Philemon 1:9 - The New Testament in Islander Creole

⁹ bot sieka di lov weh wi gat, Ah wuda reda aks yu insida dat: Mii, Paul, weh dah now wan uol man iina prizn fi Christ,

Philemon 1:9 Iomraidhean Croise

Romans 12:1

So den, bredrin, sieka weh God gat so moch morsy pahn wi, Ah deh beg unu fi gi aala unu laif tu him laik wan laiv sakrifais, wan sakrifais weh huoly, ahn wan sakrifais weh gwain pliiz him. Dat dah di chruu wie how wi shuda waaship di Laad.

2 Corinthians 5:20

So den, bredrin, wi dah Christ representativ dem weh ihn wehn sen fi taak tu unu. Wii deh beg unu jos laik dah Christ himself deh beg unu seh, “Mek God ton unu fahn ihn enimy tu ihn fren dem!”

2 Corinthians 6:1

So bredrin, wii weh deh work tugeda wid God, deh beg unu fi mek gud yuus ah di gries weh God wehn gi unu.

Galatians 3:26

So den, bredrin, chruu unu fiet, aala unu dah God pikniny, sieka weh unu dah wan wid Jesus Christ.

Ephesians 3:1

Now Ai, Paul, dah wan prizna a Christ Jesus, bikaaz Ah wende priich tu unu pipl weh dah no Jew.

Ephesians 4:1

So den, Ai, Paul, weh dehn put iina prizn bikaaz Ah deh work fi di Laad; Ah deh beg unu fi waak iina God wie jos laik how ihn tel unu fi liv, wen ihn fos kaal unu fi chros iina ihn Son.

Ephesians 6:20

Fi di siek ah dis Gud Nyuuz, Ai dah God mesinja, bot rait now dehn chien mi op iina prizn. So unu fi prie fi mi so dat Ah no get fried nontaim fi tel di pipl dem bout Jesus Christ, jos di wie Ah shuda tel dem.

1 Timothy 1:12

So den, Ah gi tanks tu fi wi Laad Christ Jesus, huu wehn gi mi strent fi du mi work. Dah him wehn chros mi wid ihn mesij, ahn pik mi out fi sorv im.

Titus 2:2

So den, tel di uolda man dem seh dehn fi kanchruol dehnself ahn dehn fi bii rispektabl tu. Dehn fi bii sensabl ahn dehn fiet fi strang, ahn dehn fi shuo lov ahn pieshens tu.

Hebrews 13:19

Ahn az fi mii, Ah deh beg unu fi prie haad fi mi dat Ah kyan kom bak tu unu suun.

1 Peter 2:11

Mi dier fren dem, unu dah no fi disya worl; unu dah farina ahn strienja. So, Ah deh waan unu: unu no fi giv iin tu dehn sinful fiilin weh deh fait gens unu uon suol!