Matthew 8:6 - The New Testament in Islander Creole

⁶ “Laad, mi sorvant deh dah mi huom deh lidong, bikaaz ihn kyaahn muuv ataal; ihn paralaiz ahn ihn gat plenty pien tu.”

Matthew 8:6 Iomraidhean Croise

Matthew 4:24

So di nyuuz bout im spred aal uova Syria lan, ahn di pipl dehn ker aala di sik wan dem: dem weh wende sofa wid aal kain a diziiz ahn pien, ahn dem weh wehn gat iin bad spirit, dongtu dem weh wehn trobl wid fits, ahn dem weh kyaahn muuv ataal. Ahn Jesus kyuor aala dem.

Matthew 8:7

Jesus tel im, “Ah gwain go ahn kyuor im.”

Matthew 9:2

Afta ihn get bak deh, som pipl wende ker wan man weh wehn paralaiz —weh kudn muuv ataal— pahn wan strecha. Wen Jesus si ho moch fiet dehn wehn gat iina ihn powa, ihn seh tu di man weh wehn paralaiz, “No wory, mi son, Ah paadn yo sin dem.”

Acts 10:7

Wen di ienjel gaan, Cornelius kaal two sorvant ahn wan a fi ihn uon suoldya, weh dah wehn wan gadly man.

Acts 8:7

Far egzampl, di bad spirit dem kom rait outa dem deh baal out ahn hala. Ahn ada pipl weh wehn paralaiz ahn kripl, dehn wende get kyuor tu.

Acts 9:33

Iina daty toun ihn bok'op pahn wan man weh niem Aeneas, weh wehn paralaiz ahn lidong iina ihn bed fi eight yierz.

Colossians 3:11

So, ih no mata if unu dah Jew or no wan Jew, or if unu sorkomsaiz or unu no sorkomsaiz. Ih no mata if unu edyukietid or on'edyukietid; if unu dah wan farina, wan sliev, or wan porsn weh frii. Aal weh mata dah Christ, ahn dat him deh liv iina unu!

Colossians 4:1

Ahn unu maasta, unu fi du weh rait ahn gud fi unu worka dem, bikaaz unu hafy memba seh unu rispansabl tu wan Maasta iina hevn tu!

1 Timothy 6:2

Ahn demya sliev weh gat wan maasta weh chros iina Christ, dehn no fi tink seh, bikaaz dehn dah breda iina Christ, dehn fi tek advantij ahn no gi dehn maasta dem non rispek. Insida dat, demya sliev fi work iivn muo beta fi dehn maasta, bikaaz di work weh dehn deh du gwain help dem weh dah biliiva, weh dehn lov. Timothy, yu fi tiich di pipl dem demya tingz yah, ahn inkorij dem fi du dem.

Philemon 1:16

Bot now, Onesimos dah no muo jos wan sliev; ihn ton wan riil breda, speshaly tu mii! Ahn now ihn gwain miin moch muo tu yuu tu, no ongl laik wan sliev, bot laik wan Kristyan breda tu!