1 Abhakorinto 8:3 - Eriiraghano Eriihë

³ Amare omooto uno aresiighiri Eryobha, uyo niwe akumënyu ne Eryobha eryene.

1 Abhakorinto 8:3 Iomraidhean Croise

2 Timotewo 2:19

Amare abhaato bhano bhiimeeriire bhaköngʼiiri, n‑kinya obhoroso obhuchömu bhuno bhotooruru ne Eryobha. Ni ighoro e obhoroso bhuyo ꞉ngaandëkuru amangʼana ghano kubha, “Omutëmi Waryobha neeche abhaato bhaache,” wiiki, “Omooto wowoose uno ahaamusabha Omutëmi Waryobha kubha amotoori, atighe ghuköra amabhe.”

1 Abhakorinto 2:9

Amare n‑kinya bhuno yandëkuru mo‑Mandëkö Amatööbhiyu kubha, “Ghano Eryobha ꞉reebhasëëmiire bhano bharesiighiri, taanyi‑ho omooto uno are ashamiri ghogharighi koru ghoghooghu, taanyi‑ho omooto uno are ashamiri ghoghatoora mo‑motema waache.”

Abhagharatiya 4:9

Amare ibheere, moryeche Eryobha, na ryose ndebheeche chwee. Ibheere ngwake mokwënda ghugharuka ghusëngëra chaakörö chino cheghukangata ase ino? Chaakörö chiyo chetaanyi no obhotoro hamu ekebhune ghyokyose. Ghasi mokwënda kubha abhasësë bha chaakörö chiyo wiiki?

Obhohunyurëru 2:19

Nyeeche amaköri ghaanyu, no obhosiighi bhoonyu, no obhokumi bhoonyu, ne emeremo gheenyu, no obhoghumereri bhoonyu. Wiiki nekobharighi inyu kubha, ibheere moghuköra bhoheene, ghokera hayo ekeenyuma.

Yakobho 1:12

Ngʼoni omooto uno aghoghumereri ghusakibhu, gho kubha hano aghokinda ghusakibhu, Eryobha ndekomuha atuho yaache e bhuhöru bho miishe ghyose, kinya ꞉riiraghiri kobhaha bhoose bhano bharesiighiri.

Yohana 10:14

“Eni n‑omoriishi omuhöriicho. Necheeche bhoheene changʼöndu cheene, nacho nchenyeche,

Mataayo 7:23

Niho nekobhabhoorera haheero kubha, ‘Ntebheeche inyu koru orosiko rumu! Moru hano, inyu abhaköri bha mabhe!’

1 Yohana 4:19

Ibheere itu ntosiighiri bhaghëndi bhiito ne Eryobha ntoresiighiri, gho kubha Eryobha niryo ꞉riishamiri ghotosiigha.

Obhohunyurëru 2:9

Nyeeche anyaako yaanyu no obhuhabhe bhoonyu. Amare mahëënë inyu m‑bhaame moonyi! Wiiki nyeeche amatoki ghano bhaghughamba ighoro yaanyu na bhano bhakwibherekera kubha n‑Abhayahuuti, abhaato bha Ryobha, amare tiyaanyi. Bhayo n‑abhaghëndi bha Rishambu.

1 Bheetero 1:8

Inyu momosiighiri, nangabha motaamara komorighi. Wiiki nangabha motaakomorighi ibheere, amare mokomokumi. Gho ghayo, muchömiiru chwee mo‑bhokumi, oghuchömëru kuyo nkoonyi no obhokumi obhokoro bhuno bhotaaghotora koru ghughambu,

Obhohunyurëru 2:13

Eni nyeeche hano moghwikara, n‑ahaghiro hano Erishambu reghukangata. Koru hangʼu, mokwëndërëra ghonkumi. Koru eriibhagha riire omwibhateri waane omuhëënë Antibha ituru mo‑moghya waanyu uno Erishambu reghwikara, motanyangiri kubha m‑bhaghëndi bhaane moonyi.

Yohana 21:17

Akamobhoori mara e ghatato akabhugha, “Simiyooni, omoona o Yohana, kana nonsiighiri?” Mbe, Bheetero akabha na amacheeche gho kubha ꞉naamobhooriri mara e ghatato kubha, “Kana, nonsiighiri?” Akamugharokeri akabhugha, “Oo Omutëmi, nogheeche ghoose. Weeche kubha neghosiighiri.” Yesu akamobhoorera akabhugha, “Oriishi changʼöndu cheene.

Yakobho 2:5

Abhahiiri bhaane abhasiighani, muntëghëërërë bhoheene! Eryobha ndebhahwire abhaato abhahabhe mo‑se ino kubha bhatore kubha abhaame mo‑bhokumi na ghosongʼaana obhutëmi bhuno rebharaghiire bhaare bharesiighiri.

Abharuumi 11:2

Eryobha retabhaangiri abhaato bhaache bhano ꞉ryaahwire korwera hano ase ere ekeere ghutëëmu. Ghasi moteeche kino Amandëkö Amatööbhiyu ghakobhugha ighoro e murööti Eriya? Eriibhagha rino ꞉asëmiri Abhiisiraeri ambërë e Ryobha, ꞉naabhughiri kubha,

1 Abhakorinto 13:12

Kinya bhuno tookorighi ibheere, ntokorighi ebheghiro kinya bhekundekiiru ne eghetu, amare toramara ntokobherighi bhyose haheero. Ibheere nyeeche hasuuhu hangʼu, amare nekumara nimënyë ghoose bhoheene, kinya bhuno Eryobha reenyeche eni.

1 Yohana 4:7

Abhasiighani bhaane, tosiighane, gho kubha obhosiighi mbookoru kwo Waryobha. Omooto wowoose uno asiighiri mughëndi waache, n‑omoona o Ryobha, wiiki niwe aryeche Eryobha.