Matthew 8:22 - The New Testament in Islander Creole

²² Bot Jesus tel im seh, “Fala mi, ahn mek demde weh deh liv laik ded pipl ber dehn uon ded.”

Matthew 8:22 Iomraidhean Croise

Matthew 8:21

Den wan nada wan a ihn disaipl seh tu im, “Laad, fos mek Ah go ahn tek kier a mi pupa til ihn ded.”

Matthew 9:9

Afta dis, wen Jesus lef aaf fahn dehso ahn wende waak lang di wie, ihn si wan man weh wehn niem Matthew deh sidong iina ihn taks hous. Ahn Jesus tel im seh, “Kom! Fala mi no!” Ahn Matthew get'op ahn gaan wid im.

Mark 2:14

Ahn wail ihn wende waak lang di wie, ihn si wan man weh niem Levi, Alphaeus son, deh sidong iina ihn taks hous. Ahn Jesus tel im seh, “Kom! Fala mi no!” Ahn Levi get'op ahn gaan wid im.

Luke 15:24

Dis dah mi son weh wi wehn tink wehn ded, bot ihn kom bak tu laif! Ihn wehn laas, bot now ihn kom bak tu mi.’ So dehn staat selibriet.

Luke 15:32

So wi wehn hafy get glad ahn selibriet, bikaaz yo breda, weh wehn don ded, deh liv agen. Ihn wehn laas ahn wi fain im bak!’ ”

Luke 9:59

Den Jesus seh tu wan neks man, “Fala mi!” Bot di man seh, “Laad, fos mek Ah go ahn tek kier a mi pupa til ihn ded.”

Luke 9:60

Bot Jesus tel im seh, “Mek demde weh deh liv laik ded pipl ber dehn uon ded. Fi yo dyuty dah fi priich bout God Kingdom.”

John 1:43

Di neks die Jesus disaid fi go Galilee. Rait dehso ihn fain wan neks man weh niem Philip ahn ihn tel im, “Kom! fala mi!”

John 21:19

Now Jesus seh dis fi mek Peter nuo weh kain a det ihn wehn gwain ded, ahn dat dah di kain a det weh wehn gwain ana God. Afta dat, Jesus tel Peter, “Fala mi!”

John 21:22

Jesus tel im, “If Ah waahn him liv til Ah kom bak, wat mek yu waahn nuo weh gwain hapm tu im? Weh yu fi du, dah fala mii.”

Ephesians 2:1

Bredrin, unu nuo seh bifuor unu kom tu Christ, unu wehn ded wen ih kom tu di tingz a God. Dis dah wehn bikaaz unu yuuztu liv wan laif deh rifyuuz fi du weh God seh, ahn bikaaz a unu sin dem.

Ephesians 2:5

ihn mek wi kom alaiv wid Christ iivn wen wi wehn ded iina fi wi sin dem. Memba seh: dah bai God gries wi get siev!

Ephesians 5:14

Bikaaz dah lait, dah weh mek evryting klier fi si. Ahn dat dah wai di Skriptyo seh: “Unu weh deh sliip, wiek'op! Get'op fahn mongs di ded pipl dem! Ahn Christ gwain shain pahn unu.”

Colossians 2:13

Di chruut dah seh, wan taim unu wehn ded iina unu spirit, bikaaz unu yuuztu bihiev bad laik dem weh no nuo notn bout God Laa, ahn so unu wende aanda di powa a unu uon sinful nietyo. Bot now, God gi unu chruu laif wid Christ tu. Ihn don paadn aala wi sin dem.

1 Timothy 5:6

Bot di neks wido liv jos fi ihn uon plezha, ahn so ihn don ded iina God sait, iivn duo ihn deh liv.