1 Bheetero 2:1 - Eriiraghano Eriihë

¹ Mbe, motighe obhobhe bhoose, no obhuröngö bho manga ghoose, na amangʼana amabhe ne eriihari, koru kobhiiherana.

1 Bheetero 2:1 Iomraidhean Croise

Mataayo 15:7

Inyu n‑chaghughuuti moonyi! Eryobha ꞉ndeebhughiri obhuhëënë ighoro yaanyu gho kohetera omurööti Isaaya kubha,

Mataayo 23:28

Hangʼu hangʼu, na niinyu gho nche mokorighibhu na abhaato kubha moghuköra ghano gharëngʼaaniire ambërë e Ryobha, amare obhuhëënë n‑kubha moose mo‑metema gheenyu n‑chaghughuuti moonyi, na mbaghutambana emeghiro.

Mataayo 24:51

Niho omutëmi wuure akomurööna na komutëma anchagho inkoro na komurëkëra hano chaghughuuti cheenyi. Iyo niho abhaato bhayo bhakorera na ghukararaati amiino gho ghiri e bhuhëmbërëra bhuhaari.”

Mataayo 7:5

Mobhe onyi iye! Oruusi singa eghisaara kino keenyi mo‑riiso reecho, niho oghotora korighi bhoheene koruusi aghasaara kano kaanyi mo‑riiso re mughëndi waacho!

Maariko 12:15

Amare Yesu ꞉naamënyiri amiihëëbhö ghaabho amabhe, akabhagharokeri akabhugha, “Kana moghunsaki gho ghuntëgha? Mundëëtërë orobhiiri ro tinaari nerorighi.”

Ruuka 11:44

Horeera mokorighi inyu, gho kubha monga chambeehera chino chetaakorighibhu, chino abhaato bhakoheta ighoro yaache bharachitacha koru bhateeche aribha chambeehera ncheenyi hayo.”

Ruuka 12:1

Eriibhagha riyo, ebheku bhe bhaato mbaare bhiikomiine, kerende bhaakabha bharatachana. Yesu aghasëëma kobhabhoorera abhaanabheegha bhaache singa arabhugha, “Mubhe amiisho no obhotondoru bho Mabharisaayo, gho kubha obhotondoru bhuyo m‑bhonga aghughuuti.

Ruuka 6:42

Wiiki nibhu oghotora komobhoorera omughëndi waacho, ‘Oo mohiiri waane, tigha nekaruusi aghasaara kano kaanyi mo‑riiso reecho,’ eriibhagha iye mwene noonyi ne eghisaara mo‑riiso reecho? Mobhe onyi iye! Oruusi singa eghisaara kino keenyi mo‑riiso reecho, niho oghotora korighi bhoheene koruusi aghasaara mo‑riiso re mughëndi waacho.

Yohana 1:47

Hano Yesu amorooche Natanaheri araacha ghokooche, akabhugha, “Mööhi, omooto uyo n‑Omwisiraeri o hëënë, uno ataanyi ni isörö moose yaache.”

Abharuumi 1:29

Mbiichwire amasari gha manga maaru, mbaghuköra amabhe haghare haghare, wiiki m‑bhiighombi bha bheghiro, na mbaanyi ne eriihari. Mbasiighiri eriihë, obhwiti no obhokobhooshani. Mbaghosiikëra obhuröngö na mbaanyi no omukörö mobhe. M‑bhari bha bhaato,

1 Abhakorinto 14:20

Abhahiiri bhaane, motiihëëbha kinya abhaana, amare mubhe moriihëëbha kinya abhantomonkoro. Amare ighoro e mabhe, mubhe kinya ebhengʼwerere.

1 Abhakorinto 5:8

Ibheere, totaköra anyangi yiito e Bhaasaka gho kimëra ghe kare, nigho amabhe na amasari, amare toyikörë kwo mighaate ghino ghetaaghotooreru eghetondori, nigho omukörö mwero no obhuhëënë.

2 Abhakorinto 12:20

Ibheere neghotiina kubha, eriibhagha rino nekuucha bhowaanyu, nekobhabhöna moonyi na atëëmö ino etaaghunchömëri eni. Riyo ndeghughëri nikörë ghano ghataakobhachömëri inyu. Neghotiina kubha neghotora kobhabhöna moonyi ne eriireghe, no obhusööhu, no oghukarara, no obhunyawumu, no obhori bho bhaato, na kwibhora amangʼana, no obhwihachi na amahë.

