1 Bheetero 2:12 - Eriiraghano Eriihë

¹² Mobhakörërë amachömu abhaato bhano bhataryeche Eryobha, kubha eriibhagha bhaakubha bharabhabhiihera amangʼana amabhe, bharighi amaköri ghaanyu amachömu. Niho bhaghotora koreghongi Eryobha gho ghiri yaanyu, mo‑rosiko ro kuucha kooche.

1 Bheetero 2:12 Iomraidhean Croise

Mataayo 10:25

Omoonamwegha nakwëndëru abhe kinya omweghi waache no omusësë woose abhe kinya omutëmi waache. Aribha akomobherekera omokoro o nyumba kubha m‑Bherisebhuuri, kana, taakobhabherekera abhaato bha mo‑nyumba yaache amariina amabhe ghokera ghayo?

Mataayo 5:11

“Ngʼoni inyu abhaato bharabhatoka na kobhanyaaki, na kobhaghamba kobhe kwo manga maaru gho ghiri yaane,

Mataayo 5:16

Hangʼu hangʼu ne emirëngaari gheenyu ngekwëndëru ghirëngaari kwo bhaato, kubha bhabhönë korighi amaköri ghaanyu amachömu, bhamoghongi Iso waanyu uno anyi Mwishaaro.

Mataayo 9:8

Hano abhaato bhano ꞉bhaare hayo bhagharooche ghayo, bhakahagha na ghotiina chwee. Bhakareghongi Eryobha rino reheere abhaato obhotoro bhonga bhuyo.

Ruuka 1:68

“Omutëmi Waryobha o Bhiisiraeri aghongibhu, gho kubha, niichiri kobhatoori abhaato bhaache bhatighooroku.

Ruuka 19:44

Abhabhisa bhayo, mbakobhaghwishi haase iye na abhaato bhaacho bhoose. Retaanyi‑ho eriibhohe rino reghusaagha ighoro e riibhohe erende! Bhano bhamanyiri moose mbaghosireekerera, gho kubha eriibhagha Eryobha ꞉reekurëëtiire obhotoori, tobhumënyiri.”

Ruuka 6:22

Ngʼoni inyu, bhano abhaato bhakobharëgha, gho ghiri yaane eni Omoona o Mooto, na kobhaahura, bharabhatoka, na kobhaghamba kubha inyu m-bhabhe moonyi.

Yohana 13:31

Mbe, eriibhagha Yuuta ꞉ahorokiri anche, Yesu akabhabhoorera abhaanabheegha bhaache akabhugha, “Ibheere obhokumi bhoone obhokoro eni Omoona o Mooto ˆbhoghatingʼi korighibhu haheero. Wiiki, mbokorighibhu haheero obhokumi obhokoro bho Ryobha kohetera mo‑maköri ghaane.

Amaköri gha Bhatomu 15:14

Bheetero namariri ghotobhoorera kinya Eryobha ꞉riinyaakiire abhaato bha matöngö, kubha ryahure ghate yaabho bhabhe abhaato bhaache.

Amaköri gha Bhatomu 24:13

Amangʼana ghano bhaghunsëmëra ibheere, koru bhataaghotora kwërëki obhuhëënë bhooche kwi ibheere.

Amaköri gha Bhatomu 25:7

Hano Bhawuro ahikiri hayo, akabhabhöna Abhayahuuti bhano bharuure Yerusareemu. Abhayahuuti bhayo bhakamwinaareri, bhaghasëëma komusëma kwo mabhe maaru ghano ghataanyi gha hëënë ighoro yaache, amare bhataatoriri kwërëki obhuhëënë bhooche.

Amaköri gha Bhatomu 28:22

Itu ntoghughanya kooghu ghano iye okwihëëbha, gho kubha atiini ino oghutambana, ntweche kubha neghosiikëru kobhe ahaghiro hoose.”

