Philippians 3:3 - The New Testament in Islander Creole

³ bot dah wii, dah di wan dem weh riily sorkomsaiz, bikaaz wi waaship God chruu di Spirit! Wi ongl proud bout Christ Jesus, ahn so wi no gat non fiet iina fi wi uonself

Philippians 3:3 Iomraidhean Croise

Colossians 2:11

So, bredrin, wen unu kom fi bii wan wid Christ, unu don get sorkomsaiz. Bot dat dah neva di siem kain a sorkomsizhan weh pipl du pahn di bady. Unu get sorkomsaiz wid di spiritwal sorkomsizhan weh Christ du. Ahn dat dah fi get rid a unu uol wikid self, so dat ih no gat non powa uova unu no muo.

Romans 7:6

Bot now wi frii fahn di Laa, bikaaz wi don ded wid Christ. Ahn di Laa weh yuuztu gat wi tai op laik prizna, now no gat no muo powa uova wii. So, wi no deh sorv God iina di uol wie weh dehn rait dong iina di Laa fi tel wi weh fi du. Wii deh sorv God iina di nyuu wie how di Holy Spirit help wi fi liv!

Galatians 5:25

So, bredrin, sins dah di Holy Spirit gi wi fi wi nyuu laif, den wi fi mek ongl him kanchruol how wi liv.

Romans 8:15

bikaaz di Spirit weh God gi unu no gwain mek unu fried, laik how di sorvant fried fi dehn maasta. Insida dat, God gi unu di Spirit weh mek unu fi bii God pikniny, ahn dah Spirit gi unu di powa fi hala out tu God ahn seh, “Aba, Pupa Maasa!”

Ephesians 6:18

So, prie aal di taim ahn aks God fi help unu; ahn aks ihn Spirit fi help unu prie. Stie pahn unu gyaad aal di taim ahn neva stap deh prie fi aala God pipl dem!

Romans 1:9

Ahn God —huu Ai deh sorv wid aal mi haat az Ah deh priich di Gud Nyuuz bout ihn Son— dah mi wiknis seh Ah deh prie fi unu aal di taim!

Jude 1:20

Bot unu, weh dah mi gud fren dem, unu fi bil'op unuself, mek unuself get stranga ahn stranga evry die iina unu fiet weh huoly. Ahn, wen unu prie, mek di Holy Spirit liid unu.

Romans 15:17

So den, sieka weh Ai dah wan wid Christ Jesus, Ah kyan bii proud a mi work fi God.

Romans 8:39

Niida di powa dem weh deh hai op iina di ier, ahn niida dehn powa weh deh pahn ort. Notn; notn ataal weh deh iina aala dis worl kyan separiet wi fahn di lov weh God gat fi wii! Ahn wi get dah lov chruu weh Christ Jesus wi Laad du fi wi.

Romans 9:6

Main, Ai no deh seh God neva du weh ihn pramis fi du. Nuo sah! God wehn du aal weh ihn pramis fi chruut, bot no aala di pipl dem weh baan iina Israel famaly dah fi di chruu pipl fahn Israel weh God wehn pik out;

2 Corinthians 11:18

Bot, if plenty ada pipl kyan buos bout weh dehn du iina fi dehn uon strent, den Ai kyan buos tu.

Galatians 6:16

So, tu aala unu, weh deh liv wan chienj laif laik how Ah jos tel unu fi du, Ai deh aks God fi gi unu ihn piis ahn morsy. Ahn Ah deh aks di siem blesin fi aala God pipl dem evry weh dehn deh.

Philippians 1:1

Dis leta dah fahn mii, Paul, ahn fahn Timothy tu. Di two a wi sorv Jesus Christ tugeda. Now a diez wi deh rait tu aala unu, God pipl dah Philippi weh dah wan wid Christ Jesus, ahn speshaly tu aala unu, di pastya ahn di diikan dem.

Philippians 3:12

Now, Ah no riich mi guol yet ahn Ah no porfek yet, bot Ah deh push fi get aal weh Christ Jesus siev mi fah ahn fi bii aal weh him waahn Ah fi bii.

Philippians 3:14

Ah deh push fi get dah di finish'in lain so Ah kyan win di praiz. Dah praiz dah di laif weh no gwain don nontaim ataal weh God kaal wi fi get, chruu Christ Jesus.