1 Bheetero 1:12 - Eriiraghano Eriihë

¹² Eryobha ndebhahunyuriire abharööti bhayo kubha, amangʼana ghano ꞉bhaare bhararööta, ghataare ghaghaabho abheene, amare n‑gho ghiri yaanyu. Amangʼana ghano ꞉bhaabhughiri, nigho muraghaniiru na abhaato bhano bhabharëëtiire Angʼana Anchömu ighoro e Yesu Kirisito kwo bhotoro bho Akörö Ahörëëru ino etomuru koru Mwishaaro. Amangʼana ghayo, koru bhamarayika mbaghwighomba chwee ghoghamënya.

1 Bheetero 1:12 Iomraidhean Croise

Mataayo 11:25

Eriibhagha riyo Yesu aghasabha, “Oo Taata, ˆoghachömi, iye Omutëmi o Mwishaaro na ase yoose, gho kubha, amangʼana ghano, nobhabhisiri bhano bhaanyi na amangʼiini na abhasömi, amare okabhahunyurera abhaato bhano bhakwinyööhi ghokoocho kinya abhaana abhasuuhu.

Mataayo 11:27

Yesu akëëndërëra kweghi abhaato bhayo arabhugha, “Taata waane, namariri ghotoora ghoose mo‑mabhökö ghaane. Wiiki taanyi‑ho uno amweche Omoona, n‑Ishe omwene. Koru taanyi‑ho uno amweche Ishe, n‑Omoona omwene, na wowoose uno Omoona akwënda komohunyurera.

Mataayo 16:17

Yesu akamobhoorera akabhugha, “Oo Simiyooni mwërëëti o Yoona, witabhiiru gho kubha taanyi‑ho omooto uno akohunyuriire rino, amare n‑Taata waane uno anyi Mwishaaro.

Maariko 16:15

Niho akabhabhoorera akabhugha, “Mughëndë mo‑se yoose, muraghani Angʼana Anchömu kwo bhaato bhoose.

Ruuka 15:10

“ˆNekabhabhoorera, hangʼu hangʼu, Eryobha ndeghuchömëru chwee ambërë e bhamarayika bhaache, hano omooto umu o masari akubha atuukuuniire amasari ghaache.”

Ruuka 2:26

Neere imariri komobhoorera kubha, taaghoku, ataamara arighi Kirisito o Mutëmi o Ryobha.

Ruuka 9:6

Niho abhatomu bhayo, bhaaghaye bharahetera mo‑bhyaro. Mbaare bharabharaghaneri abhaato Angʼana Anchömu, na kuhöri abhabhabharu haghirohamu na kuhëëbha emisambu ahaghiro hoose hano bhaghiire.

Yohana 15:26

“Hano akuucha ghokoonyu Omotoorereri, uno nekomotoma ghokoonyu koru o‑Taata, niyo Akörö Ahörëëru e hëënë ino ekoru o‑Taata, neghungambëra obhuhëënë ighoro yaane.

Amaköri gha Bhatomu 10:44

Hano Bheetero are akeere arasiikëra ghayo, hayo hayo Akörö Ahörëëru ekabhiikera bhoose bhano ꞉bhaare bharamutëghëërëra.

Amaköri gha Bhatomu 16:10

Hano Bhawuro amariri korighi amarighi ghayo, niho toghasëëma ghuye Maketoniya, gho kubha ntorooche kubha Eryobha ndetobherekiire kubha tumënyi abhaato bha iyo Angʼana Anchömu.

Amaköri gha Bhatomu 2:33

Eryobha riyo rekamoghongi na komuha omweya, niikeere eribhaara reeche re kwiro. Akamara Taata Waryobha akamuha Yesu Akörö Ahörëëru kinya bhuure are amuraghiri, Yesu woose aghatwikeri Akörö iyo. Ibheere ghano gharweriire, nigho ghano moghogharighi na ghoghooghu.

Amaköri gha Bhatomu 4:31

Hano bhamariri ghusabha Eryobha, anyumba ino ꞉bhaare bhatëmëëraniire‑mu eghasingisu. Bhoose bhayo bhaghiichoribhu Akörö Ahörëëru, bhaghasëëma kweghi abhaato angʼana e Ryobha kwo bhosubhesubhe.

Amaköri gha Bhatomu 4:8

Eriibhagha riyo Bheetero akabha ichoriibhu Akörö Ahörëëru, akabhagharokeri akabhugha, “Abhasooku abhakangati na abhagharuka bha Isiraeri!

Amaköri gha Bhatomu 8:25

Hano Bheetero na Yohana ꞉bhaamariri kobhoorera abhaato ghano bharooche ighoro e Mutëmi Yesu, na kweghi angʼana e Ryobha mo‑bhaato bha moghya uyo, bhaghasëëma orughëndö roobho ro ghugharuka Yerusareemu. Hano bhaare mo‑rughëndö, bhaakabha bharasanchi Angʼana Anchömu mo‑bhyaro bhyaru bhe Samaariya.

Abharuumi 1:15

Gho ghayo, neghwighomba chwee niiche kuraghani Angʼana Anchömu koru na ghokoonyu bhano moonyi iyo Ruumi.

Abharuumi 1:17

Angʼana Anchömu iyo nekwërëki haheero kinya bhuno Eryobha rekubharera abhaato kubha abhahëënë ambërë yaache. Abhaato mbakubhareru kubha abhahëënë ambërë e Ryobha gho nchëra e ghokumi okwene. N‑kinya bhuno Amandëkö Amatööbhiyu ghakobhugha kubha, “Uno anyi omuhëënë, nakumanya kwo bhokumi.”

