Matthew 9:6 - The New Testament in Islander Creole

⁶ Bot so unu wi nuo seh di Son a Man gat powa pan ort fi paadn sin, Ah gwain kyuor dis man.” Den Jesus ton roun tu di sik man, ahn tel im seh, “Get'op, tek op yo strecha, ahn go huom; yu don get beta now.”

Matthew 9:6 Iomraidhean Croise

Matthew 4:24

So di nyuuz bout im spred aal uova Syria lan, ahn di pipl dehn ker aala di sik wan dem: dem weh wende sofa wid aal kain a diziiz ahn pien, ahn dem weh wehn gat iin bad spirit, dongtu dem weh wehn trobl wid fits, ahn dem weh kyaahn muuv ataal. Ahn Jesus kyuor aala dem.

Matthew 8:20

Jesus tel im, “Di faks dem gat huol ahn di bord iina di skai dem gat nes, bot di Son a Man no gat no weh fi put ihn hed.”

Matthew 9:2

Afta ihn get bak deh, som pipl wende ker wan man weh wehn paralaiz —weh kudn muuv ataal— pahn wan strecha. Wen Jesus si ho moch fiet dehn wehn gat iina ihn powa, ihn seh tu di man weh wehn paralaiz, “No wory, mi son, Ah paadn yo sin dem.”

Matthew 9:5

Wat iiziya fi seh: ‘Ah paadn yo sin dem,’ or ‘Get'op ahn waak?’

Matthew 9:7

Az di sik man hier dat, ihn get'op ahn gaan huom!

Mark 2:10

Bot so unu wi nuo seh di Son a Man gat powa pan ort fi paadn sin, Ah gwain kyuor dis man.”

Mark 2:7

“Dah weh du disa man weh taak laik so; ihn tink seh him dah God iikwal? Huu kyan fargiv sin; dah no God aluon?”

Luke 5:21

Di Pharisee pipl ahn di tiicha a di Laa dem staat tink tu demself, “Dah huu disa man; ihn tink seh him dah God iikwal? Huu kyan fargiv sin; dah no God aluon?”

John 10:28

Ah gi dem laif weh gwain laas fareva, ahn dehn no gwain ded nontaim ataal. Ahn nonbady no gwain grab dem outa mi han.

John 17:2

bikaaz yu gi'im di rait uova evrybady pahn dis ort, so ihn kyan mek aala dem weh yu wehn gi'im liv fareva wid yo.

John 5:27

ahn di Faada gi di Son aal di rait fi joj, bikaaz him dah di Son a Man.

John 5:8

Jesus tel im, “Get'op ahn tek op di strecha weh yo deh lidong pan ahn waak!”

Acts 5:31

God wehn ana im plenty, wen ihn mek im sidong pahn ihn rait han said fi bii Prins ahn Sievya, so ihn kuda gi wi Israel pipl di chaans fi chienj wi wikid wiez so ihn kuda fargiv wi sin dem.

Acts 9:34

Peter seh tu im, “Aeneas, Jesus Christ kyuor yo! Get'op ahn spred yo bed.” Siem taim Aeneas get'op pan ihn fut!

2 Corinthians 2:10

Ai fargiv enybady weh unu fargiv. Ahn wen Ai fargiv dem —if enyting deh fi fargiv— Ah du'ih sieka unu, wid Christ az mi wiknis.

2 Corinthians 5:20

So den, bredrin, wi dah Christ representativ dem weh ihn wehn sen fi taak tu unu. Wii deh beg unu jos laik dah Christ himself deh beg unu seh, “Mek God ton unu fahn ihn enimy tu ihn fren dem!”

Ephesians 4:32

Insida dat, unu fi du gud tu wan anada. Unu fi gat wan waam, kain haat fi wan anada, ahn fi fargiv wan anada jos laik how God wehn fargiv unu, bikaaz unu dah fi Christ!

Colossians 3:13

Unu fi aalwiez bier'op wid wan anada, ahn if enybady du unu enyting bad, fargiv dem. Ahn jos laik how di Laad wehn fargiv unu, rait so unu shuda fargiv wan anada tu!