Abharuumi 12:17

Hano abhaato bhakobhakörëra amabhe, motarehani amabhe kwo mabhe. Amare eriibhagha ryose hano mookubha mokeere ghuköra ghyokyose kwo bhande, mwihëëbhë singa na mukörë ghaare ghakorighibhu kubha m‑machömu kwo bhaato bhoose.

Abharuumi 13:13

Tubhe na atëëmö inchömu kinya abhaato bhano bhamanyiri mo‑bhwero. Totabha abhaato bhano bhaghuköra chanyangi che kehobhaaru no obhurëëbhi. Totaköra obhutaari bho manga ghoghoose ghaare, koru ghuköra amangʼana gha chaasoni. Totabha abharööni, hamu kubha ne eriihari.

Abharuumi 14:18

Omooto wowoose uno akomukörëra amangʼana ghayo Kirisito, nakorichömëri Eryobha, wiiki na abhaato mbaghuchömëru nawe.

Abharuumi 15:9

Wiiki ꞉niichiri kubha abhaato bha matöngö bhareghongi Eryobha gho changori cheeche. N‑kinya bhuno Amandëkö Amatööbhiyu ghakobhugha kubha, “Mbe, neghoghoghongi ghate e bhaato bha matöngö, neghokwembera emyembo ghe ghoghoghongi iye.”

1 Abhakorinto 14:25

Ghano ghabhisuru mo‑motema waache, ngaakubha haheero, niho akohighama na kohiinya obhosho bhooche mbagha haase korisëngëra Eryobha, arabhugha kubha, “Mahëënë Eryobha ndeenyi ghate yaanyu!”

2 Abhakorinto 1:12

Mbe, itu ntokwihachera rino, mo‑metema ghiito ntoonyi no obhuhëënë kubha, mo‑se hano, na ahanene mo‑bhughöötani bhwito na niinyu, ntumanyiri kwo bhughöröröku na kwo bhuhëënë bhuno bhookoru kwo Waryobha. Totaaköriri hangʼu kwo mangʼiini gha se ino, amare n‑gho ghareeya e Ryobha.

2 Abhakorinto 13:7

Ntokorisabha Eryobha kubha motaköra angʼana yoyoose ambe, taanyi gho kubha ntokwënda torighibhu kubha ntokindiri. Amare ntokwënda mukörë amachömu, koru nangabha itu tokorighibhu kubha ntokinduru.

2 Abhakorinto 8:21

Amënda ghiito n‑ghuköra ghano ghaanyi amachömu, taanyi ambërë e Mutëmi okwene, amare na ambërë e bhaato.

Abhaebheeso 2:3

Hayo kare koru itu bhoose ntoore kinya ibho, ntumanyiri gho ghutambana amiigha gha simoka yiito e masari, na ghuköra amangʼana ghano ꞉ghaare gharachömëri omobhere na amiihëëbhö ghiito. ꞉Ntwibhwiru na atëëmö e masari kinya abhaato abhande, gho ghayo, Eryobha ndeere retukarariire na nturëngʼaaniire kuhaabhu anchagho.

Abhaebheeso 4:22

Mbe, motighe ghano moore moraköra ekimbërë, asughara e kare ino eghusarëka, gho ghutambana amiigha ghano ghakobhangʼiina,

Abhabhiribhi 1:27

Angʼana e hëënë n‑kubha, atëëmö yaanyu irëngʼaane na Angʼana Anchömu e Kirisito. Hano nekuucha kobharighi hamu nenganga kuucha, nibhe nerooghu kubha mokwëndërëra kwimeerera muköngʼiiri na kubha no obhumu, wiiki haghirohamu moonyi gho kunyaakera obhuhëënë bho Angʼana Anchömu bhuno toghokumi.

