Matthew 9:15 - The New Testament in Islander Creole

¹⁵ Jesus ansa dem seh, “How unu espek di pipl weh go dah wan wedn paaty fi fiil bad? Dehn no gwain du dat nontaim so langs di man weh gwain marid dedeh wid dem, no chruut? Bot di die gwain kom wen dehn tek weh di man weh gwain marid fahn dem, ahn den ihn fren dem no gwain iit; dehn gwain ongl faas.

Matthew 9:15 Iomraidhean Croise

Matthew 9:14

Den som a John disaipl kom tu Jesus ahn aks im seh, “Wai wii —ahn di Pharisee pipl tu— faas plenty, bot fi yo disaipl dehn no faas ataal?”

Matthew 9:16

“Nonbady no gwain tek wan piis a nyuu klaat fi pach op wan huol pahn wan uol kluoz, bikaaz di pach gwain tier aafa di kluoz, ahn di huol gwain get biga.

Mark 2:19

Jesus ansa dem seh, “How unu espek di pipl weh go dah wan wedn paaty fi faas? Dehn no gwain du dat nontaim. So langs di man weh gwain marid dedeh wid dem, ihn fren dehn gwain iit wid im; dehn no gwain faas.

Mark 2:20

Bot di die gwain kom wen dehn tek weh di man weh gwain marid fahn dem, ahn den ihn fren dem no gwain iit; dehn gwain ongl faas.

Luke 17:22

Den Jesus seh tu ihn disaipl dem, “Di die gwain kom wen unu gwain lang fi spen iivn wan die wid di Son a Man, bot unu gwain kyaahn du'ih.

Luke 5:34

Jesus ansa dem seh, “How unu espek di pipl weh go dah wan wedn paaty fi faas? Unu kyaahn espek dem fi du dat nontaim.

Luke 5:35

Bot di taim gwain kom wen dehn tek weh di man weh gwain marid fahn dem, ahn den ihn fren dem no gwain iit; dehn gwain ongl faas.”

John 16:6

Now sieka dem tingz weh Ah tel unu, unu haat get hevy.

John 3:29

Di gruum —di man weh deh get marid— dah di wan weh gat di braid. Di gruum fren jos dedeh deh lisn, ahn ihn get uova hapy wen ihn hier di gruum vais. Wel, dah di siem wie wid mii; dat dah wai Ah so glad.

Acts 14:23

Ahn iina aal di chorch dem Paul ahn Barnabas pik out som uolda rilijos liida, ahn den dehn prie fi dem deh faas. Dehn put dem iina di Laad kier, bikaaz dah him huu dehn wehn chros iina.

1 Corinthians 7:5

So, unu no fi huol bak unuself fahn wan anada, eksep wen unu grii tugeda fi du dat jos fi wan likl wail so unu kyan spen taim fi prie. Bot, az suun az dah taim uova, go bak ahn bii wid wan anada. Iina dah wie, unu no gwain gi Satan non chaans fi temp unu sieka weh unu kyaahn kanchruol unuself.

2 Corinthians 11:27

Ah work uova haad chruu plenty haad taim. Ahn plenty nait Ah no sliip ataal; plenty taim Ah dedeh hongry ahn torsty; som taim Ah no gat non kain a fuud, ahn Ah dedeh kuol ahn niekit.

Revelation 19:9

Den, di ienjel tel mi seh, “Rait dis dong: God bles demde pipl fi chruut weh ihn invait fi go iit dah di wedn fiis fi di Lam.” Den ihn tel mi seh, “Demya wod dah di chruu wod weh God seh.”

Revelation 21:2

Den, Ah si di Huoly Sity —di Nyuu Jerusalem— deh kom dong fahn outa hevn fahn God. Dah sity wehn luk laik wan braid weh deh get redy ahn dres op fi miit ihn hozban!