1 Bheetero 1:17 - Eriiraghano Eriihë

¹⁷ Inyu mokorebherekera Eryobha, Taata. Iryo retaakwahukani omooto wowoose, amare ndeghotenera ekiina abhaato bhoose kurëngʼaana na amaköri ghano ꞉bhaaköriri. Gho ghayo, mumanye gho korisëngëra Eryobha kwo riibhagha rino risaaghiri ghokoonyu re kumanya hano mo‑se kinya abhaghëni.

1 Bheetero 1:17 Iomraidhean Croise

Mataayo 16:27

Eni uno neenyi Omoona o Mooto nekuucha haghirohamu na bhamarayika bhaane mo‑bhokumi obhokoro bho Taata waane. Niho nekomoreha omooto wowoose kurëngʼaana ne emeremo gheeche.

Mataayo 22:16

Niho bhakabhatoma o‑Yesu abhaanabheegha bhaabho haghirohamu na abhaato bhano bhaghöötiine na abhaato bha mutëmi Herote, bhaaghaye, bhakamobhoori bhakabhugha, “Oo Omweghi, ntweche kubha iye n‑omooto o hëënë na kubha nokweghi ghano ghaanyi gha Ryobha kwo bhuhëënë. Wiiki, tooghotiina koru omooto uno anyi no omweya wi ighoro.

Mataayo 6:9

Mbe, inyu musabhe Eryobha morabhugha, ‘Taata wiito uno onyi Mwishaaro, eriina reecho reghongibhu.

Abharuumi 11:20

Iyo m‑mahëënë. Ebhisaghe bhiyo ꞉mbeenunguru gho kubha bhataakumiri, na niiye noonyi mo‑bhisaghe bhe museyituuni gho kubha noghokumi. Gho ghiri iyo iköngʼi, otiihacha, amare otiine Eryobha.

2 Abhakorinto 1:2

Ntököbhëëndëra aghareeya no omurëmbë koru kwo Waryobha Taata wiito, na kwo Mutëmi wiito Yesu Kirisito, ghibhe haghirohamu na niinyu.

2 Abhakorinto 5:6

Ibheere, eriibhagha ryose ntoonyi ne eriitëngʼërö, nangabha tweche kubha, eriibhagha toonyi mo‑mebhere ghino, ntoonyi kurë no Omutëmi.

2 Abhakorinto 7:1

Ibheere, abhasiighani bhaane, Eryobha ndeturaghiri amangʼana ghayo ghoose, gho ghayo twiyeri mo‑ghoose ghano ghaghotuköra kubha abhaghonchu mo‑mebhere na mo‑metema ghiito. Tubhe abhatööbhiyu kwo mangʼana ghoose gho nchëra e koresooka Eryobha.

2 Abhakorinto 7:11

Mööhi! Amacheeche ghano ghakuucha gho ghiri e mënda gha Ryobha ngakobharëëtëra obhwëra obhokoro. Amacheeche ghayo ngabhaköriri kubha na amiigha makoro gha ghuköra ghano ghakwëndëru, na ngabhaköriri ˆmoghiitachura kubha ghano moghuköra n‑gha mahëënë. Wiiki ngabhaköriri kobhurëgha obhobhe, na koresooka Eryobha, na kubha na amiigha gha kondighi, na korighi kubha uno asariri nasongʼaaniri amareho ghaache. Mo‑ghayo ghoose mokwërëki kubha motaanyi ne eriisari mo‑ngʼana ino.

Abhagharatiya 2:6

Amare abhakangati bhaare bha riikanisa bhano bhaghosooku chwee na abhaato, bhataare na angʼana yoyoose ahë e komboorera. M‑mahëënë mbasookuru chwee, amare ghokoone eni ghayo ghataanyi ne ekebhune ghyokyose gho kubha Eryobha retaanyi no obhwingʼaheri.

Abhaebheeso 1:17

Nekwëndërëra korisabha Eryobha re Mutëmi wiito Yesu Kirisito, Taata o bhokumi obhokoro, abhahë inyu Akörö yaache kubha mubhe na amangʼiini no obhohunyurëru, motore korimënya bhoheene.

Abhaebheeso 3:14

Gho ghayo, nekohighama ambërë e Taata Waryobha,

Abhaebheeso 6:9

Na niinyu abhatëmi, hangʼu hangʼu mubhe morabhakörëra abhasësë bhaanyu amachömu. Motabhatiini, gho kubha mweche kubha, Omutëmi waabho no Omutëmi waanyu n‑umu, Mwishaaro anyi, na mweche kubha iwe taanyi no obhwingʼaheri.

Abhabhiribhi 2:12

Mbe, abhasiighani bhaane, hano neere bhowaanyu, moore moraresooka Eryobha chaasiko choose. Hangʼu hangʼu, koru ibheere hano neenyi kurë na niinyu mwiköngʼi ghuköra ghano gharëngʼaaniire mo‑bhaato bhano bhatooriibhu ne Eryobha. Mukörë ghayo gho ghosingisa kuno ghokorwera gho koretiina Eryobha.

Abhakorosaayi 3:25

Amare wowoose uno aghuköra amabhe nakorehu kurëngʼaana na amabhe ghaache, gho kubha Eryobha retaanyi no obhwingʼaheri.

Abheebhuraaniya 12:28

Gho ghayo, tubhe torariitabheri Eryobha gho kubha ndetwishereriiri tubhönë obhutëmi bhooche bhuno bhotaaghosingisa. Tubhe torarisëngëra Eryobha gho nchëra ino ekoretegheri na kwo bhunyööhu, na gho sooko,

Abheebhuraaniya 4:1

Mbe, eriiraghano re Ryobha re bhaato ghusöha ahaghiro ha koweera rekeere reenyi‑ho. Gho ghayo twichonge, kubha umu ghate yaanyu ataacha ghokindu ghusöha ahaghiro hayo.

1 Bheetero 2:11

Abhasiighani bhaane, inyu m‑bhaghëni moonyi na abhaheti mo‑se ino. Gho ghayo nekobhasasaama kubha, motiishereri amiigha ghaanyu amabhe, ghano ghaghokindana na niinyu, ghabhakinde.

1 Bheetero 3:15

Mubhe mwisëëmiri eriibhagha ryose ghugharokeri wowoose uno akobhabhoori kino moghwitëngʼëra. Mukörë hangʼu kwo bhuhörëëru na asooko,