1 Bheetero 2:17 - Eriiraghano Eriihë

¹⁷ Mobhasooke abhaato bhoose, na mobhasiighe abhakumi abhaghëndi bhaanyu. Morisëngërë Eryobha, na momosooke Kayisaari, omutëmi waanyu.

1 Bheetero 2:17 Iomraidhean Croise

Mataayo 22:21

Ibho bhaghagharokeri bhakabhugha, “M‑bhe Kayisaari.” Yesu akabhabhoorera akabhugha, “Mbe, momuhë Kayisaari bhino bheenyi bhe Kayisaari, wiiki morihë Eryobha bhino bheenyi bhe Ryobha.”

Yohana 13:35

Erabha morasiighana, abhaato bhoose mbakumënya kubha inyu n‑abhaanabheegha bhaane moonyi.”

Abharuumi 12:10

Mosiighane inyu abheene kwi inyu bheene kinya abhahiiri. Omooto woose iköngʼi komosooka omughëndi waache.

Abharuumi 13:7

Gho ghayo, mubhe moraköra amangʼana ghano mokwëndëru kobhakörëra. Aribha onyi na asiire erighööti, mbe, orehe erighööti. Wiiki aribha mokwëndëru ghosooka omooto, mbe, momosooke.

2 Abhakorinto 7:1

Ibheere, abhasiighani bhaane, Eryobha ndeturaghiri amangʼana ghayo ghoose, gho ghayo twiyeri mo‑ghoose ghano ghaghotuköra kubha abhaghonchu mo‑mebhere na mo‑metema ghiito. Tubhe abhatööbhiyu kwo mangʼana ghoose gho nchëra e koresooka Eryobha.

Abhaebheeso 5:21

Mubhe morasookana inyu bheene kwo bheene, gho kubha mokomosooka Kirisito.

Abhabhiribhi 2:3

Motaköra angʼana yoyoose gho körö e kuhakaana koru gho kwihacha. Amare mubhe no obhunyööhu na kobhabhara abhande kubha ngʼoni ghokera inyu bheene.

1 Timotewo 6:1

Abhasësë bhoose abhakumi, bhabhasooke abhantomonkoro bhaabho, kubha eriina re Ryobha na ameeghi ghiito ghatataraahu.

Abheebhuraaniya 13:1

Mwëndërërë ghosiighana kinya bhuno ekwëndëru mo‑bhakumi.

1 Bheetero 1:22

Inyu mumanyiri kurëngʼaana na ameeghi gha hëënë ighoro e Yesu. Gho ghayo, emetema gheenyu ngyeghuru ni ibheere moghotora ghosiigha abhaghëndi bhaanyu kwo bhuhëënë. Mbe, mosiighane kwo mukörö mwero,

1 Bheetero 2:13

Mubhe morasooka abhaato bhoose bhano bhaanyi no obhotoro, gho ghiri e komosooka Omutëmi. Momosooke omutëmi waanyu, gho kubha iwe niwe omukangati omokoro mo‑se yaanyu.

1 Bheetero 5:5

Bhuure bhuure na niinyu abhabhureni, mokwëndëru mobhasooke abhagharuka bha riikanisa. Na niinyu bhoose mubhe abhaato abhanyööhu na mubhe moratoorani. Mukörë hangʼu, gho kubha Amandëkö Amatööbhiyu ngakobhugha, “Bhano bhakwihacha, Eryobha ndehaabhaanga, amare abhanyööhu, ndehaabhaha aghareeya.”