Abhaebheeso 4:31

Mbe, mutaane no obhororo, na ghukarara, ne eriireghe, na amatoki na kobhiiherana. Mutaane kurë no obhobhe bhoose!

1 Abhatesaronike 2:3

Mbe, amangʼana ghano toghokumereri ghokoonyu ghataanyi gha bhobhiihi, hamu gha körö imbe, koru tötëëndiri kobhangʼiina.

1 Timotewo 3:11

Abhakari bhaabho nabho, bhabhe bhano bhaanyi na atëëmö inchömu, bhatabha abhitaamereri bha bhaato, bhabhe ne ekirëngërë, wiiki bhabhe abhahëënë mo‑mangʼana ghoose.

Tiito 2:3

Bhuure bhuure abhaghiikoro abhakungu, obhabhoorere kubha bhabhe no orughëndö runo rokoreghongi Eryobha. Bhatabha abhitaamereri bha bhaato, na bhanyo bha maro, amare mbakwëndëru kweghi amangʼana amachömu.

Abheebhuraaniya 12:1

Mbe, gho kubha ntoonyi ne erikinda ikoro re bhiibhateri bhano bhatwinariiri, tobheruusi bhyose bhino bheghotuhööchërëra, wiiki toghatighe amasari ghano ghaghotoghwishi. Wiiki toyaare ahönta ino Eryobha retooriri ambërë yiito kwo bhoghumereri.

Yakobho 1:21

Gho ghayo, mutaane no obhobhe bhoose, haghirohamu na amabhe maaru ghano ghaghashiri. Moyighöötë gho kwinyööhi angʼana ino Eryobha retooriri mo‑metema gheenyu, gho kubha niyo eghotora kobhatoori.

Yakobho 3:14

Amare aribha moonyi ne eriihari rino risangeriine obhororo no obhunyawumu mo‑chaakörö cheenyu, motiihacha kubha moonyi na amangʼiini, ino morasiikëra obhuröngö mo‑bhuhëënë.

Yakobho 4:11

Abhahiiri bhaane, motabha moratëmana amasörö, gho kubha, omooto woose uno aghutëma amasörö mughëndi waache, hamu komotenera ekiina, naakubha ataraahiri emeghiro ghe Ryobha. Aribha oraghitaraaha emeghiro, nekwërëki kubha toghesookiri emeghiro, amare nubheere omoteni o kiina o kobhiihera meghiro ghiyo.

Yakobho 4:5

Mbe! Motiituuri kubha yandëkuru bhoowa mo‑Mandëkö Amatööbhiyu kubha, “Akörö ino Eryobha retoheere neghotwighomba chwee.”

Yakobho 5:9

Abhahiiri bhaane, motirereereri inyu bheene kwo bheene motaacha ghoteneru ekiina. Mumööhi! Omoteni o kiina haghuhe anyi kuucha.

1 Bheetero 2:16

Mumanye kwo bhohuuru, amare motahökëri obhohuuru bhuyo ghuköra amabhe. Mumanye kinya abhatamishi bha Ryobha bhakwëndëru kumanya.

1 Bheetero 2:22

Iwe taaköriri amasari ghoghoose, koru ghosiikëra obhuröngö bhobhoose.

1 Bheetero 3:10

N‑kinya Amandëkö Amatööbhiyu ghakobhugha, “Wowoose uno akwënda kumanya eriimanya ichömu na re rubhango, atighe kobhiiherana na ghosiikëra obhuröngö.

1 Bheetero 4:2

Gho nchëra iyo, eriimanya reeche ryose rino risaaghiri, nakumanya kurëngʼaana na bhuno Eryobha rekwënda, taanyi gho ghutambana amiigha gha bhaato.

1 Bheetero 4:4

Ibheere, abhaato bhano bhataryeche Eryobha, mbakuhagha hano bhakorighi kubha motaaghughöötana nabho ghuköra amabhe, na kurëngʼaana na ghayo, mbakobhatoka.

Obhohunyurëru 14:5

Ibho bhataamara bhasiikëra obhuröngö koru hasuuhu, hamu kubha ne eriisari ryoryose.