1 Bheetero 1:15 - Eriiraghano Eriihë

¹⁵ Eryobha rino ꞉reebhabherekiire, n‑itööbhiyu. Ibheere inyu bhoose mokwëndëru mubhe abhatööbhiyu mo‑ghoose ghano moghuköra,

1 Bheetero 1:15 Iomraidhean Croise

Mataayo 5:48

Mbe, mubhe bhaghöröröku kinya bhuure Taata waanyu uno anyi Mwishaaro anyi mughöröröku.

Abharuumi 9:24

Mo‑bhaato bhayo nibho itu bhano rebherekiire. Retabherekiire Abhayahuuti abheene, amare koru abhaato bha matöngö.

2 Abhakorinto 7:1

Ibheere, abhasiighani bhaane, Eryobha ndeturaghiri amangʼana ghayo ghoose, gho ghayo twiyeri mo‑ghoose ghano ghaghotuköra kubha abhaghonchu mo‑mebhere na mo‑metema ghiito. Tubhe abhatööbhiyu kwo mangʼana ghoose gho nchëra e koresooka Eryobha.

Abhabhiribhi 1:27

Angʼana e hëënë n‑kubha, atëëmö yaanyu irëngʼaane na Angʼana Anchömu e Kirisito. Hano nekuucha kobharighi hamu nenganga kuucha, nibhe nerooghu kubha mokwëndërëra kwimeerera muköngʼiiri na kubha no obhumu, wiiki haghirohamu moonyi gho kunyaakera obhuhëënë bho Angʼana Anchömu bhuno toghokumi.

Abhabhiribhi 3:14

Mbe, neghwiköngʼi mo‑rughëndö kubha nehike mo‑ntenero na kuhaabhu atuho yaane. Atuho iyo niyo amberekerera e Ryobha gho nchëra e Kirisito Yesu.

Abhabhiribhi 3:20

Amare, itu n‑abhiikari bha Mwishaaro toonyi na ntoghwitëngʼëra kwo miigha chwee Omotoori, Omutëmi wiito Yesu Kirisito, ache koru iyo.

1 Abhatesaronike 2:12

kubha mubhe moratambana ghano Eryobha resiighiri. Eryobha niryo rekobhabherekera kubha, mubhe haase e bhukangati no obhokumi bhooche obhokoro.

1 Timotewo 4:12

Omooto wowoose ataghutaraaha gho kubha iye okeere omobhureni, amare wiköngʼi kubha ekyërëkërëri ghichömu mo‑bhakumi gho ghughamba koocho, na atëëmö yaacho, no obhosiighi bhoocho, no obhokumi bhoocho no obhughöröröku bhoocho.

2 Timotewo 1:9

Iryo ꞉ndeetotooriri, reghatobherekera tubhe abhaana bhaache abhatööbhiyu. Retaaköriri hangʼu gho ghiri e maköri ghiito, amare ꞉ndiiköriri gho ghiri e miigha ghaache na aghareeya yaache. ꞉Ndeetoheere aghareeya iyo gho nchëra e Kirisito Yesu, koru ase ino ekeere ghutëëmu.

Tiito 3:14

Abhakumi bhaghëndi bhiito nabho, bheeghe ghuköra amachömu, kubha bhabhatoori bhano bhaanyi na amënda gha hëënë. Bharaköra hangʼu, eriimanya reebho ndeekubha no obhwëra.

Tiito 3:8

Angʼana iyo n‑e hëënë. Nekwënda iye oyihënërërë, kubha bhoose bhano bhakorekumi Eryobha, bhaghaghöötë na ghwiköngʼi ghuköra amachömu. Amangʼana ghayo m‑machömu, wiiki ngaanyi no obhwëra mo‑bhaato bhoose.

Abheebhuraaniya 12:14

Mbe, mwiköngʼi kumanya kwo murëmbë na abhaato bhoose. Wiiki mwiköngʼi kubha abhatööbhiyu mo‑riimanya reenyu gho kubha taanyi‑ho omooto uno aghotora komorighi Omutëmi ino ataanyi omutööbhiyu.

Abheebhuraaniya 13:5

Motabha na atëëmö e ghosiigha chambiiri, amare muhaabhe na bhino moonyi nabhyo, gho kubha Eryobha eryene ꞉ndeebhughiri kubha, “Nteeghoghotigha koru nteeghoghosuuhera naabha.”

Yakobho 3:13

N‑niwe ghate yaanyu, uno anyi na amangʼiini no obhumënyi? Mbe, nëërëki obhumënyi bhooche na amangʼiini ghaache gho ghuköra amaköri amachömu, kwo bhunyööhu bhuno bhookoru mo‑mangʼiini.

1 Bheetero 2:12

Mobhakörërë amachömu abhaato bhano bhataryeche Eryobha, kubha eriibhagha bhaakubha bharabhabhiihera amangʼana amabhe, bharighi amaköri ghaanyu amachömu. Niho bhaghotora koreghongi Eryobha gho ghiri yaanyu, mo‑rosiko ro kuucha kooche.

1 Bheetero 2:9

Amare inyu n‑orwibhoro orwahöru, na abhachaama bha ghitëmi, na abhaato abhatööbhiyu, na abhaato bha Ryobha eryene, kubha muraghani amaköri amakoro gha Ryobha. Iryo ndebhabherekiire koru mo‑kengʼuuri, moghi mo‑bhwero bhooche obhokoro bho koroghoori.

1 Bheetero 3:16

na mubhe na amënda meero, kubha aribha bharabhibhoneereri ighoro e mangʼana ghayo moghuköra gho ghiri e Kirisito, mbe, bharighi chaasoni.

1 Bheetero 5:10

Eryobha rino reenyi na aghareeya yoose, ndebhabherekiire ghusanga obhokumi bhooche obhokoro bho miishe ghyose, gho ghughöötana na Kirisito. Amare moramara kunyaaka kwo riibhagha ighuhe, iryo eryene ndekobhaköngʼi, ndekobhaha changuru, na kobhaköngʼëërëri.

1 Yohana 3:3

Omooto wowoose uno aghwitëngʼëra kubha naghotuubhaana na Kirisito, iyeri abhe mutööbhiyu, kinya bhuno Kirisito omwene anyi mutööbhiyu.

Obhohunyurëru 3:7

Omooto uyo kinya Omoona o Mooto akëëndërëra kobhugha, “Omwandëkërë marayika o riikanisa re Bhirateribhiya, no omobhoorere obhughe, ‘Eni neeni Omutööbhiyu uno neenyi o muhëënë. Wiiki eni neenyi no orohunguro ro bhukangati ro mutëmi Tawuti. Neriighara orwighe, taanyi‑ho owonde uno aghotora ghwighora. Neriighora, taanyi‑ho owonde uno aghotora ghwighara.

Obhohunyurëru 4:8

Kira ghetyenyi mo‑bhiyo bhine, nkeere na amabhabha asaasabhe. Amabhabha ghayo ngaare na amiisho moose na anche. Mbeere bhereemba obhotiko no omwishe, bhetaaghokira. Omwembo oweene niwe uno, “Omutööbhiyu, Omutööbhiyu, Omutööbhiyu, n‑Omutëmi Waryobha o Bhotoro Bhoose, uno anyi‑ho, na korwera simoka naare‑ho, na naakubha‑ho.”

Obhohunyurëru 6:10

Niho chaakörö chiyo, cheghaköra eriireghe cherabhugha, “Oo Omutëmi, Omutööbhiyu no Omuhëënë, ngwake ˆoghakëëchëra! Nyingake oghotenera ekiina abhaato bha se na korehani asiire e ghotwita?”