Philemon 1:7 - The New Testament in Islander Creole

⁷ Mi dier breda, di lov weh yu gat ongl mek mi hapy, ahn ih inkorij mi plenty. Ahn ih mek aala God pipl dem hapy iina dehn haat tu.

Philemon 1:7 Iomraidhean Croise

1 Corinthians 16:18

Demde bredrin wehn chier mi op plenty, jos laik how dehn wehn du fi unu. Unu fi lisn tu pipl laik dem ahn ana dem tu.

2 Corinthians 7:13

Ahn dat dah weh wehn inkorij wi so moch. Ahn pan tapa dat, wi wehn uova glad fi si how hapy Titus wehn hapy. Unu don mek im get piis iina ihn haat!

2 Corinthians 7:4

Ah gat plenty kanfidens seh Ah kyan taak frii tu unu bout how proud Ah fiil bout unu, how unu inkorij mi plenty, ahn how unu ongl mek mi hapy —iivn duo Ah gaan chruu so moch trobl.

1 Thessalonians 1:3

Wi no farget fi seh tanks tu wi Faada fi di wie how unu deh liv. Far, unu laif shuo seh unu chros iina Jesus, ahn ih shuo how unu deh work haad far im bikaaz unu lov im. Wi tank God tu seh bikaaz unu kiip aan deh stan strang sieka di huop weh unu gat iina di Laad Jesus Christ.

1 Thessalonians 2:13

Ahn no ongl dat, bot wi aalwiez tank God seh unu biliiv di mesij weh wi wehn priich tu unu. Unu wehn tek'ih laik dat dah wehn God mesij —ahn dah mesij wehn kom fahn God ihnself fi chruut! Dah neva notn weh wi wehn mek'op outa wi hed —ahn now dis siem mesij deh work iina unu laif tudeh stil yet!

1 Thessalonians 2:19

Aftaraal, wen di Laad Jesus kom, dah huu gwain mek wi fiil gud bot unu? Unu dah wai wii kyan buos. Unu dah fi wi huop; unu gi wii jai; ahn unu gwain bii laik wan kroun a gluory fi wii wen wi stan tugeda fronta di Laad Jesus wen ihn kom bak.

1 Thessalonians 3:9

So, dah how wi kyan gi God tanks nof fi unu? Bikaaz a unu, wi don ful'op a jai, wen wi kom fronta fi wi Faada op iina hevn.

2 Timothy 1:16

Bot mek di Laad shuo ihn morsy tu aala di pipl fahn Onesiforus famaly, bikaaz dehn inkorij mi plenty, ahn dehn neva shiem a mi, bikaaz Ah wende iina prizn.

Philemon 1:20

So, mi breda, jos du mi dis fieva fi di Laad siek; ahn mek mi haat hapy.

2 John 1:4

Ah wehn so hapy wen Ah hier seh som a yo pikniny dem deh fala di chruut, jos laik weh wi Faada tel wi fi du.