2:20

Mokubhöna atuho ke moraghumereri anyaako ino murëngʼaaniire gho ghiri e masari ghaanyu? Amare aribha moraghumereri anyaako gho kubha muköriri amachömu, hayo mokoretegheri Eryobha.

1 Bheetero 4:15

Mbe, anyaako yaanyu etaacha korwera gho ghiri e bhwiti, no omwibhi, na ghuköra amabhe hamu ghwisöhi mo‑mangʼana gha bhande.