1 Bheetero 1:1 - Eriiraghano Eriihë

¹ Anyaarubha ino neyandëkiri eni Bheetero, omotomu o Yesu Kirisito. ˆNekabhaandëkëra inyu bhano mwahwiru ne Eryobha, bhano mumanyiri kinya abhaghëni na ghusancha mo‑mikööwa ghe Bhonto, na Gharatiya, na Kabhatokiya, na Asiya na Bhitiniya.

1 Bheetero 1:1 Iomraidhean Croise

Mataayo 10:2

Amariina gha bhatomu bhayo ikomi na bhabhere nigho ghano: O mumbërë n‑Simiyooni uno akobherekeru Bheetero, na Andereya omonyi waache, na Yakobho mwërëëti o Sebhetaayo, na Yohana omonyi waache,

Mataayo 24:22

Aribha Eryobha retangatoriri ghoghuheehi eriibhagha riyo re nyaako, mbe, taanyi‑ho omooto uno angahöniri. Amare gho ghiri e bhaahöru bhaache, Eryobha ndeghochiköra chibhe inguhe chaasiko chiyo.

Mataayo 4:18

Hano Yesu are araghënda rubhareka ro nyancha e Ghariraaya, ꞉naarooche abhaweesani bhabhere, Simiyooni uno ꞉abherekiiru Bheetero na Andereya ömööbhö. Bhayo bhabhere mbaare bhararëkëra charwërö mo‑nyancha, gho kubha m‑bhaweesani ꞉bhaare.

Ruuka 18:7

Eryobha kana, retaakobhakörëra bhoheene abhaato bhaache bhano bhakorisasaama rebhatoori, obhotiko no omwishe? Hëënë ndeghukëëchëra kobhatoori?

Yohana 11:52

Wiiki Yesu taaghoku gho ghiri e ritöngö riyo eryene chiri, amare kubha abhakome abhaana bha Ryobha bhano bhasanchiri, kubha bhabhe haghirohamu.

Yohana 7:35

Niho abhaato bha rikinda riire bhakabhoorani bhakabhugha, “Kana, omooto uno naaghuye hayi hano itu totaaghotora komubhöna? Kana, nakwënda ghuye mo‑Bhayahuuti bhano bhasanchiri mo‑Bhayunaani na kobheeghi iyo?

Amaköri gha Bhatomu 18:2

Iyo aghatëmëërana no Omuyahuuti umu, eriina reeche Akiira, omwibhoru o mo‑mukööwa o Bhonto. Akiira uyo haghirohamu na mukaache Bhirisira, mo‑chaasiko chiyo chiyo mbaare bharuure mo‑moghya o Ruumi mo‑se e Itaariya, gho kubha Kayisaari Kirawutiyo naare abhughiri kubha Abhayahuuti bhoose bhahëëbhu koru mo‑moghya uyo. Niho Bhawuro aghaye kobhakëëri Akiira na mukaache.

Amaköri gha Bhatomu 18:23

Hano amariri chaasiko insuuhu, akaru hayo akaheta mo‑mikööwa ghe Gharatiya, na Bhirighiya, akabha arabhatoora omukörö abhaghëndi bhoose.

Amaköri gha Bhatomu 19:10

Bhawuro akamara hayo emeeka ebhere, akabha arabhamënyi abhaato ighoro e Yesu, mbagha Abhayahuuti haghirohamu na abhaato bha matöngö bhano ꞉bhaare bhariikara mo‑mukööwa o Asiya bhoose bhakooghu Angʼana e Mutëmi.

Amaköri gha Bhatomu 6:9

Amare Abhayahuuti abhamu bhaakabha bharasaki kuhakaana nawe. Abhaato bhayo ꞉mbaaruure mo‑risinaghooghi rino rebherekiiru Anyumba e Bhaato Huuru. Abhamu ghate yaabho ꞉mbaaruure mo‑moghya o Kireene na Arekisantiriya, na abhande ꞉mbaaruure mo‑chaase che Kirikiya, na Asiya. Abhayahuuti bhayo bhaghasëëma kuhakaana na Siteebhano,

Amaköri gha Bhatomu 8:4

Abhaghëndi bha Yesu bhano ꞉bhaasanchiri, bhaakabha bhareeghi abhaato Angʼana Anchömu e Yesu haghiro hoose hano bhaghiire.