Abharuumi 10:15

Wiiki nibhu abhaato bhaghotora ghuye kuraghani angʼana iyo aribha bhatatomuru? N‑kinya bhuno Amandëkö Amatööbhiyu ghakobhugha kubha, “Kuucha kwo mooto uno akurëëta Angʼana Anchömu, ngoghotegheri abhaato bhano bhakomutëghëërëra!”

Abharuumi 15:19

꞉Mbaaruturu koresooka, gho kubha kohetera ghokoone mbarooche changuru che Kirisito mo‑bhyërëkërëri ne ebhiraghe. ꞉Neetoriri ghoghaköra gho changuru che Körö e Ryobha. Gho ghayo, ꞉niinaariri ahaghiro hoose kuraghani Angʼana Anchömu ighoro e Kirisito, korwera mo‑moghya o Yerusareemu mbagha mo‑mukööwa o Iririiko.

1 Abhakorinto 2:10

Amare itu, Eryobha ndetwërëkiri ghayo gho kohetera Akörö Ahörëëru, gho kubha Akörö Ahörëëru nehiisuncha ghoose, koru obhorwachi bho Ryobha bhuno bhobhisuru.

2 Abhakorinto 1:22

na ghototoorera ekingʼöchö ghe kwërëki kubha itu n‑abhaato bhaache toonyi, gho ghotuha Akörö Ahörëëru mo‑metema ghiito, kubha ibhe ekimanyenkereri ghe kwërëki kubha, ghoose ghano returaghiire ndeghotuha.

2 Abhakorinto 6:6

Wiiki ntokwërëki kubha itu n‑abhatamishi bha Ryobha mo‑bhughöröröku, na mo‑bhumënyi, na mo‑bhoghumereri, na mo‑bhuhöriicho, na gho nchëra e ghukangatu na Akörö Ahörëëru, na mo‑bhosiighi bho hëënë,

Abhagharatiya 1:12

Angʼana ino ntihaabhuru no omooto wowoose, koru ntyeghuru no omooto wowoose. Amare Yesu Kirisito omwene niwe ahunyuriire.

Abhagharatiya 1:16

kohunyurera kinya Omoona waache anyi. ꞉Ndiiköriri hangʼu kubha niraghani Angʼana Anchömu ighoro e Moona waache mo‑bhaato bha matöngö. Eni ntitabhiire omooto wowoose o kundaghereri kino neghuköra.

Abhaebheeso 3:10

Nebhatoorere haheero kubha, gho nchëra e riikanisa, abhakangati na bhano bhaanyi no obhotoro mo‑se ino etaakorighibhu, bhamënyë amangʼiini gha Ryobha ghano ghaanyi gha manga maaru.

1 Abhatesaronike 2:9

Bhahiiri bhiito, mokohiita ghwiköngʼi kwito na kunyaaka kwito, gho kubha ntoore toraköra emeremo obhotiko no omwishe. Ntoore toraköra hangʼu, kubha eriibhagha tokuraghani Angʼana Anchömu e Ryobha totaacha komunyaaki omooto wowoose ghate yaanyu.

1 Timotewo 3:16

Amangʼana gha bhuhëënë ghano Eryobha rehunywire n‑gha koroghoori, nagho nigho ghano: Kirisito niyëërëkiini mo‑mobhere, na Akörö Ahörëëru ekamuhëënëhi kubha, mughöröröku, akarighibhu na bhamarayika, akaraghanibhu mo‑matöngö ghoose, aghakumibhu na abhaato bha mo‑se, aghaghëghu ghuye ighoro mo‑bhokumi bhooche obhokoro.

Abheebhuraaniya 11:13

Abhaato bhayo bhoose ꞉mbaakuure bhaanyi no obhokumi. ꞉Mbaakuure bhakeere ghoghasongʼaana ghano Eryobha reere rebharaghiire, amare mbaare bhagharooche gho kurë na ghosiighasiigha. Wiiki ꞉mbiisheriiri kubha mbaare abhaghëni na abhaheti mo‑se ino.

Abheebhuraaniya 2:4

Eryobha ryose ndeere rerahëënëhi obhotoori bhuyo gho kobhaha abhaato bhayo obhotoro bho ghuköra ebhyërëkërëri ne ebhiraghe ne ebheroghooro bhe manga maaru. Wiiki ꞉ndeebhahööhiri abhakumi ebhihaano bhe Körö Ahörëëru kurëngʼaana na amënda ghaache.

Abheebhuraaniya 4:2

Na niitu nturaghaniiru Angʼana Anchömu kinya bhuno bhasookoro bhiito bhoose ꞉bhooghwire. Amare ibho eriibhagha ꞉bhooghwire amangʼana ghayo, ghatabhatooriri ghyokyose gho kubha bhataaghakumiri.

1 Bheetero 1:25

amare angʼana e Mutëmi Waryobha neekubha‑ho emiishe ghyose.” Angʼana iyo niyo Angʼana Anchömu ino ꞉muuraghaniiru.

1 Bheetero 4:6

Nikyo gheghughëri abhaato bhano kwi ibheere bhakuure, ꞉mbaabhooriiru Angʼana Anchömu hano bhaare abhahöru, kubha koru nangabha bhateniiru ekiina mo‑riimanya reebho kinya abhande, bhamanye kwo bhotoro bho Körö Ahörëëru, kinya Eryobha reenyi ihöru.

Obhohunyurëru 5:11

Mbe, nekooghu na korighi wiiki, bhamarayika bhaaru chwee, ebheku ne ebheku, koru omooto taaghotora kobhabhara. Bhamarayika bhayo mbaare bhiinaariiri eghetumbe kiire ghe ghitëmi, ne ebhetyenyi bhiire na abhagharuka bhaare.