Philippians 4:3 - The New Testament in Islander Creole

³ Ahn Ah deh aks unu —weh dah mi work paadna— fi help out dehn two uman deh. Dehn yuuztu work haad lang saida mi fi spred di Gud Nyuuz bout Jesus Christ, lang wid Clement ahn di res a mi work paadna dem. God don rait dong fi dem niem iina di buk weh ihn put dong di niem ah aala demde pipl weh gwain liv wid him fareva.

Philippians 4:3 Iomraidhean Croise

Revelation 13:8

So, aala di pipl dem pahn ort gwain waaship dah biis, eksep fi demde pipl weh wehn gat dehn niem rait dong iina di buk weh dah fi di Lam weh di pipl fahn Israel don kil. Dah wehn bifuor God mek di worl, ihn wehn rait dong iina di buk fi di Lam di niem ah aala demde pipl weh gwain liv fareva.

Revelation 3:5

Ahn jos laik dem, aal di pipl dem weh stan strang afta Satan don trai dem, gwain wier wait kluoz tu. Ah no gwain tek dehn niem fahn outa di Buk a Laif. Ahn wen Ah stan fronta mi Faada ahn ihn ienjel dem, Ah gwain seh dem dah fi mi fi chruut.

Luke 10:20

So, no get glad seh bad spirit pie unu main; beta unu glad seh unu niem don rait dong iina hevn!”

Philippians 1:27

Bot no mata weh hapm, unu fi ak iina wan kain a wie weh gwain shuo seh unu deh chros iina di Gud Nyuuz bout Christ. Den, weda Ah go, go si unu or jos hier bout unu, Ah gwain nuo seh unu deh get lang tugeda uova gud iina wan spirit, ahn unu deh fait tugeda fi di fiet, weh kom fahn weh unu chros di Gud Nyuuz. Ahn dat wuda bii gud!

Revelation 21:27

Bot notn weh bad gwain go iina di sity. Ahn nonbady weh deh du dehn doty tingz weh mek pipl shiem, gwain go iin deh. Siem wie, demde pipl weh no tel di chruut, dehn gwain kyaahn go iin niida. So, di pipl dem weh gwain go iina di sity dah ongl demde pipl weh dehn niem wehn rait dong iina di Lam Buk a Laif!

Revelation 17:8

Di biis weh yo jos si wehn laiv, bot now ihn no gat no muo laif. Ihn gwain kom op fahn outa di diip-diip huol. Den, ihn gwain go tu di plies weh demya pipl kil im. Ahn di pipl dem, weh no gat dehn niem rait dong iina di Buk a Laif fahn bifuor God wehn mek di worl, gwain kyaahn biliiv'ih wen dehn si dah biis. Bikaaz ihn yuuztu bii laiv, ahn now ihn no gat no muo laif, bot stil yet ihn gwain kom bak agen!

Philippians 4:2

Den, Ah deh beg unu, Euodia ahn Syntyche, fi stap deh kwaaril ahn trai fi grii wid wan anada, bikaaz unu dah wan wid di Laad.

Romans 16:12

Ah deh tel Tryphena ahn Tryphosa, weh dah two uman weh deh work fi di Laad, heluo. Ahn Ah deh tel mi gud fren Persis heluo. Shii work uova haad fi di Laad.

Romans 16:9

Ah deh tel Urbanus heluo. Him wende work fi Christ lang wid mi. Ahn Ah deh tel mi gud fren Stachys heluo tu.

Romans 12:1

So den, bredrin, sieka weh God gat so moch morsy pahn wi, Ah deh beg unu fi gi aala unu laif tu him laik wan laiv sakrifais, wan sakrifais weh huoly, ahn wan sakrifais weh gwain pliiz him. Dat dah di chruu wie how wi shuda waaship di Laad.

Revelation 20:12

Ahn den, Ah si di pipl dem weh wehn ded —demde pipl weh big, ahn demde pipl weh smaal —aala dem deh stan op fronta di chruon. Ahn den som buk get uopm op, weh inkluud di Buk a Laif. Ahn aala weh demde ded pipl wehn du bifuor dehn ded, wehn rait dong iina dah buk. Ahn God staat joj aala dem akaadn tu weh wehn rait dong iina dah buk.

Colossians 1:7

Unu don laan dis fahn wi gud fren, Epaphras, weh dah wan sorvant a God tu. Ahn fi unu, ihn dah wan gud sorvant fi Jesus Christ.

Revelation 20:15

Ahn enybady weh dehn niem neva rait dong iina di Buk a Laif wehn get chruo iina di liek a faiya!

Philippians 1:5

bikaaz unu deh help mi spred di Gud Nyuuz bout Jesus Christ fahn di fos die unu wehn hier'ih, op tu dis die!

Philippians 1:7

Philippian pipl, unu gat wan speshal plies iina mi haat, so ih ongl rait seh Ah shuda tink bout unu laik dis. Ahn dat dah bikaaz aala unu wehn shier God blesin wid mi —weda Ah deh iina jiel or weda Ah deh out— fi difen ahn tel di pipl dem di Gud Nyuuz bout Jesus Christ fi mek dem biliiv'ih muo ahn muo.

Philippians 1:12

Now, bredrin, Ah waahn unu fi nuo seh, sieka aal weh wehn hapm tu mi, plenty muo pipl get fi hier di Gud Nyuuz ahn biliiv iina ih.

Philippians 1:16

Ahn demya pipl, weh deh priich wid wan gud haat, dehn du'ih outa lov. Dehn nuo seh Ai deh iina jiel, bikaaz Ah deh fait fi di Gud Nyuuz. Di fos set a pipl dem; dehn ongl priich bout Christ fi mek dehn uonself luk gud, insida deh du'ih wid wan gud haat. Unu si, aal dehn waahn du dah stor'op plenty trobl fi mek Ah fiil bad wail Ai deh iina jiel!