1 Abhakorinto 16:19

Abhaato bha makanisa gha mo‑mukööwa o Asiya, mbakobhakëëri. Akiira no omukari waache Bhirisira, haghirohamu na abhakumi bhano bhahaatëmëërana mo‑nyumba yaabho, mbakobhakëëri chwee gho ghughöötana no Omutëmi Yesu.

2 Abhakorinto 1:8

Abhahiiri bhiito, ntokwënda mumënyë kinya bhuno ꞉tuunyaakiri mo‑mukööwa o Asiya. ꞉Ntoobhwine nyaako inkoro chwee ino etokindiri, koru tokiihëëbha kubha ntongakuure.

Abhagharatiya 1:2

Eni na abhakumi bhaghëndi bhiito bhoose bhano bhaanyi haghirohamu na neeni hano, ntokobhakëëri inyu bhano moonyi mo‑makanisa gha Ryobha mo‑mukööwa o Gharatiya.

Abhaebheeso 2:12

Mohiite kubha, eriibhagha riire motamumënyiri Kirisito, moore mwahukiine na abhaato bha Ryobha Abhiisiraeri, moore abhaghëni ghate yaabho. Inyu motaare no omubharo wowoose mo‑riiraghano riire abharaghiire. ꞉Muumanyiri mo‑se motaanyi ne eriitëngʼërö koru motaare ne Eryobha.

Abhaebheeso 2:19

Mbe, korwera ibheere inyu motaanyi abhaghëni wiiki, hamu abhaheti. Amare inyu mubheere abhiikari haghirohamu na abhatööbhiyu na wiiki inyu n‑abhaato bha Ryobha moonyi.

2 Timotewo 1:15

Iye weeche kubha, abhaato bhoose bha mo‑mukööwa o Asiya mbantighiri. Ghate yaabho mbaanyi‑mu Bhighero na Herimoghene.

Abheebhuraaniya 11:13

Abhaato bhayo bhoose ꞉mbaakuure bhaanyi no obhokumi. ꞉Mbaakuure bhakeere ghoghasongʼaana ghano Eryobha reere rebharaghiire, amare mbaare bhagharooche gho kurë na ghosiighasiigha. Wiiki ꞉mbiisheriiri kubha mbaare abhaghëni na abhaheti mo‑se ino.

Yakobho 1:1

Anyaarubha ino neruure ghokoone eni Yakobho, omutamishi o Ryobha no o Mutëmi Yesu Kirisito. Nekobhakëëri inyu amatöngö ikomi na abhere, ghano ghasanchiri mo‑chaase.

1 Bheetero 2:11

Abhasiighani bhaane, inyu m‑bhaghëni moonyi na abhaheti mo‑se ino. Gho ghayo nekobhasasaama kubha, motiishereri amiigha ghaanyu amabhe, ghano ghaghokindana na niinyu, ghabhakinde.

2 Bheetero 1:1

Anyaarubha ino neyandëkiri eni Simiyooni Bheetero, omutamishi no omotomu o Yesu Kirisito. ˆNekabhaandëkëra inyu bhano mobhwine obhokumi bhuno bho riighori ikoro, kinya bhuno itu bhoose ꞉toobhwine gho kohetera obhuhëënë bho Ryobha no Omotoori wiito Yesu Kirisito.

Obhohunyurëru 1:11

Eriiraka riyo rekabhugha, “Andëka mo‑ghitabhu amangʼana ghoose ghano okorighi. Oramara otome eghitabhu kiyo mo‑makanisa ghano ghaanyi mo‑meghya mohungate. Emeghya ghiyo nighyo ghino, Ebheeso, na Simurina, na Bherighamo, na Tiyatira, na Sariti, na Bhirateribhiya, na Rawotikiya.”