1 Bheetero 1:22 - Eriiraghano Eriihë

²² Inyu mumanyiri kurëngʼaana na ameeghi gha hëënë ighoro e Yesu. Gho ghayo, emetema gheenyu ngyeghuru ni ibheere moghotora ghosiigha abhaghëndi bhaanyu kwo bhuhëënë. Mbe, mosiighane kwo mukörö mwero,

1 Bheetero 1:22 Iomraidhean Croise

Yohana 15:17

Mbe, nekabhahatëka inyu kubha, mosiighane.”

Yohana 15:3

Inyu mumariri ghuköngööru, gho kubha moghokumi ameeghi ghaane.

Yohana 17:17

Oo Taata, ˆneghaghusabha obhakörë kubha abhaato bhaacho inkongʼorimu mo‑bhuhëënë bhoocho, gho kubha angʼana yaacho niyo obhuhëënë.

Yohana 17:19

ˆNeghiitoora ghokuhökëri iye gho ghiri yaabho, kubha nabho bhatooru ghokoocho mo‑bhuhëënë.

Amaköri gha Bhatomu 15:9

Mbe, Eryobha retaaköriri obhwahukani ghate yaabho na niitu, gho kubha bhoose n‑gho nchëra iyo iyo e komokumi Yesu niyo yeeriri emetema gheebho.

Amaköri gha Bhatomu 6:7

Angʼana e Ryobha ëkëëndërëra ghusancha mo‑bhaato. Wiiki ekirëngërë ke bhaghëndi bha Yesu ghëkëëngëra chwee iyo Yerusareemu, na koru erikinda ikoro re bhachaama bhakamokumi Yesu.

Abharuumi 1:5

Gho kohetera ghokooche Eryobha ndeheere aghareeya e kubha omotomu o Mutëmi Yesu, kubha nebharaghaneri Angʼana Anchömu abhaato bhoose bha matöngö, bhabhönë komokumi na komosooka.

Abharuumi 2:8

Amare ndekobhakararera na kobharööna abhaato bhano bhakwanga obhuhëënë na ghuköra amabhe, gho kurëngʼaana no obhusööhu bhoobho.

Abharuumi 8:13

Aribha moramanya gho ghukangatu na simoka e masari, mooghoku. Amare, moraanga kimu gho changuru che Körö Ahörëëru ghuköra amangʼana ghano simoka yaanyu e masari ekwënda mukörë, mokumanya emiishe ghyose.

2 Abhakorinto 6:6

Wiiki ntokwërëki kubha itu n‑abhatamishi bha Ryobha mo‑bhughöröröku, na mo‑bhumënyi, na mo‑bhoghumereri, na mo‑bhuhöriicho, na gho nchëra e ghukangatu na Akörö Ahörëëru, na mo‑bhosiighi bho hëënë,

Abhagharatiya 3:1

Inyu Abhagharatiya abharaghaanu! N‑niwe abharoghiri? Yesu Kirisito ꞉naaghamburu haheero ambërë yaanyu kubha namamburu.

Abhagharatiya 5:5

Amare itu, kino toghwitëngʼëra kwo bhotoro bho Körö Ahörëëru n‑kubha, Eryobha ndeghotubhara kubha abhaato abhahëënë, gho kubha ntokomokumi Yesu.

Abhagharatiya 5:7

Ekimbërë, moore moraköra bhoheene! Ibheere n‑niwe abharëkiri motaghööta ameeghi gha bhuhëënë?

Abhaebheeso 4:3

Mwiköngʼi ghochonga obhumu bhuno bhokurëëtu na Akörö Ahörëëru gho kumanya haghirohamu kwo murëmbë.

Abhabhiribhi 1:9

Mbe, nekobhasabhera kwo Ryobha kubha, obhosiighi bhoonyu bhwëndërërë kwiyëngëra chwee, wiiki mubhe na amangʼiini no obhongo,

1 Abhatesaronike 3:12

Omutëmi abhëëngërë obhosiighi na köbhëëngërëërëri ghosiighana inyu bheene na kobhasiigha abhande bhoose, kinya itu tobhasiighiri inyu.