Abhabhiribhi 4:8

Antenero, bhahiiri bhaane, motoore amiihëëbhö ghaanyu ghoose ighoro e mangʼana ghano ghaanyi gha hëënë, na amangʼana gha sooko, na amangʼana ghano ghataamara ghusangerani no obhobhe, na amangʼana gha ghotegheri, ghoose ghano ghaanyi no obhuchömu. Bhorabha-ho obhuhöriicho bhobhoose, bhorabha-ho obhokumi obhuchömu bhobhoose, moghiihëëbhërë amangʼana ghayo.

1 Abhatesaronike 4:12

Niho mookubha mwërëkiri orughëndö ruchömu ighoro e bhano bhataanyi Abhakirisito. Wiiki motabha abhaato bhano bhaghwitëngʼëra bhe bhande kwo mënda ghaanyu.

1 Timotewo 2:2

Mokwëndëru kobhasabhera abhatëmi na abhande bhoose bhano bhaanyi mo‑bhukangati, kubha tumanye kwo murëmbë, torisëngërë Eryobha na ghuköra ghano ghakwëndëru ambërë yaache.

1 Timotewo 4:12

Omooto wowoose ataghutaraaha gho kubha iye okeere omobhureni, amare wiköngʼi kubha ekyërëkërëri ghichömu mo‑bhakumi gho ghughamba koocho, na atëëmö yaacho, no obhosiighi bhoocho, no obhokumi bhoocho no obhughöröröku bhoocho.

1 Timotewo 5:10

Abhe omooto uno aghoghongibhu gho ghiri e maköri kinya ghano, abhe omooto uno arëriri abhaana bhoheene, na uno aghënëhiri abhaghëni, na uno abhahökiiri abhakumi gho kobheeghi amaghoro ghaabho, na uno abhasakiiri bhano bhakunyaakibhu. Gho ghayo, abhe omooto uno iruusiri ghuköra amaköri ghoose amachömu.

Abheebhuraaniya 13:18

Mwëndërërë ghotusabhera. Ntoonyi no obhuhëënë kubha emetema ghiito ghetaaghototenera ekiina ghyokyose, gho kubha ntoghwiköngʼi ghuköra ghano ghaanyi gha hëënë kwo bhaato bhoose.

Abheebhuraaniya 13:5

Motabha na atëëmö e ghosiigha chambiiri, amare muhaabhe na bhino moonyi nabhyo, gho kubha Eryobha eryene ꞉ndeebhughiri kubha, “Nteeghoghotigha koru nteeghoghosuuhera naabha.”

Yakobho 3:13

N‑niwe ghate yaanyu, uno anyi na amangʼiini no obhumënyi? Mbe, nëërëki obhumënyi bhooche na amangʼiini ghaache gho ghuköra amaköri amachömu, kwo bhunyööhu bhuno bhookoru mo‑mangʼiini.

1 Bheetero 2:15

Eryobha ndekwënda, mubhe moraköra amangʼana amachömu, kubha mobhakiri abharaghaanu bhano bhateeche amangʼana ghaache.

1 Bheetero 3:16

na mubhe na amënda meero, kubha aribha bharabhibhoneereri ighoro e mangʼana ghayo moghuköra gho ghiri e Kirisito, mbe, bharighi chaasoni.

1 Bheetero 4:11

Aribha omooto anyi na amangʼana gha ghosiikëra, asiikërë kinya n‑kwo Ryobha gharuure. Na aribha omooto aghusakeri abhaghëndi bhaache, abhasakeri kwo bhotoro bhuno bhookoru kwo Waryobha. Gho ghayo, Eryobha ndeghoghongibhu mo‑mangʼana ghoose, gho nchëra e Yesu Kirisito omwene uno anyi no obhokumi obhokoro no obhotoro emiishe ne emiishe. Hawubhaabha.

2 Bheetero 3:11

Mbe, gho kubha ebheghiro bhyose mbeghosireekereru gho nchëra iyo, inyu mokwëndëru kumanya imanya ke mo‑se ino? Mokwëndëru kumanya eriimanya eritööbhiyu na re koresooka Eryobha.