2 Abhatesaronike 1:3

Abhahiiri bhiito, nekwëndëru koriitabheri Eryobha eriibhagha ryose gho ghiri yaanyu, gho kubha obhokumi bhoonyu mbokwiyëëngëra chwee, wiiki ghosiighana koonyu ngokwiyëëngëra.

2 Abhatesaronike 2:13

Mbe, itu ntokwëndëru koriitabheri Eryobha eriibhagha ryose gho ghiri yaanyu bhahiiri bhiito, inyu bhano mosiighiru no Omutëmi Yesu. Ntokwëndëru ghuköra hangʼu, gho kubha, nabhaahwire inyu korwera simoka, kubha mubhönë obhotoori. Obhotoori bhuyo mobhobhwine gho nchëra e Körö Ahörëëru ino ekobhamusa, na gho ghokumi obhuhëënë.

1 Timotewo 1:3

Eriibhagha rino ꞉niitanwire ghuye mo‑mukööwa o Maketoniya, ꞉neeghusabhiri wiikare mo‑moghya o Ebheeso, obhashaangʼi abhaato bhano bhakweghi iyo, kubha bhatëëndërëra kweghi ameeghi gha bhuröngö.

1 Timotewo 1:5

Ekebhune ke meeghi ghiito n‑kubha, abhakumi bhasiighane kwo mukörö mwero, na kwo mënda machömu no obhokumi bho hëënë.

1 Timotewo 4:12

Omooto wowoose ataghutaraaha gho kubha iye okeere omobhureni, amare wiköngʼi kubha ekyërëkërëri ghichömu mo‑bhakumi gho ghughamba koocho, na atëëmö yaacho, no obhosiighi bhoocho, no obhokumi bhoocho no obhughöröröku bhoocho.

1 Timotewo 5:2

abhakari abhakungu obharwache kinya bhaanyako, na abhaakë obharwache kinya abhasubhaati bhaacho. Ukörë hangʼu amare ukabhaahe otabhiighomba.

2 Timotewo 1:14

Angʼana e bhuhëënë ino uhaabhuru na Yesu, oyighöötërërë gho changuru che Körö Ahörëëru ino enyi moose yiito.

Abheebhuraaniya 11:8

Obhokumi ꞉mbuuköriri Abhurahamu akaresooka Eryobha, hano remobhooriire kubha aru mo‑se yaache, aghi mo‑se ino Eryobha ꞉reemuraghiri komuha. Abhurahamu akaru mo‑se yaache, nangabha taamënyiri hano aghuye.

Abheebhuraaniya 13:1

Mwëndërërë ghosiighana kinya bhuno ekwëndëru mo‑bhakumi.

Abheebhuraaniya 5:9

Kurëngʼaana na ghayo, Eryobha rekamohikeerani na kurëngʼaanera kubha simoka e bhotoori bho miishe ghyose gho ghiri e bhaato bhoose bhano bhakomosooka.

Abheebhuraaniya 6:10

Mbe, gho kubha Eryobha n‑ihëënë, retaaghotora ghogheebhu amaköri amachömu ghano muköriri. Wiiki retaaghotora kwebhu obhosiighi bhuure mwërëkiri ghokooche gho nchëra e kobhatoori abhakumi abhaghëndi bhaanyu korwera hano musëëmiri mbagha ibheere.

Abheebhuraaniya 9:14

Amare ibheere amasaahë gha Kirisito ngaanyi na changuru chwee ghokera amasaahë gha chatyenyi chiyo! Gho nchëra e Körö ino enyi e miishe ghyose, iwe ꞉niiruusiri kwo Waryobha kubha amaruusi ghano ghahikeriine. Amasaahë ghaache nigho ghaghotomusa emetema ghiito ighoro e masari ghano ghaghughëri oroko kubha torisëngërë Eryobha rino reenyi ihöru.

Yakobho 1:21

Gho ghayo, mutaane no obhobhe bhoose, haghirohamu na amabhe maaru ghano ghaghashiri. Moyighöötë gho kwinyööhi angʼana ino Eryobha retooriri mo‑metema gheenyu, gho kubha niyo eghotora kobhatoori.

Yakobho 4:8

Mubhe morariishukerera Eryobha, niho ryose, rekobhiishukerera inyu. Inyu bhano moonyi bha masari, motighe amasari ghaanyu na ghuköra amachömu, inyu bhano moonyi na amiihëëbhö abhere, ghate e Ryobha na ase, moritambane gho chaakörö cheenyu choose.

1 Bheetero 1:2

Korwera kare, Taata Waryobha nabhamënyiri na kobhaahura gho ghiri yaache. Akörö yaache nebhaköriri mubhe abhatööbhiyu, kubha momosooke Yesu Kirisito na komusu kwo masaahë ghaache. Nëköbhëëndëra aghareeya no omurëmbë kwo bhwaru, ghibhe na niinyu.

1 Bheetero 2:17

Mobhasooke abhaato bhoose, na mobhasiighe abhakumi abhaghëndi bhaanyu. Morisëngërë Eryobha, na momosooke Kayisaari, omutëmi waanyu.

1 Bheetero 3:1

Hangʼu hangʼu inyu abhakari, mobhasooke abhasubhe bhaanyu, kubha aribha bhaanyi‑ho bhano bhataakorekumi Eryobha, bhatore korutu gho korighi atëëmö yaanyu anchömu. Gho ghayo bhatore ghokumi Eryobha nangabha bhatabhooriiru angʼana,

1 Bheetero 3:20

Chaakörö chiyo n‑che bhano bhataresookiri Eryobha hayo kare, eriibhagha Nuhu are araabhëka asafina. Eryobha ꞉ndeeghumeriiri obhobhe bhoobho mbagha asafina ekamaru kwabhëku, amare antenero abhaato bhanaane hangʼu, nibho ꞉bhaatooriibhu koru mo‑manche.

1 Bheetero 3:8

Antenero, ˆnekabhabhoorera bhoose kubha, mughöötane, na mubhe ne eriihëëbhö rimu, na mosiighane kinya abhahiiri, na morigherani changori na mubhe bhanyööhu.

1 Bheetero 4:17

Mumënyë kubha, eriibhagha re ghoteneru ekiina ˆrekahika, ne Eryobha ndeghusëëma ghotenera ekiina abhaato bhaache. Ibheere, aribha ghoteneru ekiina ngoghusëëmëra ghokwito itu bhano toonyi abhaato bhaache, kana nibhu ekubha kwo bhano bhakwanga Angʼana Anchömu e Ryobha?

1 Bheetero 4:8

Ghokera ghayo ghoose, mosiighane chwee, gho kubha obhosiighi mbohaakundekeri amasari maaru.

2 Bheetero 1:7

Na ghuköra hangʼu, kwëngërëërëru ghosiighana gho kehiiri, na ghosiighana gho kehiiri kuyo kwëngërëërëru no obhosiighi kwo bhoose.

1 Yohana 3:11

Korwera eriibhagha rino ꞉muusëëmiri ghokumi, mooghwire amangʼana kubha nekwëndëru tosiighane itu bheene kwo bheene.

1 Yohana 3:23

Omoghiro waache niwe uno, kubha tomokumi Omoona waache, Yesu Kirisito, na ghosiighana, kinya bhuno ꞉aturagheriiri.

1 Yohana 4:12

Taanyi‑ho wowoose uno arerooche Eryobha naabha. Amare torasiighana, nekwërëki kubha Eryobha ndeenyi no obhumu na niitu, obhosiighi bhooche mbohikeriine ghokwito.

1 Yohana 4:20

Aribha omooto wowoose aghosiikëra kubha nasiighiri Eryobha ino amurëghiri mughëndi waache, m‑mobhiihi. Ntweche m‑mobhiihi gho kubha, omooto uno atasiighiri mughëndi waache uno akomorighi kwo miisho, taaghotora koresiigha Eryobha rino ataakorerighi.

1 Yohana 4:7

Abhasiighani bhaane, tosiighane, gho kubha obhosiighi mbookoru kwo Waryobha. Omooto wowoose uno asiighiri mughëndi waache, n‑omoona o Ryobha, wiiki niwe aryeche Eryobha.

Obhohunyurëru 2:4

Amare neenyi na angʼana imu ino ekunyaaki ighoro yaanyu. Motighiri obhosiighi bhoonyu o bhumbërë.